ردي على صقر المراقيب ( جديد)

قصيدة الشاعر / صقر المراقيب

لا ضيّقـت خالـد همومـه بدنـيـاه=ينخا الصديـق اللـي فـؤاده يـوده
هذاك ابو سامـي عسـى ماعدمنـاه=قولـت نعـم فـي طيبتـه ماتسـده
راعي هـلا ماتتـرك الجـود يمنـاه=والطيـب جالـه ورث خالـه وجـده
هيا استمع ياعالـي القـدر والجـاه=صاحبك خالـد بيّـح الوقـت سـده
يشكي عليك الحال من هـول ماجـاه=دنيـا العنـا لوعاتـهـا مستـبـده
ثـارت عليـه الغامهـا بالمعـانـاه=يسعى يكافـح لكـن البخـت ضـده
من بعد ماوقّف على القـاع بخطـاه=مسرع وقع فـي سهلـة ٍ مجرهـده
خط ٍ يابو سامي كتبتـه لـك اقـراه=مرسـول جالـك منتظـر منـك رده
فارقت لي مخلـوق عجبـه حلايـاه=بيـن العـرب بالزيـن مافيـه نـده
صدفه بـلا موعـد تلاقيـت ويـاه=شفت العجب مابيـن عينـه وخـده
حتـى سحرنـي ببتسامـة محـيـاه=غـلاه يشبـه حـب الاتـي بجـده
مير البلا مخلـف عهـوده ومبـداه=طاوعبي اللي حرضـوا لـه بصـده
ومن وضعنا يشمت بي اعداي واعداه=يـوم التوتـر بينـنـا زاد حــده
وان كان يحسبني مع الوقت بنسـاه=يبقـى غشيـم وجاهـل ٍ بالـمـوده

الـــــــــــــــــــــــــــــــرد

حيا الكلام اللي بعد ماقريناه=قامت بيوت الشعر له مستعده
من شاعرٍ يختار قافه ومعناه= ويخوض بحر الشعر جزره ومده
مذكور في طيبه ولو ماعرفناه=وإن عدو الشعار.خالد .نعده
الاحمدي معروفٍ اصله ومنشاه=طيبه من رجال الوفا يستمده
يشكي علي الحال من بعد مولاه=من صاحبٍ يبني غلاه .ويهده
وأقول ياخالد توكل على الله=واللي تحدا يارفيقي تحده
من لاحفظ وعده وعهده بلياه=حب القلوب الصافيه ماهو قده
كم قلت لك يالاحمدي لاترجاه=لو زينه المشهود كلٍ يعده
مثله عديم المعرفه لاتحراه=خله يولي جعل مالله يرده
حتى ولو جالك يسوقنه اخطاه=الا إن مالك عنه يالذيب صده
هذا كلامي وأنت حاول تحاشاه=على الجفا والبعد حاول تحده
مادام يسمع هرجة عداك وعداه=ولا يحتفظ بوعوده المستبده
خله يفارق وابتعد عنه وجفاه=وتلقى بديلٍ له ولو عقب مده
لاصار مايبغاك وشلون تبغاه=ابعد عنه ماهو بكفو الموده