ديوان الشاعر غازي بن مغيران الزغيبي

حي الكتاب اللى لفاني بتقرير=من شاعر يشبه رشيد الزلامي
رشيد لأرست بالبحور البوابير=فارس ميادين الأدب والنظامي
قلته شهادة حق من غير تزوير=توثيقها أشادتٍ لأبو رامي
حربت هجوم المنتخب والمغاوير=وأليا الشرف عضويتي وأنظمامي
أيدت ماقاله ولاحكم على الغير=قد قيل غايات البشر ماترامي
ياعلى أبو فارس هلا يامسا الخير=والله يسلم من يرد السلامي
يامسند اللى يتعبٍ المداوير=فيهن ثلاث بنود والكل سامي
بند المديح يهيج الفكر ويثير=ومنك أعتبر ماقلت ليه وسامي
والبند الاخر به بلاغه وتشفير=وأحلاهن اللى قيل حقه الزامي
يغني لك الله عن كنوز الدنانير=وقفٍ لها باقيه ماتسامي
وللطير رزقٍ ياخذه غصب ويطير=والحرص مايخيب نصيب الحرامي
والقصه اللي شبهت بلأساطير=لا مطلع فيها ولا بستلامي
اهل البلاغه والرها تشار وتشير=والحق الأبلج مايبيله محامي
يمكن معك تبرير ولذاك تبرير=ما كل ما ير ضيك يرض لأ نا مي
والواجب انك لاضبطت المعايير=واحكمتها من كل يمه احكامي
تعرف مضاريب التيل بالخوابير=وتبرم على روس البراغي لحامي
حتى ولو بان الصدى بالمواصير=ماتنزعج لأن القواعد تمامي
وياعلى حث الركب ثم واصل السير=وأخذ الحذرمن زاحفات الهوامي
لو مأنت في حاجة وصايا وتحذير=ماتطمع الا في فقار السنامي
سيفٍ يهدي من براسه زعاطير=ياطيب السمعه بعيد المرامي
واليا حصل من بعض لاصحاب تقصير=احسم مداها دامها بالزمامي
وأليا انتهت لو يرسلون النواطير=اكثر شقاء الدنياء يجيب ألأثامي
وترا المناحر تتقيه الهوامير=اللى مواكبها تهز الحوامي
وأن شفت حبلك واصل جمة البير=وغربك تموحه من غزير الجمامي
ياعلى في بعض المشاريع تبذير=ماتحسبنٍ بالخلق جايع وضامي
من غير مشفوحٍ يضف الفواتير=لو يملك الدنياء وبال وملامي
واللي من القبله ردم نوه عصير=حروه مجيه والخلايق نيامي
يالله عسا وبله حقاق الشخاتير=يالين غثو السيل يرقا العدامي
وأخر بنود السالفه قصة الزير=قسمٍ كمن دائي وقسمٍ درامي
شوكة سلم بين اللحم وألاضافير=مع التحيه بعدها وحترامي
يابن الرجال مخرمين الطوابير=يشهد لهم تاريخ حيد الردامي
من دون لأنقص

السلام عليكم ورحمة الله وبركاته

طحت بتكريم من كف (...)
منت مثلي في تكاريم العروس
ويش اسوي فيك ياالحض الربوض
ماوراك اﻻ ثقيلين النفوس
نرقب اليام باالمقبل تعوض
نحتضي بمشجعين وباالفلوس😜
انوفرته قدروالقدرمحفوض
لن منته للطفايس والحوس
يامصليت انفايل والفروض
او يا مخلوق البنزين دوس
اشهدنك باالموقيف محضوض
حولتبك للكدالك والبقوس
مابغيت اثير باالمعني وخوض
جوهرالعمﻻق بالجن محروس
وعندربي ماسوة جنح البعوض
تي تحصل فلهدوم اللي تقوس
ﻻلقيت العد بالوردمخضو ض
الروا هداج ماهو برسوس
أذهب مانزله كثر العروض
ﻻتضيق من المدرس والدروس
غازي الزغيبي

