ديوان الشاعر (مساعد الجليدي) نديم الجود

--------------------------------------------------------------------------------

السلام عليكم ورحمة الله وبركاته ؛
؛اهدي لكم هذه الابيات

ياريـم مجـدول الشـعـر تنـقضيــنـه
ومعـطر(ن) بالـورد زيـن الـبلالـه

يامن كما البـراق موضـي جـبــينـه
ياعين شيهان(ن) على الكف شالـه

بدر الحويــفي يـوم وقــتـه وحـينـه
لا اشتاق يبدا كـل رجـم(ن) زمالـه

لاتجـــرحيـن الــقـلـب لاتجرحيـنـه
يكــفيه مـن جـرح الزمـن ماجرالـه

هــم(ن) توطـى ظامـره والــغـبينـه
من ناس شــي(ن) ماتــصـور ابالـه

قـــسوة اظروفه بيحـت فـي كــنينـه
واصبـــح يصفـق في يمينـه شمالـه

قلب(ن)على الماضي كثير(ن) حنينه
عـــليـه يزعـــــج ونــتـه مـن هـبالـه

الله ياوقـــــت(ن) تقــــافـت سنـيـنـه
يوم الـزمان اــلزيـن والــقلـب دالـه

يـوم النوايـا الطــــيبـه والثمـــيـنـه
والــجـار طيـب طيـب الله فـــــالـه

يوم القـــلوب نظاف والنـاس زينـه
والجو صافـي مـا تغـــبّـر سـهالـه

يـوم السحـاب بنشـوتـه خــابرينـه
باول قـدوم الوســــم يزبـر خـيالـه

والضـلع وقــته يـوم تاشـع بطينـه
ماكـنـه الا مــن ضواحـي صلالـه

ريم اـــلفـلا حـولـه تحـفـه سكـينـه
ولا شاف قناص(ن) يـزود جفالـه

واليوم والله من شــقث فــيـه عينـه
لـو عــس يــمـه مايـدوج حـــلالـه

دور(ن) تغيـر يالــقلـوب الفطينـه
وراع الجمالـه مبتلـش بالجــمالـه

ومن عاش دور العولمـه والمدينـه
مايــخدمـه ياكـود عــمــلـة ريـالـه

ومــن لا يـودك حـط بينـك وبينـه
الفـــين كيــلـو ليـن تنسـى مجالـه

والرزق عند اللي ومـر بالسفينـه
سبـحانـه المعـــبـود جـل جـلالـه


التوقيع نديم الجود مساعد الجليدي

[/color][/size][/center]

السلام عليكم ورحمة الله وبركاته اهدي
لكم هذه الابيات عسى ان تنال عجابكم

الـبـارح الـعــيـن يــامــشــــكـاي نـضـّاخه
طـوّل سهــرها وضيـق الوقــت عــامسها

جـمر الضمايـر فــحيـح الصـدر مـنـفـاخه
نـاره تـوهّـــج هــبـوبً هــــب لامـــسـها

مـــن ناس بالهــرج مـفــتـونه ولـــــوّاخه
تلــحــق عــلـى ناعــم الليـــفه مــجابسـها

نـاسً تــثــــيـرالـنــزاع ونـاس نـــــذ ّاخه
وبلــــيـس ناصب كــميـنه في مــجـالـسـها

واشــــوف لـي نـاس مـغـروره وبـــذ ّاخـه
وام الايـتـــيّـم اتـرقــّـع فــي مـلابــســها

مـلـيــت اجامـل ضروف الوقــت نوّاخــه
كــم نـوّخـت شــيـخ قـــومً كـان فــارسـهـا

ياناس مـن يـسـمــع الــمحـتـاج وصراخـه
دنياه مــن طـلعــتـه والحـــــظ حــايــسـها

والـمـال لـولا زكـــاته كــثـرة اوصــاخــه
والنـفـــس لولــى الامـانـه وش يـونـــسّـها

واهـل الربا يـبـــطـــرون ونـاس صـلاخه
ســـود الـنــوايا عــلــى الـدنـيا تـــنـافــسها

واهـل الرشاوى تحــوك الهــرج شــلاخه
حـتــّى النحــل دجّــنــو ياحـمود حــارسها

دنــيا عــلـى مثـــلــنـا ياخــوك مــنــلاّخـه
عــــزي الحــالـي وحـــالك مـن دســايسها

لقيـت فــيها هـبـيـل مصـاغــي اصـمـاخـه
ياخـذ هــداريــس غــيـره ويـــتــقــوّســهـا

