يروز الروس واللي خف شاته شوتة الكوره

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

صح الله بدنك والله يعافيك لاهنت يالحب الباقي تشرفنا بمرور النير لاعدمناك

اشوف الصيد تال الوقت يامضحي ماله شول = تعرض له ولد جمران متحمي بصاطوره
ولا كل العقد تلقا لها يا ابو حمد محلول = دليلك عقدة اسرائيل كم سنين منظوره

	المشاركة الأصلية كتبت بواسطة حمدفهيدالحربي

	صحت السنتكم

صح الله بدنك

دوام الحال قالو يامحمد مستحيل يطول=ويدين اهل الوفاء ماهي عن الجزلات مقصوره
خطر بقعاء بعد صدام له سهمٍ يدير الزول=وسكين الجزاره سنها اللي منتوي زوره

صح لسانك يامضحي على المبدا الجزل كالعاده
وصح لسانك يامحمد على الرد الجزل وهذا اللعب اللي على مستوى
متااااااااااااااابع

	المشاركة الأصلية كتبت بواسطة مرسى الثقال

	صح لسانك يامضحي على المبدا الجزل كالعاده وصح لسانك يامحمد على الرد الجزل وهذا اللعب اللي على مستوى متااااااااااااااابع

صح بدنك يامرسي الثقال لاهنت ولاعليك زود وشهاده نعتز بها لاعدمناك

مضحي بن جمران=
سلام الله سلامٍ ياخذ الشعار عرض وطـول=يروز الروس واللي خف شاته شوتة الكوره
مثل شوت البلنتي والبلنتي دايـمٍ بالقـول=وزعل فرقة الخسران والا ذيـك مسـروره
محمد عويض البدراني=
هلا يا مرحبا ترحيبتاً لاهل الوفا بوصول=ارحب بالنيابه في رجال الطيب مذكـورة
ماكل بلتني يا ولد جمران يلقالـه قبـول=يروح يمين والا فوق منه الرجل مكسوره
مضحي بن جمران=
يدوم الك البقاء يابو عويض وصلك المرسـول=وانا اقول السنافـي يعسـاه يقـوم فـي دوره
تضيع الفرصه السهله على راع العيون الحوول=وندري كـل طيـرٍ يشبعـه يالقـرم منقـوره
محمد عويض البدراني=
أنا لاشفت من مثلك عرفت ان المزن بثعول=واخاف السيل يشيل القرى وتصير مهجوره
نزلت السوق قبل ايام جاني واحدن مهبول=وأنا حشم رجالً مثل حد السيف مسطـوره
مضحي بن جمران=
مدام انك تشوف ان المطر ماهو رشاش سيول=ومن سفح الجبل حول بدربه ينحت صخـوره
تحرص وانتبه رجلك تحول بك على المجهول=على درب الخطا خذرا تسوق الرجل مجبـوره
محمد عويض البدراني=
أنا ماعرض الا لسيول اللي تصول تجـول=والا ضحضيح الرشاش مامنه الدار معموره
أنا ماخاطب إلا مع رجالً صاحيه بعقـول=لكن المشكله باللي تعرض يمشط شعـوره
مضحي بن جمران=
اشوف الحر وش يفعل ليامنه عرض له جول=وبعد التجربه يبين جـود الحـر وقصـوره
تراء ماهو صحيح لكل عقده ياجدون حلـول=تراء بعض العقد في حلها يحتـار دكتـوره
محمد عويض البدراني=
اشوف الصيد تال الوقت يامضحي ماله شول=تعرض له ولد جمران متحمـي بصاطـوره
ولا كل العقد تلقا لها يا ابو حمـد محلـول=دليلك عقدة اسرائيل كـم سنيـن منظـوره
مضحي بن جمران=
دوام الحال قالو يامحمـد مستحيـل يطـول=ويدين اهل الوفاء ماهي عن الجزلات مقصوره
خطر بقعاء بعد صدام له سهمٍ يديـر الـزول=وسكين الجزاره سنهـا اللـي منتـوي زوره

صح لسانك يامضحي وصحت السنة جميع الشعار المشاركين في المحاوره بارك الله فيكم

	اخوي مضحي تشرفت في مجارتك لاعدمناك عساك دايم بالوجود

	المشاركة الأصلية كتبت بواسطة خالداللهيبي

	صح لسانك يامضحي وصحت السنة جميع الشعار المشاركين في المحاوره بارك الله فيكم

صح الله بدنك يابو احمد لاهنت شرفتنا بهذا المرور النير لشخصك الكريم