جاك مني قاف واسمع يامناحي
أُخصم اللي تقدره فيض القريحة
خلها تركب علي كل النواحي
تربش الملقوف والعارف تريحه
ﻻ تعديها ورى الحد المباحي
من لسانك بين توجيه ونصيحة
ودنا ناضع مفاهيم إقتراحي
والحقيقة ما تصح ألا الصحيحة
من تسمى في معطرة الرماحي
ﻻزعل ترضيه بلسان الذبيحة
وإنت شاعر بالبلاغة لك مشاحي
فارس" مرموق ويجندل نطيحه
مانسق عن واجبه مثل الضياحي
من تعزه جعل ما طيح بمطيحه
من تقدم في تِقدم يامناحي
لك من الجمهور ممتلكن شريحة
غازي بن مغيران الزغيبي
ياخــوي الجنـب يالـعد الـــقراحي
ياعسى من يسفهك يُحفر ضريحه
شاعرن شعره من الكــمبود فاحي
وخلد إبداعه على صدر الصـفيحة
خصـني في باقـةٍ طب الــجراحي
من خزامى الشعر وزهور وشـيحه

جعــل يفـدونـه مـومين الســـباحي
وخالـطين ســامر الشــعر برديـحه

شايف اللي شفت لكـن ياسـلاحي
مـانبـا انجيـب الفتيـلـة للــقـديـحـة

والعرب ماتجهل المـاء والضحاحي
وكــل ماعـون تعرفه مـن نضـيـحه
--------------
مــنـــاحي العوفي -----------------------------------شاقني برقن بعالي نجد لاحي
*الديار اللي نواحيها فسيحه

تقل يومي لي اليا رف الجناحي
لا كشف ما حال من دونه يزيحه

رد قلبي للعنا عقب استراحي
قام يشعنه هواجسين مشيحه

مع طريق اللي يمسون الشباحي
الثنين اللي يحوشون المديحه

غازي العملاق و العوفي مناحي
شاعرين ما موردهم شحيحه

مع غزارت شعرهم فيهم رجاحي
شوحهم عمى البصر ما يستضيحه

ناقشوها واختموها بالنجاحي
قصتن ما تنتترجم بالفصيحه

مايجيد مناقشتها كود صاحي
دام ربي ما ومرنا بالفضيحه

يا الرجال اللي سعيتم بالصلاحي
احذروا من عالمن ماهي صريحه

زامل العوفي

: ‏ﻻصارلك مشروه يامحتماالقود
حاول تفكر بطريق وتقيسه
اياك وياالنقص وياك وزود
ترالغضب لحل يرقص بليسه
غازي الزغيبي
: ‏2يا هو على الجاهل يفتحله ابنود
خصن لياصار العور هونيسه
ولياجهلت الرجل ينيك ياسعود
تراك تعرف قيمته من جليسه
غازي
رجال عن عانيه وربوعه يذود
ولياطرح طرحه علومن مسيسه
الله يجنبناخطا كل منقود
عن قولة ابن فﻻن هوش بكيسه: ‏4لوهني اللي به العقل مفقود
مرتاح من قلب العنى وتحسيسه
لوحا مسبت هيلعن كنه اطود
توثيق عد وجد ماهو لبيسه
غازي
‏5يخاف حوبا غيبته راعي الجود
هيبة هرم يامراودين الكنيسه

هذا وريث العود ويعدباالعود
جد الشيوخ اهل ارباع الونيسه
غازي
6حماية العطفه ونطاحت الكنود
جنب مرويت الغلب يدقيسه
غازي مغيران الزغيبي

قصيدتي في حفل اعلامين حرب .
1/5/1436


مرحبا ترحيب في حفل الكرام
عدماناح الحمام بضل دوح
في حضور الملتقى واللتحام
اشكر الحضار من قلبن نصوح


من شيوخ"تاخذ المقدارتام
في وجاهتهم بلسم للجروح

------
والحقيقه ودنا في كل عام
ليلتن تدخل سرور بكل روح
لو مايحصلبها غير السلام
نعتبره انجاز وبداية نجوح



والشكر موصول لصحاب المقام
لرجال اللي لهم عزم وطموح
يشكرون بجهدهم واﻻهتمام
وﻻنزال بخير والرايه تلوح


مجدنا ياحرب في راس السنام
صفنامنصور من عصرالفتوح
ﻻقدمنا مايجي فينا انقسام
من جهل في حرب يقرا بالصروح



ان حربنا القوم ضفينا الجهام
مانخلي ﻻعزيب وﻻسروح
ونشد اللي وصل لودي النعام
ودمي اتشل والنايح ينوح


