ديوان الغاز الشاعرعبدالله الفريدي

ياسامعين اللغز يامفسرينه=اللغز عن عود كبير دماغه
له بالقرى مسكن وله بالمدينه=نحب شغله مير نكره فراغه

حله ابو خالد الفريدي وهو خزان ماء الحاره

ياويش رجل لقيته مع جميع العرب=ماينجهل وايتشابه بالاسم والحروف
رجل معه ورع يفزع له يفك النشب=هل الشقا عندهم قاضي ببعض الضروف

حله نافع الحربي وهو الوسم

من سنين غابرة والعود ثاني=دون قومه ماتردّى في مقامه
في زمان فات له بالكون شاني=فارض نفسه وقدرة واحترامه
مار قدره قل في تال الزماني=اعتلوه اطفال من عقب الكرامه

حله ابوخالد الفريدي وهو سور الصين

ياويش ورعٍ فيه قوة وله بأس=بأشد خلق الله يسوي سوايا
الطول حول المتر وامدلمك الراس=وعليه من حليا عدوك حلايا

حله سعد الحصني وهو عقال البعير

انشدك عن شيخ عزيز مقامه=ماله شبيه الاّ فتاةٍ عريقه
قبل آصفه يجب عليّ احترامه=والبنت دونه ماشيه في طريقه
اللي صفاله بشّره بالسلامه=وباقي اوصوفه كان تبي الحقيقه
أمه اليا وصّفتها تقل شامه=وله غاية دايم اعراها وثيقه

الحج والعمره نافع الحربي

ويش بنت خلقها الله وكثّر نماها=والنما مايشوف امه ولا ابوه شافه
يوم جت للديار اللي جذبها حياها=حطته بالنفود وزوّعت بنصرافه

الدبا اوبيض الجراد من سعد الحصني

ارخص الموجود فوق الوطا واغلا الوجود=الثنين اللي لهم شان رجال ومره
كل واحد ضد الاخر وفي طبعه حقود=الرجل يخاف منها وهي ماتقدره
المره عدوّته وان لبس عنها البدود=والرجل عدوها وان نزع مايستره

حله صبار العنزي وهو الماء والنار

انشدك عن بنت لك الله شريفه=مكانها مجلاس حشمة ومقدار
واحيان بيدينك تهين العفيفه=برضاك تدخلها على دار الاشرار

حله الدله من البدراني

انشدك عن رجال مهدور دمه=وظيفتة ينقز من بيوت لبيوت
الاسلحة بنواعها ماتهمه=لكن لو طخه ورع جاهل يموت

حله/ سامي الفكر وهو اللغز نفسه

انشد اللي يفتهم بالمعاني والرموز=مايكيده حلها لو نصعّب حلها
ويش بنت بيّنة .. يالربع مدري عجوز=ما بقى من عمرها كثر ما ماضٍ لها
ماتحب العبد والعبد فيها مايفوز=تستحل الحر والحر دله دلها
دلها دل الكرم وانت عنها ماتجوز=مار طعني واسترح منته بواصل لها

حله مهجرس الحرف وهي الشمس