الشعر يهل الشعر ماهو سواليف .,.,.,.,..,.,.,.,.,.,.,.,.,.,.,

	المشاركة الأصلية كتبت بواسطة راعــ(البل)ــي

	صح الله السانك قصيدة عانقة السماء بجزالتها وأبداعها تحياتي لك

صح بدنك يالغلي

أشكرك على مرورك الطيب


لك خالص التقدير

يقول من عدى بروس المشاريف=اللي بها عدت عيال الذيابه
وانا ليا عديت يطري لي الكيف=كيف الرجال اهل التقى والمهابه
مدري بلايه من حسين التواصيف=ولا الهبايب مثل صوت الربابه
احيان اعسفها على شذرة السيف=واحيان اخاطبها بلين وحبابه
والد بافكاري على الطيف والطيف=يقول عاتب من يهمك عتابه

	المشاركة الأصلية كتبت بواسطة علي هليل الحربي

	يقول من عدى بروس المشاريف=اللي بها عدت عيال الذيابه وانا ليا عديت يطري لي الكيف=كيف الرجال اهل التقى والمهابه مدري بلايه من حسين التواصيف=ولا الهبايب مثل صوت الربابه احيان اعسفها على شذرة السيف=واحيان اخاطبها بلين وحبابه والد بافكاري على الطيف والطيف=يقول عاتب من يهمك عتابه

صح بدنك وسلم غاليك والله يبارك فيك

لك خالص التقدير

	المشاركة الأصلية كتبت بواسطة فواز الزويهري

	الشعر يهل الشعر ماهو سواليف=ولاكل من غنا بقاف اهتنابه ويلاه ياقلب حدته الصواديف =في ديرة الأجناب عقل ركابه سر يانديبي وسط زين التواصيف=ألفين وتسعه في حشاه الرحابه مكينته من دون حس وتفاتيف=مركوب للباشات كله غرابه اسمه على لساني محرف تحاريف=في ديرة الألمان ( ميدن ) جنابه أوصل ديار العز وأهل التشاريف=أهل الحرم وقت الشدايد ذيابه فقيرهم لضيف يكلف تكاليف =مابالك اللي فالمعارض حسابه ثم قلهم فواز صيد المهايف=الكلب والحصني والأفعى صحابه ويبقى من أهل الجود قوم مضاريف = لكنهم قله ... لراسي عصابه السيل فالوادي يعقب تجاريف=كيف اعدل المجرى وأرحل سحابه وأنا غريب الدار ولالي صواريف=وأُثر المعزب مايروي شرابه عودت أعذر من قليل المحاريف =اللي هجير الصيف يتبع سرابه الحر مايتبع كثير التزاييف=يصيد بالمخلاب صيد (ن) هوابه ولو يطعم الصقار صقره تناتيف =يموت من جوعه قليل المهابه وأنا عريب الجد راعي صواليف =ماهمني النهاب يوم النهابه أجيب حقي وفوق حقي نوازيف = عروق خصمي لا زمانه شقابه ريبال مايرضى يعيش التطاريف=أمد يدي طيب ولا نشابه وأهجر ديار (ن) ناكره للمذاريف=لو يذرف العقرب تغيض الزرابه مايزهر الوادي ولابه معاليف=وإن مره الراعي يسارع ذهابه ياوجد روحي ياهلي للمواليف=مدري متى فواز يقرب إيابه جف القلم والقلب يملي التآليف=والحرف مايوفى معاني كتابه

الشاعر فواز الزويهري
اقول صح لسانك وغير الحصني وقول الثعلب واعتبر الخطاء غير مقصود ومن طيب نيه لاهنت

	المشاركة الأصلية كتبت بواسطة علي الحصني

	الشاعر فواز الزويهري اقول صح لسانك وغير الحصني وقول الثعلب واعتبر الخطاء غير مقصود ومن طيب نيه لاهنت

صح بدنك وسلم غاليك والله يبارك فيك

لك خالص التقدير

الشاعر الرائع
فواز الزويهري
صح السانك وبيض الله وجهك
قصيده رائعه ومعبره وابداع متميز

	المشاركة الأصلية كتبت بواسطة عامر الحربي

	الشاعر الرائع فواز الزويهري صح السانك وبيض الله وجهك قصيده رائعه ومعبره وابداع متميز

صح بدنك وسلم غاليك والله يبارك فيك

لك خالص التقدير

صح لسانك

وسلم بوحك العذب

رائعه جدا

ياسلاااااااام صح لسانك وعلا شانك

صح السانك يا فواز جزله لا هنت