وان غزانا من يريد اﻻنتقام
ننطح الحراب ﻻجانا نطوح
فوق خيلن وصفهن مثل اﻻدام
ماذكر في ساسهن عرق لدوح


فوقهن من حرب مرويت الحسام
كم صبين جندلوه بجال صوح
وبسلوم النيره بين اﻻنام
في مدا التاريخ ﻻيمكن تروح

معجزات الحرب مافيهن كلام
بصداره ميزوهن بالرجوح
ياكوادر حرب سيرو للامام
الحمايا في نواصيكم تفوح


ولمراجل سيفها مس الحزام
وﻻتهيا للمراوي والسدوح
يارجال الفكر في كل المهام
الرساله فن تركيز و ضوح



الوطن له حق ورموز النظام
ولشعوب مخاطبات بلا جموح
وتعنصر يعتبر عيب وحرام
يعتبر تغرير جهال وجنوح




وﻻهناك ملاحضه وﻻتهام
ﻻذليل بصف حرب وﻻشحوح
وقبلو مني جزيل اﻻحترام
وعذروني كان بالهنداب شوح

مع تحيات : غازي مغيران الزغيبي

يابوعسكر وصل رسالتي لأل نحيت
للشيوخ اللي على المعتلا راياتها
للشيوخ الي تدافع دفاع المستميت
بالقبيله كلها واضحة بصماتها
ببن تركي مانبي نقتنع بأيات بيت
نصها سلطان وأشهر جميع أبياتها
يازبون المرجله ذاع لك في نجد صيت
القبيلة فيك كبرانتن هقواتها
فيك ياسلطان فزعه تنومس لانتخيت
جارك الله من هل الحسد في نظراتها
يابن تركي ياحزامي على ذكرك عنيت
يوم دلوي قصرت يدي عن عرقاتها
كل ما حاولت لزمت طرفها ماقويت
مثل من معطيته الطيبه علباتها
يالامير السالفه كلها كيتن وكيت
لو ماهي طارفه بس روح وهاتها
دونها لولاح متعب بمثله لابليت
ونت ملفى للي تلولح بها قالاتها
سوق جاهك ونت قدن لها يابن نحيت
للحمول جمالها في حتون أوقاتها
ماتجي من دونها يابن تركي لامشيت
كود حضي فاتته خيرته أوقاتها
مع تحيات غازي مغيران الزغيبي

]يقو ل من بالبيت حلل وزاره=طايف على البيت العتيق الرحيبي
وانكف لداره في توالي نهاره=من بطن مكه متجه للخشيبي
واسترسل الهاجس ووجه بداره=ثم جابني عشق القصيد يعديبي
للحادث التالي مصدر قراره=قدمه تحضر السارحه والعزيبي
حضرن للي كم لهن ياخو ساره=غابن وجني جية(ن) من نصيبي
اللي يهقون الرجل باخذ ثاره=يقبله الخصم العنيف ويهيبي
ياعلي قلت وا للا شرواك باره=شكلك غريب وكل وضعك عجيبي
اخذت من شعرك اسلوب الجساره=واخذت منك مناضره مع صحيبي
كم لي وانا اطلب للواعيب شاره=للبرنو ام احلاق هي والصليبي
واكبر دليل اني خطرتك اخطاره=تدري وانا ادري وش ردايه وطيبي
الشعر يسمج لعترض لطراره=مايفيد فيه الحرفنه والتحيبي
لكن بعض الناس سواق طاره=من عرض من كتوا فروع الشعيبي
والشعر شانه معتلي بالصداره=عند الرجال مقدرين الشريبي
واللي يهينه ماب كبده مراره=والناس تدري بالتقي والمريبي
لو المريب مخادع(ن) نص حاره=مايقاله الا وين راح الخطيبي
ان كان قيلت جد ولا عياره=بيس الصحيب اللي يود ويجيبي
بئس الصحيب اللي تبين عشاره=على نصيب مدورين الذهبي
وشعر اداب معتلي بنتصاره=جواهره ترفع مقام وتعيبي
باقات ورده ماتجي بالعطاره=وان حز قص العضم لو هو صليبي
ياجب على المسلم يسير بطهاره=لا يقبل الغيبه ولا يستغيبي
الله يجنبنا عقيم العباره= اللي يبي ذكره يجي بالغصيبي
مصحي سماه ومدعي بالكباره=شات الاجانب للمولين ذيبي
تم الكلام اللي كتبته بداره=هذا هو اللي لك يقول الزغيبي
ماهي قضية اسمعي ياغراره=قدام الافات الزمان تغديبي
مع تحياتي (غازي الزغيبي

