ليلة مميزة في مكة المكرمة

في ليلة الاربعاء الموافق 16/11/1430
وعلى شرف الشيخ مشعل بن عبدالمجيد بن حمادي 00وأخيه ماجد والشيخ صالح بن شلاح
الهنيدسي 00وفي استراحة الاخ وليف الشوق بمكة المكرمة 00
تشرفت أنا واخواني والاخوة ابووائل وابومنى وابواحمد وابوالبخت وابوخالد00بزيارة الاخوة الاعزاء
أحمد العامودي وماجد ابومديدة وفريدابومديدة00وعبد العزيزبنية العروي وسامي الصبحي وجميل الصبحي وفايزبن قويفان البلادي
واحمد الصبحي 00وجمع من الاخوة شعراء واعضاء الملتقى يتقدمهم الشاعر الكبير خيال الشمال (حمدان الحمراني) والشاعر مسعود المعبدي والمشرف العام الاخ ابوفياض النويمي
وهمس القوافي 00وابوفرح وعدد كبير من الاخوة الذين لايتسع المجال لذكرهم 000
الليلة رغم قصرها الا انها كانت مميزة وحافلة بالشعر 000اليكم مادار فيها
1-زومالة من أحمد العامودي وماجد ابومديدة وخوياهم

سلام ياصقر تعلّى فالعلالي فوق فوق=فيه الرجوله والأدب كل المعاني فيه ذوق
المعرفه والمرجله من عادة الحر السبوق=اللي ينومس لاتصدّر فالصغيره والكبيره
والثانيه جينا نكمّل ماعلينا من حقوق=حق الزياره محتمينه للصديق اللي صدوق
حنّا نباها مستمره والوفا دربه يشوق=والطيّبه يسعى لها الوافين من ديره لديره
================================
الرد(حمدان الحمراني -حرب -ابوائل)=
يامرحبا في مرحبا عداد مالاحت بروق=بالربعه اللي كمّلت كل المعاني والطروق
انتم وحنّا ناخذ القدمه ولا ناجي لحوق=يالعزوه اللي في لوازمها وماقفها شهيره
جيتو على درب الوفا والطيب مادونه دروق=راعيه مايخفى سواة الشمس في وقت الشروق
ابشر ولادون الوفا ياكاسب الطالات عوق=مد الرجال اللي لها فالطيب والمعروف سيره

============================
2-

محاورة في على طرق المقوصر مع ماجد ابومديدة لم تخل من الملح الشعري كعادة ابوعبدالله00

ماجدابومديدة=
ياسلامي للرفاقة =والحضور الصيرفية
للوفا حمّاي ساقه=للدروب اللي نقيه
قابل البشري=
مرحبا مع ورد باقه=بالرجال اللي وفيه
بيننا طيب وصداقه=بالوفا جزله قويه
ماجدابومديدة=
ليت قابل في سياقه =يوم جات الشاذليه
للهوى يجعل دراقه=بعد مانسنس عليه
قابل البشري=
كب عنك الانطلاقه= خفّف السرعة شويه
انت من فكيت طاقه=لاتحط اللوم فيّه
ماجدابومديدة=
مالنا فالصد فاقة=ةالقلوب اللي خليّه
خلنا داخل رواقه=مالنا ومال الاذيّه
قابل البشري=
مادخلنا في سباقه=لاتبلانا بليّه
شيل حمله والوساقه=والجروح اللي خفيّه

==================================

لحن على طرق المروبع مع الشاعر القدير أحمد العامودي

00

العامودي=
سلام والمعنى نعلي مبانيه=والطيب مايصعب علينا طروقه
حسب الذي مابين الاصحاب نمشيه=ومن له علينا حق نوفي حقوقه
قابل البشري=
ترحيب بأهل الطيب تكمل معانيه= منّا على جزل القوافي نسوقه
والطيب باقي حاضره مثل ماضيه= ومن شاقنا حنا ترانا نشوقه
العامودي=
عسى البقا والطيب معروف راعيه= وانتم وحنا كلنا وسط سوقه
واللي يدارينا ترانا نداريه=والفن تبدا قوته من عروقه
قابل البشري=
الطيب فاهل الطيب تظهر مواريه=مثل السحاب اللي تلامع بروقه
واللي مشى بالطيب كلن يماشيه=والفوز دايم للجياد السبوقه
العامودي=
صادق وقلبي طرف عيني معنيه=واصبح يون ويشتكي من حروقه
كل مارضي دكتوره اللي يداويه=يتعرّضه في سكته مايعوقه
قابل البشري=
راع الهوى دايم طويله لياليه= محروم من حلو الكرى مايذوقه
دكتورقلبك لوتعكّس بياتيه= والحظ يعلن في صباحك شروقه

===============

تبقى لحن كسرة بين عبدالعزيز بنيه من جهة وحمدان الحمراني وحرب من جهة
ساضيفه بعد الحصول عليه كاملا من الاخوان 000