ديوان الشاعر نعيم عابد السيد ( القلب الدافئ )

سلام من ديرتي وافي=يسري مع الليل وانسامه
يحكي من الشوق ما طافي=ما بين دمع وتبسامه
يا مرحبا والستر ضافي=ويلايم الشوق في ليامه
يا ديرتي تكرم اللافي=داري دموعه واحلامه
اداره بالعين واكتافي=من جنب لا جنب قدامه
والله من فوقنا كافي=واحط لامي على لامه
خلك مع البلسم الشافي=وجوار حسنه وهندامه
ونا ما جواب على الخافي=حتى ارى خط مرسامه
طعمت من منحله صافي=وفالسوق ما لقيت سوامه
عساه من حظنا هافي=والمسك نلقاه فختامه
والله العسل حنن الجافي=نعتب على حي ما سامه
وبالعزم ميصال الاهدافي=وما خاب من جود حزامه
يا ماجد انت لنا سنافي=رجال معروف بحسامه
وفيتني يوم مشرافي=بالحرف والقن والمامه
يا من توافي وتستافي=ولحن المثل تعزف انغامه
قافك تبادع معا قافي=حتى تفوق على زامه

عبير ورد الزهر فواح=شمتك فيها الشروحيه
عساك ما تكره الي طاح=وتنوي علينا الحروميه

لا يحبيبي ما احد يسواك=آنا على الكل سيدتك
ما شفتني كيف في فرقاك=آحن لك يوم سيبتك

ما قلت لك يوم تهواني=إن الهوى نشبته نشبه
ترخيلي الطرف بالعناني=ما تحسبن النظر نكبه

يا نفس توبي قبل حينك=توبي عسى الله يغفرلك
لا وين تلهين عن دينك=ولاوين ودك يمهلك

لي قلب ما راق له رايق=تعلبه الريح كيف تريد
حاولت له فكل متلايق=وللآن في ظلمة التنكيد
ما يفيد ما دمت متضايق=إن كان الارياح دوم تزيد
احذر مع الريح لا توايق=لابد الارياح يوم تهيد

غبنا وجينا بعد غبنا=يردنا الحب بالاشــواق
مهما المسافات تبعدنا=نبقى على العهد والميثاق

اابو بتال

وآ غبنتي منك يا الجافي=ما تحسبني مولع فيك
آجيك ابغى الدوى الشافي=وتنحي عن الدرب يوم اجيك

عرجت للمنتدى محتس=باحساس من قلبي الميال
رحبنا زهرة اللوتس=تشكر ويشكر ابو بتال
من صدق مابي وكل ما احس=آنا ومعي زهرة الادغال
نشكرك مع كل ما نسنس=نسيم وسط الرياض وجــال
فاح العطر من زهر نرجس=واستنشقه مغرم الاقوال
من بعد ما كان متوجس=معكم لقي غاية الآمال
شبيت لك نار وابغى احمس=لك بن يشهدله الفنجال
ابغاك تبدع قبل تجلس=وتشد وصل الصفى بحبال
وفيت يا صاحب المجلس=الي حوى من قروم رجال
والآن ابغى لكم اهمس=عن ود فيه الرجوع محال
يا ليت تفتح لنا المحبس=ونشوف ماكم على اية حال
حتى يجي حكمكنا يشمس=واضح وما ينحجب بخيال
اسري مع الليل لا عسعس=هايم ودرب المعنى طال
صارت عروق الحشى يبس=ماها ورى سد ما ينطال
خل الصبر خل لا تيأس=وابني حياتك بحسن الفال
بكره بإذن الولي تلبس=لبس الفرح في هنا واجلال

يا ابو فرح للعيون اسرار=في بحر يا هـول منزاله
الموج والريح والأخطار=افيدني كان تصحاله
ترحيب مني وانا البيطار=للعين والقلب وحباله
قلب الهواوي مع التيار=اقل ما هو قلب حاله
آنا الهواوي بدون انكار=ولي فالهوى كيل مكياله
آهوى حبيبي هوى الشطار=ولا ميل لا قلت يا لا له
عكس الذي فالخواطر دار=وحسب الذي بان بإرساله
سلك التمسله وولع نار=واشوف انا الوضع يرثاله
من سلكنا نولع الأنوار=وخلك من اللعب واشكاله
خذ قصة اللي مع الاسفار=ومفادي بكل ما شاله
ما دام قلبك عليكم شار=ومولف القلب يحلاله
سوق المطيه ولا تحتار=واشرب دلاله وفنجاله