ياليتها عن شوفته شاحت العين؟............................................ .......

جيت المكان اللي جمعنا هاك الحين=وهلت دموع العين مني عباير
حسيت كن الارض دارت بي الفين=والحيل مني صار بالحيل خاير
وجلست ودموعي على الخد ثنتين=غرقت مغطاتي بدمع الحساير
ذكرت له والقلب يقسم النصفين=تجاوبت ذكراه وسط الضماير
كان الفرح بقلوبنا مثل طفلين= تسعدهم الدنيا بضحكة بشاير
ياليتها عن شوفته شاحت العين=ولاذكْرت قلب العنا با الخساير
كني أشوفه يوم يمشي على هوين=و اعرف بلمحة نظرته بالسراير
اوكني اسمع يوم صوته ينادين= هز الشعور النبرته شوق حاير
واليوم وين وغالي الروح هو وين؟=ذكراه في قلبي لهيب وسعاير
لو الشوارع تنطق الحرف ها الحين=إن كان تبكي مثل ما معي صاير
ليت العمر يقسم ويعطا الغالين=يمدي عطيته و اصبح السعد زاير

لكن مايقسم عمر بين شخصين=وكًل يشيل الذنبه وللوزاير
االله يادنيا على الناس تقسين=جرحك عميق وبوسط القلب غاير