"]رواد ملتقى حرب
مقبولٍ صيامكم وقيامكم
أيليكم هذي الخاطره اللتي لها
سر ياقلم واكتب جديد المثايل=من ضامرٍ حرك خفوقه صدى البيت
بيتٍ يورد غامضات الدلايل=ماكنه الا من حصى ضلع حليت
لاقاصر المعنى ولا عنه عايل=قافٍ من الماضي فدوه الشحاتيت
ماياخذ إلأّ من تقود الجمايل=ماطب مرتعها عسوس وكواشيت
ماتذعن إلأّ عقب شتى الوسايل=خزيزةٍ تخلف نواياك لارهيت
يجيبها راع النظر بالمحايل=ثم يحكمها مثل حكم العفاريت
أبمدح الوا في ولاني مسايل=واللي يخطيني أليا اخطيت قريت
غنيه الساحه بزمل الثقايل=واللي على بالي تعده أليا اصغيت
احدٍ ليا أدلا عفت ماكنت قايل=يجيك علمٍ ماضمرته ولا أحريت
يقولها اللي قال والشك زا يل=بيني وبين اللي لهم بالوفا صيت
ولا لي بكثر الهرج قاصر وطايل=مير اسمحولي بالميانه تجريت
واجب عليكم ياعيال الحمايل=نبذ السموم القاتله يالعناتيت
احذو حذو سلم الصفوف الأ وايل=والسلم امانه مثل ماوصيت وصيت
وقتٍ به العا قل يشوف الهوايل=وصفوف ميدانه تلج الزغاريت
مالت على اللي يحتمون الدبايل= لباست القرمز عصات الطواغيت
ادناهم اللي له تساق الأصايل=يفقر غناويه ويغني مباحيت
دارت عليه ومن شداده تمايل=ياعل محنا لهم من شماميت
وتزينت للملتجي والعوايل=والسالفه ياصاحبي مثل ماوحيت
ماضاع حقٍٍ من حقوق القبايل=حقٍٍٍ به الحجه تقوم بتثبيت
وغطت ثنا راع ألوفا والجمايل=من واجب السامع ينوه ليا أخطيت
الناس فيها من يضيع القوايل=والله يعينك كان في قربه ابليت
وليا لمست إطريًف جرفه تهايل=تها يلتبه من تعد التوابيت[/poem]
[/poem]
غازي بن مغيران الزغيبي[/QUOTE]

البارحه فكرت يالربع واحترت
واخترت مايملي عليّه ضميري
ﻻ صار ليّه كرت و مقدمن كرت
تقدير للعنوه وفرصه لغيري
دوبي عليها يوم فاتت تذكرت
يارب مدري وش نهاية مصيري
ﻻقيل مخطي عن خطايه تعذّرت
والحكم ينفذ بالقرار الاخيري
ماهو وكاد اني على الوضع ماومرت
ﻻقلت ابا برقع عن الصيد طيري
ﻻومرت في بعض المواجه تصدّرت
وأثريت سمّاعي بشرّي وخيري
واللي يحسبنّي شطحت وتكبرت
يانيّة المخلوق بالدرب سيري
الواقع اني من خطايه تأثرت
من عامر االدنيا وكلش يصيري
ماجتلي الدعوى على ماتصورت
وﻻ لشكوك ورود وﻻ صديري
ياراعي المدحه علامك تهوّرت
ليتك عن اللي قلتها مستخيري
:حوّلت حضك بالظليمه وكابرت
اثّري يجرّك لي سلك الحريري
ليتك عليها يابيض الوجه شاورت
ماجبتها مقتادها ياﻻميري
يفداك من يشذب بعرضك اليا أدبرت
لو متهمينك بغتيال الحريري
بين العوارف كان وقّعت وأن طرت
البوصله ندري على من تشيري
وﻻ جعلت السالفه نكتة زكرت
والسيف خليته بوسط الجفيري
وانته تراك ادرا بنفسك اليا اخطرت
ﻻكن تذكر وش يقول السديري
وضحت برموز الرساله وشفرت
بالمعركه يغدي عليك الصفيري

مع تحيات غازي الزغيبي