الشاعر اللي مافيه هسه ولا رسه يجي

الأخ شاعر حرب
يعطيك العافيه ومنكم نستفيد يالغالي
وتسلم واستلم

انا اسمي كتبته يوم غيري يكتب التزييف=انا ماخاف غير الله الاه الكون خالقني
علومك طيبه والطيب مايحتاج للتعريف=وانا بشور لك شور(ن) تغير اسمك الفني

شاعر حرب،
و ابن خير الله الردادي،
الله يعطيكم العافية،
مازلنا متابعين و مستمتعين،
لا هنتوا

محاورة وبحر جميلان صح الله السنتكم

استلم لكن خل صدرك وسيع نبى نخرج من الروتين المعتاد
هذا قسمي من اسمي لو تشب النار فوق الليف ## ما احول عن شدادي واذبحك قدام تذبحني
ابى اعطيك السوالف دام ماعندك دلال وكيف ## واشب النار لجل احمسك فيها حمسة البني

استلم لاهنت ومنكم نستفيد

هذا اسمك كلنا نخشرك وصعب يروح عند اضعيف=ينزل قيمت الاسم الكبير اللي يشرفني
يزل بكلمته مايعرف ان الحر وقت الصيف=يسجلها شطاره مادرى انه مايقاومني

صحت السنتكم

وبيض الله وجيهكم

استلم
ترى هذا الاسم صعب ولا يلوق الا على الحريَف ## ومثلك يابن خيرالله لك الله مايتعبني
انا ما جيت غار انتف طيور العرب تنتيف ## واعلمكم وصول الشعر قبل تقول علمني

بيض الله وجيهكم وصحت ابدانكم جميعا واعذروني لاني جديد في انترنت

صح لسانك يالعميل وبيض الله وجهك والتغطيه من عندك ولنا لقاء بمشيئة الله

جميع الأخوان المتابعين

شكراً لكم على تشجيعكم وحضوركم

بيض الله وجيهكم

الأخ شاعر حرب

استلم لاهنت

عسى ربك يديم الستر دام الناس بالتخفيف = وانا ماهمني مثلك ولا اظنه بشاغلني
انا فوق الشداد ورافع البندق ورافع سيف =وغيري مخفياً نفسه شبيه ابليس والجني

وشكراً لك على اتاحة الفرصه لي لمجاراتك
تقبل اجمل التحايا

ودمت بخير