ديوان الشاعر قابل البشري

0000000000000

العبيدي =
اليا ذكرت الحبيب اجن = انوح ليلي واسيب النوم
اوزان حزني في قلبي طن = واليوم زادت على المحروم
الجمل=
ان كان الامـال ماقفـن = ويبقالكم في وصاله يـوم
لوشلت حمل الجبال ارزن = ولاتبدي الخافي المكتـوم
العبيدي=
لو كان لي صاحبن مايحن = وشولون حبل الوصل بيدوم
خلا قليبـي كثيـر الـوَن = وزوّد حياتي شقا وهمـوم
الجمل=
ان كان للـود ماثمـن = وفيه الوفا والغلا معدوم
البعد عن سكته احسن = والله يعوضك فالمقسوم

000000000000000
"
"
"
"
"
"
"
"
"
"
"
"

شغل معي مخك الموزون=وارمي براسك مع الروسا
ان كان عندك سحرفرعون=انا يميني عصا موسى

00000000000000000

قادم من بعيد=
سلام وبله مطـر هتـان=من قاصي القلب ولساني
احلى من المسك والريحان=للي اعده مـن اخوانـي
قابل البشري=
ترحيب نابع من الوجـدان=ينصاك ياذرف الايمانـي
غالي ولك خاطري نشطان=وافرح بشرواك لاجانـي
قادم من بعيد=
ضعف الذى فالخواطر كان=منك الوفا قلـت يكفانـي
والان من اسمع الاشجان=وارجوك لاتحرج اشجاني
قابل البشري=
يبقى الوفا بيننا سلطان=والكل مايجهل الثانـي
من لايجر اللحن طربان=مايطرب الناس ياسناني
قادم من بعيد=
سنين عايش مع الحرمان=صدر قـراره بحرمانـي
والان عايش مع الاحزان=اكابـد الآه وأحـزانـي
قابل البشري=
العقل نعمه مع الانسـان=يعيش من حكّمـه هانـي
ومن حط نفسه ورا البيبان=يحسب على نفسه الجاني
قادم من بعيد=
ويشبك تعليت عالاغصان=وضيعت قولي واغصاني
خليت دمعى على الاوجان=والخد حرقت واوجانـي
قابل البشري=
اعطيتك القول بالبرهـان=مافيه شكـة ونقصانـي
وانته كتابـك بلاعنـوان=حسب الذي شافت اعياني
قادم من بعيد=
لو كنت راعي فكر فنـان=و تميـز القيـل تلقانـي
وضحت لك شكوتي يفلان=برسم واضح و ميزانـي
قابل البشري=
حنانصيد الهدف نيشان=مانرمي الهرج طيشاني
ثمنت لك غالي الاثمان=واعطيتك علاج مجاني
لكن من يعذل الولهـان=عمى ومصموم الاذاني
لازال يطردامل عطشان=سراب مابـل ظميانـي
الميزان=
عن الهوى منتحى ازمان=مالى جدى فيه ازمانـي
وللاان فى موقفي حيران=من ردك اللـى تبلوانـي
ولو كان سمعك ابوشعبان=ولا المجيديـر ينهانـي
والحق انى معك خسران=وانت معى صرت كسباني
قابل البشري=
الله يشافـيـك ياتعبان=ومماتبـلـواك يحمـانـي
والحق مثل النهـار يبـان=ماينكره قاصـي ودانـي
ولا انت ياملهي الرعيـان=مايوم ضويـت ربحانـي
والمكسب اللي معك نقصان=ولاانتـه كفوياعريبـانـي

000000000000ذات مرة نسيت جوالي في البيت 00 ورجعت متأخرا
وجدت مكا لمتين للاستاذ مسعود فاتصلت عليه 00فوجدت جواله مقفلا
فخطرت لي هذه الكسرة فأرسلتها0اليه 00مداعبا00ورد بذكاء وفراسة
الشاعر الكبير000

قابل البشري=
من دون لا تحسب حسابات=وتزيد هاذي على ذيه
انتم هل الطيب والطولات=وآنا على خبركم فيّه
مسعود المعبدي=
من دون لاتتعبون الذات= احسن بصاحبكم النيه
اناعلى نهجي اللي فات=وانتم على نهجكم ليه