ويــقـول انـا شــيـخ وابـغـى ناس طــبّـاخه
وابــغــى بــخـيــص الـثـنـيه لاتـجــسـسـها

لـو حــط لـه فــي طريــقه طـعـم شــدّاخــه
يـمـوت غــبـن الســمـيـنـه مـا تــلــمــّسـهـا

التوقيع نديم الجود
مساعد الجليدي

قـالو عــلامك كــنك اليوم ضايق
قلت الصحيح وياهي اليوم ضيقه

قـــالوتصــبّر ياوســـيع البــنايــق
قـلت السعه ماهي عــلى هالطريقه

شيً جرى ياناس ماهـوب لايــق
ولافـيه عاقـل يالنشـــاما يطـــيقه

راع الخطا تلحق فــزوعه لحايق
والمـقتدي هالوقت ضده شــقـيقه

ياالله اتجـازي طامسـين الحـقايق
بعقوبة(ن)تكشف استار الحـقيـقه

سود الضغاين ظالمــين الخـلايق
بالكذب والنمـــــات شبّـوحـريقه

هـابــين واحـدهـم عــلومه لـفايـق
لوشد حـلـقه نشّـف الخـوف ريـقه

ناسً تشــدّق ينصــبون الـعــوايـق
شوك الكـــداده تنصـبه بالحـــديقه

يلـــقـــونها مع جــلـّها والدقـــايــق
يوم(ن)تجمّـع فــــيه كــل الخلـــيقه

التوقيع مساعد الجليدي

نسأل الله الحي القـيّوم أن يعافي لنا خادم الحرمين الشريفين
الملك عبدالله بن عبدالعزيز ال سعود وأن يرجعه لنا سالماً معُافى ويبقيه
ذخراً لنا وللمسلمين كافه


ياحــر يلــّّي ماكـره بالشواهــيـــق
عــــليـك ولهـانه جــــبال اليــمامه

والشعب والـدوله الشوفك مشافـيق
يرجـــون ترجع للوطـن بالسلامـه

دعواتهم وقت المساء والـتـشاريـق
يارب عـبدالله تــعـــلـِّي مــقــامــه

حيثه تكفـّـل باليــتاما عـن الضيــق
باالدين والدنياعـزيــز اســتــقامــه

صبره على الشده كما شامخ طويق
باللــين والحــكمه مـبادي كــــلامه

ضحـكة احجاجه للوجيه المـطاليق
برق الحــيا ون هـل وبل الغــمامه

كفه كريم وحالـفه حـــسن توفــيق
كـــم دمـعة(ن)بـدّل بـها لبــتسامـه

يـالله يالمـعـــبود رب المـخالــيـق
تذريه فـي ضلـّك نهـار القــيامــه

التوقيع مساعد بن نافع الجليدي

السلام عليكم ورحمة الله وبركاته
اهدي لكم هذه الابيات عسى
ان تنال اعجابكم



انا ماذبـحــني كـــود مــن برقـــعه يزهاه
عيون اشقر(ن)تله على الوكــر مسباقه


عــلـيـه الله اكــبر كــل مـاحـل لي طرياه
ســبـــحــان ربً صــوّره جـــل خـــلاّ قـه


عطاه الجمال اليوسفي واكرمه واعطاه
على حلو منطوقه بـعـد حـسن باخلاقه


عــقب الصّـلاه العـصر جاني يـعد خطاه
يخـظ الغـدير ويرفـع الثــوب عـن ساقه


سلّـم برمـش العـين ثـم مـدلي يــمناه
يقـول انت مبطي يمك النفس مشتاقه


تـفرّقـت انا وياّه ويــلـي عــقـب فـرقاه
وهـو راح ودمعـوعه على الخـد دفـّاقه


وانا لو عذلت القـلب عـن حبــّها ماقواه
وانا وعــذابي مـن هــوا لعــذب وفـراقه


وانا لذكـرت الـعيـن والعـــنق والمـثـناه
يفـز الخـفــوق ويفــتـق الضـــلع ورواقه

(التوقيع نديم الجودمساعد الجليدي)

