عند العرب من قديم الوقت ثالث مُحال .......................

السلام عليكم ورحمة الله وبركاته

وكل عام وانتم بخير

اهديكم هذه الخاطره بعد انقطاع آملا ان تحوز على رضاكم
وقد كانت عن الصداقه والصديق وجاءت بطلب من اخي وصديقي العزيز شاعرنا الكبير:
عبدالله بن عتيق الحنيني

فأليكم ولكم قبلها وبعدها تحيتي وتقديري:

المستحيل الصديق وهاك علم وثيق = عند العرب من قديم الوقت ثالث محال
الغول وان شفت للعنقاء تشوف الصديق= وشلون بالوقت هذا والجواب السؤال
وعن الصداقه لو اني قلت قولٍ عتيق = مثل المثلث وزاويته بظرب المثال
كل ماتقرب تضيق وكان شان الطريق = ياقل من هو معك ياقف ليا جاء مجال
والا بوقت السعه كلٍ صحيب ورفيق = وبالنايبه تثبت الايام هي واليال
انه غدا حلم لو منه حقيقه نفيق = ظربٍ من المستحيل وشي مثل الخيال
يصعب وجود الصديق ان حل بالوقت ضيق = واكبر دليل التجارب بين كل الرجال
والا الصداقه بمعناها الأكيد العريق = اكبر من الوصف والتوصيف في كل حال
وعندي ثلاثٍ بقت برهان لابن عتيق= موقف صريح ومخوه والبيوت الجزال
والا اقول ان مابالوقت هذا صديق = الا صداقة ثري لو كان عبّاد مال