لاخير في من على ربعه يحد السيوف

نعمين وحنا نشوفك شاعر ومستشار=يعني مع اهل الادارة كاتبين القرار
واجب واعيدوا نظر فيما يعز الجدار=لاخير فيه القوي اما يشيل الضعوف

لاخير فيه القوي اما يشيل الضعوف=ولا المدير امعنا ولا المدير امعنا

ان جيتنا مرحبا هذاك يومٍ بهيج=ودياري سيف الحمر الين سيف الخليج
من حيث تاطا نطا وان جا نهار الهجيج=نثبي كما الشامخات النايفات الوقوف

نثبي كما الشامخات النايفات الوقوف=وثيقته عندنا وثيقته عندنا

صحت السنتكم موال جزل وطاروق رائع لاهنتم وبيض الله وجيهكم

لاهنت لاهنت ماعليك يالقرم زود=
ولاهان منهو كما شرواك مشيه سنود=
مال الضعيف هنا يابن معبد وجود=
مايدبس المعركه شخصٍ دخل فيه خوف=

مايدبس المعركه شخصٍ دخل فيه خوف=ولايقرب لحدنا ولايقرب لحدنا

حنا نعد الحقايق والكلام الصريح=
من لايثبت وجوده انصحه يستريح=
فالمعركه عنصرٍ فايز وعنصر طريح=
في ساحة المعركه ماحدٍ بخصمه يروف=

في ساحة المعركه ماحدٍ بخصمه يروف=وضعوف مابدنا وضعوف مابدنا

الطلق تسري على البراق لالاحيه=واكبر بلا يشغل المجنون بالصاحيه
مابين جد العلوم وبين الامزاحية=ما يشغل المشتقي عن رزقه الا الصروف

ما يشغل المشتقي عن رزقه الا الصروف=هوشة مصر فرعنا هوشة مصر فرعنا

الطير مشبوك ما فاده يرف الجناح=والظفر في ماقفه تحت القنا بالسلاح
واللي يجليه في وقت المثارا الصياح=لاينقل مسلبات ولا يفك الهنوف

لاينقل مسلبات ولا يفك الهنوف=من حرب سيف وقنا ومن سيف وقنا

	المشاركة الأصلية كتبت بواسطة ابوديمه

	ياسلام يابن جمران صح لسانك وفاز حصانك سلمت على هالرد تابعو رعاكم الله

أبو ديمه الله يديمك ويطول عمرك. متابعتك وتواصلك تعني لنا الكثير

ونعم بكم كلكم انت ومضحي بن جمران ويستاهل المديح والعلم الغانم.

	المشاركة الأصلية كتبت بواسطة مسند بن عامر الحويفي

	صحت السنتكم موال جزل وطاروق رائع لاهنتم وبيض الله وجيهكم

صح الله بدنك شاعرنا مسند بن عامر الحويفي. الله يبيض وجهك. سعداء بحضورك. دمت بخير.

مضحي بن جمران أحييك واهنئك بالعيد: كل عام وانت طيب ان شاء. وتشرفت بتواصلك. واسعدني حضورك وسعت افقك. وللوقت اللي منحته لي في هذا الموضوع شكري الجزيل ولشخصك الكريم تحية اجلال وامتنان

صح الله لسانك وبيض الله وجهك. واطلب منك السموحه اذا جاء مني مايستدعي الاعتذار. ودمت في امان المولى. وبانتظار مشاركتك اذا احببت وان شاء الله نتلقى على خير.

وأخذ راحتك ياطويل العمر .

مايسلك الدرب مخلوقٍ يتيه الضحى=
ايعاكس الاتجاه بطرقته ماصحى=
لين حبه ينعم بدراج الرحى=
من بعد ماياخذ المقسوم قله يطوف=

من بعد ماياخذ المقسوم قله يطوف= نجود في مدنا نجود في مدنا

الحر الاشقر طليقٍ في فضاء الجو راج=
والشبك لاجل الطيور الداجنه والدجاج=
اللي يحرج عليهن وسط سوق الحراج=
يجعلهن كلهن للحر الاشقر علوف=

يجعلهن كلهن للحر الاشقر علوف= مطعوم له بالهنا مطعوم له بالهنا

	المشاركة الأصلية كتبت بواسطة طلال المعبدي

	مضحي بن جمران أحييك واهنئك بالعيد: كل عام وانت طيب ان شاء. وتشرفت بتواصلك. واسعدني حضورك وسعت افقك. وللوقت اللي منحته لي في هذا الموضوع شكري الجزيل ولشخصك الكريم تحية اجلال وامتنان صح الله لسانك وبيض الله وجهك. واطلب منك السموحه اذا جاء مني مايستدعي الاعتذار. ودمت في امان المولى. وبانتظار مشاركتك اذا احببت وان شاء الله نتلقى على خير. وأخذ راحتك ياطويل العمر .

اخوي الكريم الشاعر طلال المعبدي تشرفت في مجاراتك بهذه الوسيمه الرائعه وابصم لك بالعشر بالجزاله والابداع والتميز واشكرك جزيل الشكر على سعة صدرك ونبل اخلاقك
وصح الله لسانك مدد بلا عدد لاهنت على الموال الرائع والطاروق الكايف وبيض الله وجهك
كمال وجمال يابن العم ولاجاء منك الا العلم الغانم سلمت ودمت والله يحفظك ويرعاك بكريم رعايته

	المشاركة الأصلية كتبت بواسطة مضحي بن جمران

	مايسلك الدرب مخلوقٍ يتيه الضحى= ايعاكس الاتجاه بطرقته ماصحى= لين حبه ينعم بدراج الرحى= من بعد ماياخذ المقسوم قله يطوف= من بعد ماياخذ المقسوم قله يطوف= نجود في مدنا نجود في مدنا الحر الاشقر طليقٍ في فضاء الجو راج= والشبك لاجل الطيور الداجنه والدجاج= اللي يحرج عليهن وسط سوق الحراج= يجعلهن كلهن للحر الاشقر علوف= يجعلهن كلهن للحر الاشقر علوف= مطعوم له بالهنا مطعوم له بالهنا

ههههه ياسلام على الحنكة وعلى السياسه الحربية.بس ماضني تطاوعه نفسه ويعود على الداجن؟ ههههه مهما يكن "طيور" مالهم غير بعض .الله يسعدك ويوفقك


إلا أن دراج الرحى وصف ابداعي ههههه . صح الله لسانك حضرة المستشار.تحياتي