0000000000000

قابل=
سلام صوتـه نغـم طالـع=من هاجس بالوفـا عبـر
شامل على الملتقى جامـع=ولحرب مخصوص ومصدر
حرب=
ياشاعر الملتقى البارع=ياحر فالطيب متصدر
ترحيبنا يذهل السامع=من يوم مايسمعه كبر
قابل=
بالله في حالنا طالـع=وافيدنا قـد ماتقـدر
ابكي خفا والحشا والع=واداري الدمع لايظهر
حرب=
معاك يالمشتكي فـازع=ياللي من الهم متكـدر
لكن بشرح الخبر سارع=لعلها جهودنـا تثمـر
قابل=
من جورهم لاعني لايع=والقلب بالحيل متأثر
كلن معي خالف الواقع=اخطا وخلف الظنون ابحر
حرب=
فالمسأله مااوقف مدافع=لكن على حسب ماتذكر
مادمت عن ظنهم فارع=فاللي يقولون لاتنظر
قابل=
بالطيب تاريخنا ناصع=وحنا من اقوالهم اكبر
لكن على توعة التايع= الحر ياحرب مايصبر
حرب=
يانجم وسط السما لامع= اعطيتك العلم وانته حر
لاصاربال الفتى واسع=يسقي عدوه شراب المر

لافي=
من قبل تبدأ كلامك حـط =قدامك الـ(ق) بعد الـ(ع)
والكلمة اللي تحتها خـط =لا تحط من تحتها خطين
قابل=
عندي اجابة عليهاضبط=قدامك القلب قبل العيـن
هذي افادة جواب الشرط=والوحدة ماتجي ثنتيـن
لافي=
جبت الإجابه بعد مانـط=قلبه وروح في دار الزين
وقلب المعنا لامنه شـط=ما يعود حتى يسد الدين
قابل=
مادام بـدل بشطـك شـط=وعـدا بـك البروالبحريـن
ابعد قبـل لايزيـد الضغـط=ويصير جرح الاسى جرحين

000000000

قلبِ تعود على الهجران =واستعذب الشوق من يومه
خلوه غافي مع الاحزان =لاحدن يصحيه من نومه

فهدعواضة المخلفي=
وابك افهمو ويش باقولـه=ابغا سنافي يسـد النـوب
والبحر عرضه على طوله=يغوص به والمعرفه ثوب
قابل البشري=
ابشر بناخذ معك جوله=ونلف دجله مع الدانـوب
والعلم معروف محصوله=ومبرمجينه على الحاسوب
فهد=
فبحور الاشعار لي صوله=ونته بحر واحد ويـادوب
لو جبت من قاعته لولـه=ماهو بسوق الغلا محسوب
قابل=
مالك معي يافهد طوله=في بر ولابحر مغلوب
لكن خذالعلم بوصولـه=لاتلبس الثوب بالمقلوب
فهد=
الرجـل ماقـالـه يطـولـه=مابيننـا يفصـل المكـتـوب
وكلـن يـمـاري بمفعـولـه=ولاسهجت رجل بعضي دروب
قابل=
خـل الجمـل مانتـه بحولـه=شرقت ولا اتجهـت غـروب
مالـك معـه فـوز وبطولـه=وان مارضيت الرضا مغصوب
فهد=
ارغى الجمل جاير حمولـه=بصوب ساير وهو بصـوب
بتجارتـه بـان محصولـه=وشل الذواري صليف هبوب
قابل=
الحرف نقضه ومفتولـه=نوفيه ونتمم المطلـوب
واللي تجي منك مقبوله=صاحب وفقلوبنا محبوب

معي ذكراك=
شاورت عقلي ووجداني= في ود توه تعلق بي
هل أتبعه والعمر فاني= وإلا أتركه قبل يلعب بي
الشاعر:قابل البشري =
شاورت الاول على الثاني=ولاقلت عقلـي ولاقلبـي
بين لنـا كـل ماكانـي=واكشف لنا كـل متخبـي
معي ذكراك=
الود زايد وعناني=من يوم شفته على دربي
يومنه بين وناداني=سالت أنا صاحبي الحربي
قابل البشري=
مادمـت للـود نشطانـي=ونسنس عليك الهوى غربي
اما احتمل سطوة الجانـي=ولايسـدك هـوى ربـي

مجازف=
قلبي سعى بالهوى طيشان=راضي بشرط الهوى قابل
وامسيت متولع وعشقان=وتلخبط الوضـع ياقابـل
قابل=
العشق مخلوق فالانسان=مافيه عاقـل ولاجاهـل
واللي رسمته لنا عنوان=ماعطيتنا الوضع بالكامل
مجازف=
الوضع مشروح بالتبيان=كلمة هوى حرفها شامل
النوح والهجر والاحزان=واللي مقفيّ ولا سائـل
قابل=
ماحكم يصدر بلابرهان=والحق مايغلبـه باطـل
دور معه واطرق البيبان=الحال لاتتركـه مايـل
مجازف=
قاضي الهوى يحكم بطغيان=وفي حال الاحباب يتساهل
محتار ومشتـت الاذهـان=وهو على الحـق يتحايـل
قابل=
الحكـم مايلحقـه بهـتـان=ولا ينقضه كل من جـادل
حكم الهوى ترضي الزعلان=مـادام غالـي ويستاهـل