السلام عليكم ورحمة الله وبركاته
اهدي لكم هذه الابيات

مريت يوم به عواصيف ورشاش=
=وانا اتـحـرا ونــت مـاجيــت يــمي
واقفيت عـنكم حاير الفــكر منداش=
=ومـن التعــب مـابلّة الريـق فــمي
عليك ياترف القدم ظبي الاوحـاش=
=محروق قـلبي وحـترق مـنك دمي
قلبي جريح وعندكم غرفة انعاش=
=حــدر اللثام وحــولها نهــد زمـي
ياعــين ملموم على كـف عماش=
=اشقر عــلى جول الحـباري يتمي
لولاك مانمشي مع الصبح مغباش=
=ولازاد مع طــول المسافات هــمي
طيـفك يباريني على ساحل الطاش=
=وعــينـك تناديني وانا قــول سمـي
هنـيت من يدفـع لهْـلك الثمن كاش=
=ويضــم صدرك ياهــوا البال ضمي
عينٍ غطانْ لك وعينٍ لك افراش=
=ومــخدتك ما بــين زنــدي وكــمي

التوقيع مساعد الجليدي

السلام عليكم ورحمة الله وبركاته
اهدي لكم هذه لابيات عسى ان تنال
عجابكم


مريت دار مغـيزل العـيـن قـبـل امــس
كـنـت اتوقــّع جـرحــي الــعــام بـاري

قمت اتوجـّد ونعـمس خاطري عــمـس
عـــزاه يـاقـلــب(ن)تــلــوفـه طــواري

هـاذي مداهـل ريم ومخـضب الخـمـس
وجـــدي عــليها كــل مـاحــل طـــاري

شـدوشـمال وضامري منحـمس حــمس
اقــفــو بخـلــّي ونــتــحـــوبه اجــبـاري

عـــنه اتـنـشــّد والخبـر دونهـم طـــمس
وسهـــم كـمـا ذيــبً يــدوس الـخـطاري

وعـديت بالمرقاب مـع وقـفـت الشـمـس
بالرجم تلــفـحــــني هـــبـوب الــذواري

حالي كماس سـبعً عــدى وابعـد الرمس
حــاف القــطيـن وحـال دونه ضــواري

لحـنـّة ضلـوعـه مثــل حـــنـّة الجــمـس
كـنـّه عـــلى جــــوعــه يهـــل العـباري

قــلبي عــليـها بالــغــلا مـنلـمـس لـمـس
يالايـمـــي باالــزيـــن كــب الهـــــذاري

خل النصايــح واصبـح بديـرتـــك ومـس
مانـته مـن اللـي يـبـعـــدون المـــســاري

التوقيع مساعد الجليدي

اهدي لكم ولجميع زوّار ملتقى حرب
هذه الابيات القديمه
وهي رد على قصيدة شخص عزيز علي
ولاكن قصيدته لاتحضرني الاْن

يامــرحـــبا عـداد طـلـع المهــانيع=غـيدً عــلى الرييـــن مـحـلا نباته
بهجـرالحسـا تشرب زلال الينابـيع=وخــلاصـه التــربه تـزيــد بحـلاته
بابيات جـتني مـع ارساله وتوقـيع=من واحــدٍ يشــكي مــبادي حـيـاته
يشكي مـن الفـرقا اهمومه تناويع=بعض الهمـوم مشاركه في صلاته
النـاس يانــواف حــطــو مـشـاريع=والكل منــهم مـهتـني فــي ســباته
وراع الهوا حـافي كــثيرالمـطاليع=يشفق على صــعب المراقي بـذاته
يوم الهوا صــافي هـبـوبه ذعـاذيع=وكــلً عــلى شـــفــّه تـقـوده بــراته
وقـــتً مضى لعـفـار وبـدور وفـديع =وقــتً على الماضـيـن محلا طـراته
ماغـيّـر المـلبوس مـوضه وتشجيع=ولتـابـعـو دش الخـطـر وقـــنـــواتـه
على النـقــا لوكان فــيهـم طـمـاميع=مافـيه كـذب ولا ســوالـف شـــماته
ارجــــال فـرّيـس ازحـولً قــواطــيع=لجـاهــم المــحــتـاج يــلــقا غــنـاته
هـذاوانا بـهـديــك عــــدة مـواضـيع=يامـن عــيـونه بالـهـوا مسـهــراته
والحـب بـــلـوى ماذكـربه مــنافـيع=مـن طـب فـي بـحره قـــلـيله نجــاته
كـم واحــدً ذاق المـراره قــراطـيـع=مغــتر فـــي قــرطــوع سـكـر نباته
عــنــدك خــبر مـرار عــد الـناجيع=صـار العــوض بخـوه شقّة عــباته
ونـواف ذكّــرني بســيــد المـــتاليع=اللي عـلى قـلبي تـقـافـــت اهــواته
راع الثـمان الضيـّـقـات اللـوامــيع=بـه ميـزة ًعــن كــل جــمــلة خـواته
عــز الله انّه مــزّع القـلب تــمــزيع=تــمــزيــع حــرً جــايــعً فـــي ادلاته
ودّي بشـــوفـه مـار دونه مــوانـيـع=والوقــت يامشـكاي رافـع عــصاته
وجّـــه عــلــي ولالــقـاله فـراريـــع=وانا بركـــت بحـملـتي فــي نــحــاته
وحســب كلامـك بابعــيـد المـراميع=امــر عــلي وصـامـل العـلـم هــاته
امـرعـلية حــاضر اليـوم ومـطــيع =مــعـــروف مـادوّر وراكـــم جــزاته
ابا اجـتهد بالحيل وانــخا الفـزازيع=مــن شـان ابوراشـد تحـقـق امناته

