ردي على قصيدة الشاعر الكبير سعد المحمدي

السلام عليكم ورحمة الله وبركاته
الاخوان الاعزاء زوار واعضاء ملتقى حرب هذا ردي على الشاعر الكبير سعد المحمدي واقدم له الاعتذار عن التاخير والتقصير
فا قصيدة ابو تركي هي قصيدة عصماء بلاشك وقد تشرفت با الرد عليها ولان ابو تركي لديه بلاغه ماشالله عليه هناك زيادة في
ردي عليه ثلاث ابيات استذنته بها واتمنى ان اكون وفقة في ردي على قصيدته واعتذر عن القصور
هذه قصيدة ابو تركي على هذا الرابط
http://www.m-harb.net/vb/showthread.php?t=61526
هذا ردي

با الجبال اجبال وصقور الجبل وفهوده= ما تدور حاجة من شافها خلاها
جابة الرجال فيها جابة منقوده = غير ابن دومان يومنه رفع مبناها
مر مع باب السلام بدعوة محموده = من طنا راسه تهقواها ولي نصاها
حي راس با الفرايد صادرات اوروده= بندقه يا مدها ما يختلف مرماها
يا عريب الجد يامن يعرفون جدوده= في نهار غابة الشردان في متقاها
بعد ما وصل الملف يدين يسري فوده = ذنبها فوق الثنين ولا يعم اعضاها
علمها منبوذ ما تحرص عليه نشوده = ولا تقصينا لها جره ولا نبراها
ما يضر اهل البلد سمعة رطين هنوده= الشوارب ما تقدم تاخذه با الحاها
من ثلاث ابعاد شفت مثلث البرموده = والنفوس تجرها يم المهيف اهواها
ودوحة العربان تبقى دوحة مشهوده = ما تكلم بسمها من واقفٍ بدناها
كل غصن من ثمرها مايل عنقوده = يحمد الله من يعيش بضلها وارخاها
وان تحرك غصن منها ولعبة به نوده = فوقه ضلال الفروع تلحفه بغطاها
من يكدر صفوها معنا تخيب جهوده = من كبار القوم والا من صغار ابناها
ورب مكه نعبده مكه ماهي معبوده= عاد عز البنت لكن شوف ما شفناها
يوم زبنة الغليم ما رجيت عهوده = السفينه في بحرها عارف مرساها
من طلع في طيبه لو قدرته محدوده = نرفعه وانطاح حظه طيحته يلقاها
والمعاني طرقها ماهو بطرق نشوده = لو يقول مضيفه قم غنها غناها
منكراخوانه ضعيف والربيب شنوده= جابته لبن الحموله حامي مكواها
وغين ميم الي تعده والجميع شهوده = حربته يا ساقها للخصم ما ثناها
انفرد في ماقفه من راهيات عدوده = ما ادعى فيها وغيره كن محد جاها
والوطن هذا وطنا والسعود سعوده= والاسامي با السما سبحان من سماها