التوقيع مساعد الجليدي

السلام عليكم ورحمة الله وبركاته
اهدي لكم هذه الابيات عند ماكنـّا مسافرين
ومتجهين للشمال الغربي مع طريق الرياض القصيم
قريب من منطقة جلاجل وكان فيه حمامً طائرمتجه للشمال
قال واحد من اخويانا هيجن علينا يانديم الجود شف هالحمام وين هو متّجه
قلت
حــمام ياالطــاير الزاجــــل
وقــّع دقيـقه عـلـى شــــاني

ياطــير ود الخـبر عــاجـــل
سلـّم على خــدر الاعـيـاني

قـلـّه عـن الموعـد الاأجـــل
حـــذراه ياطــيـر ينـســــاني

وجدي على طـرفه الخاجـل
ســـودً ســهـــمها تـوطـّـاني

باسـبـابـها خاطــري واجــل
قـــــلبي نهـــيــته وعـــيّاني

يابـعـد خـلـّي عن جــلاجــل
بيــــن الحــديثـه وفــيـحاني

التوقيع نديم الجود
مساعد الجليدي

السلام عليكم ورحمة الله وبركاته
اهدي لكم هذه الابيات عسى ان تنال عجابكم


الله مــن قــلــبً ولــيـفــه شــبــكــله
شبكة اقطامي(ن)مع الصبح مشـبوك
عـقـب التـلال وكــل عـالي ســمكـله
قـام ايتـقـلـّب واخـدم الحـر مـمــلوك
وجــدي وجـود الـّي بغيظه حــبـكله
بالكــذب ســوّاله عــمارات وبـنـوك
ازرا يـنــوض بكــل حـمـلً بــركـله
ونحـل طاري وضعه اليوم مشـكوك
شـحّ الزمـان بضحـكـتـه مـاضحـكله
حافي قـدم بيـن المـراميض والشـوك
وليا تـذكـّر عــاف شــربه مــع اكـله
الله ياوقــتً به مــزوح وضــحـــوك
هـــذا وجــود القـلـب مــثـله وشـكـله
عـلى هــنوف ًدونها الـباب مصكوك
لــي جــادلً مــاحــط صـبـغـه وبـكله
ون فــل مـجـدوله بـه الـورد مـفروك
باالـمـسـك والـعـنـبر غـــذاه وفــركله
مـن كـل نوع بريح الاطياب مشـروك
هــنيت مــــن حـاشـه وحــظه ملـــكله
عــين اشـقرً هـده عـلى الصيد باروك
ادعــج غــنـج باقصاالضـمايـرتـركله
جرحً عـمـيق وزاد جرحه على اخوك
يـاحـمـود قــلـبــي لا نـهــيـته هـبـكله
كــــنه يتــله تـرف الاقــدام بســــلوك
والعــشـق ماعـاب الخـلاوي وحـكـله
وابـن الـعـواجـي والحداري ومبروك
كــم شــيـــخ قــومً فــزله وحــتـركـله
قـلبه عـلى طـرد العـماهيـج به صوك
والـيـوم عــشـق اليـوم جــنــدٌ دبــكله
ضـيّـع شـبابه بـيـن دلـهـي وبـنــكوك
بعــض البـشرعــشـقه يجـيب الهلكله
يقـضي حياته بيـن صايع وصعـلوك
يـقـول عــاشـق والمـعــاشـق كـلـكله
معشوقــته ينـقـل اصورها مع البوك
جــنـدً تـغــيـّر واسـتــدار الــفــلـكـلـه
واليا نـشـد ته قـال ضايـق ومـضنوك

التوقيع مساعد الجليدي