الشاعر الكبير حضاض مبارك ألمعبدي ومحاوورات قوويه مع عدد من الشعراء

الشعر مفتاح الحياة في الزمن القديم والمؤشر الذي يغير ترتيب العظماء يسقط به قبيلة ويعلى قبيلة ويعز أناس ويذل آخرين يغير لأسماء الكرماء والنبلاء والشجعان ولعل ابسط دليل مافعل قول جرير( فغض الطرف انك من نمير000 فلا كعبا بلغت ولا كلابا ) بالشاعر أبو جندل النميري الذي طرد من قبيلته بسبب هذه القصيدة بل هجر النمير يون ديارهم هربا من الخزي والعار فبالشعر انتصر الإسلام في مواقف كثيرة الم يقل صلي الله عليه وسلم لشاعره / حسان ابن ثابت أجب عني أي فئة نالت مثل هذه المعزة والإعزاز غير الشعراء فالشعراء وحدهم يفهمون لغة الإحساس في عصر الجفاف فالشعر مناقب كثيرة اكبر من ان تحصي 000
لقد نال شاعرنا الذي نحن بصدد الحديث عنه مناقب كثيرة من مناقب الشعر عاصر جيل كامل وجيل بعده ومازال عطائه يتدفق بشاعريته في وقتنا الحاضر يهابه الشعراء في كثير من المحاورات شارك مع كبار شعار الجزيرة العربية أمثال / مستور بن تركي العصيمي والشاعر / حبيب دغيم العازمي والشاعر / محمد بن شريف السلمي والشاعر / عوض الله أبو مشعاب السلمي وكثير من الشعراء , انه شاعر قبيلة معبد بالا منازع الشاعر / حضاض بن مبارك ألمعبدي الحربي أطال الله في عمره وأمده بالصحة والعافية وهذه بعض من محاوراته وأشعاره أترككم معها 000
قصيده مهداه من الشاعر / حضاض مبارك ألمعبدي إلي الشيخ / مغبش بن سليمان النتاف شيخ شمل قبيلة معبد من حرب؛ أطال الله عمره يقول فيها شاعر القبيلة :

سلام ياشيخ الشرف والبطوله
من رأس أبوه ولاكسبها عواري
مغبش النتاف عارف إصوله
صيده من الجزلات ماهي حباري
وشياخته ماجابها بالســــهولــه
يومن جاء في العلم بايع وشاري
ومعاصر التاريخ عرضه وطـوله
خصم الخصوم وللقبيلة يداري
حـــنـــــا نقوله والقبايل تقوله
والا ضعيف النفس ماهو بداري
وكل الحروب اهل الكرم والرجوله
وس الرجال مشيدين المقاري
افعالهم في الامن والا الجهوله
وفعلهم معروف حاضر وضاري
وجــارهم يامن وتامن ذلوله
ماهو بخايف لو في سود الغداري
دخيلهم مايقرب الخوف حوله
وكل واحد عن فعل حرب داري
عــدوهم يتعب ويتعب خيوله
بطعوعونه لو بخشم الســـواري
وكــــــل رجال يثبت فعـــــوله
وكل القبايل نعم لاحل طاري
واليوم زال الخوف والله يزوله
تم الامان بطيب ولا جبــــاري
سهل مسيرتنا رجال الحموله
وتطوعوا قوم المدن والصحاري
في ظل المليك الله يسعد قبوله
آل سعود مرويين الشبــــــــاري
قامو بشرع الله وسنة رســوله
هم اهل التوحيد والخير جـــاري
وصلوا علي اللي تتبع الناس قوله
محمد رسول الله خير المسيري

محاوره بين الشاعر

/ مستور العصيمي 000 والشاعر / حضاض المعبدي
حضاض المعبدي :
يالعصيمي خل عقلك وقلبك واعي
لا تدور نوم والفجر ماصليتـه
انته سارح في رعية ولنته راعي
كل ماسرحتلك في بعير أغديته

مستور العصيمي :
جاك عمك جاك لكن لاترتـــاعي
العصيمي ليش في المقطعه خليته
لن بغيت الحرب ماني قصير ذراعي
كم عدو في نهار السموم اسقيته

حضاض المعبدي :
عارفينك غزوتك حذفة المقلاعي
ياخدين سليم والجنب مادفيته
ياهل عشيره ومران واهل القاعي
من رجال الحجز كل يفك ونيته

مستور العصيمي :
دوب زان البيع ياهل الشراء والبيعي
لاتقاوم قوم والسيف ماسليته
يانزول غران يامقرب المفزاعي
مادرا الحربي عن اللي قريب بيته
حضاض المعبدي :
انته لاريس ولانته وزير دفاعي
رجل برقاوي وكم مرة طقيته
يوم ابن ثعلي حداه الزمان وجاعي
كيف يسرقله شبابي ويطرح صيته
مستور العصيمي :
هوشه ياربع ماتحمل الفراعي
جاني الوايت وصبيت ماه وزيته
وانته ياحضاض في القاض والمرباعي
مخبرك ولعت ضوء ولا طفيتــه
حضاض المعبدي :
ماتروح بلاش يابو عيون وساعي
في عيونك كل كحل معي حطيته
وانته يامستور شيبة علي المركاعي
ماتخاف الله والتتن ماكبيتــــــه

محاوره بين الشاعر / حضاض المعبدي 00 والشاعر / حبيب العازمي :

حضاض المعبدي :
موال : - لنجيت اباداري وراعي واجامل ... قالوا خبول الناس منته بصامل
وانا ليا حصلتلي رجل كــــــامل ... الله يعز الدين ويعز الاسلام
سلامات مع طول المغيبه سلامات
ولا فيه حاجب بين حرب وعتيبه

موال : - واللي بعيد احسن من اللي قريب ... اللي قريب راح ماهو بطيب
وهذى تراها مشكبه ياحبيب ... الله يعز الدين ويعز الاسلام
وانا شرهتي علي رجال المروات
وتقصير بعض الناس ماهو مصيبه

حبيب العازمي :
موال : - دقت عليك السالفه بعد شيبه .. رقت بالجمعه وصحصة بالسبت
والظاهر انك في مصيبه تسببت .. الله يعز الدين ويعز الاسلام
ليا جتك الثنتين تختار فيات
تحب الرضا والا تحب الغصيبه
موال : - قال المثل سابق وفي حاضر الحين .. ماتاصل الشكات غير الرديين
لكن ياحضاض ساري الي وين .. الله يعز الدين ويعز الاسلام
ترا حرب والعتبان ماهم بعيات
يحطون للميت لحود ونصيبه

محاوره ( 2 )

حضاض المعبدي : هلا مرحبا من يوم جابك طويل ذراع
وبعض الديار اللي مضى ماتجي فيها
معنا ضميرك وانت شيبه علي المركاع
ياليتك تريح ليش روحك معنيها
بن شريف السلمي : انا جيت من ديره دهر وباغي المرباع
وربي لامنه بغي دار يسقيـــــــــــــــها
لكن الولد دايم يشترى ويبــــــــــــــــاع
وذي دار يصبحا وذي دار يمسيهــــــا
حضاض المعبدي : يبي ياقع الواقع متي ياصل الفــــــــزاع
منول حوال المدرســـه ماتخليــــــــها
ولد منتبـه مار الجرتي حــلاله ضـــــاع
وتقرالها موجــز بعد غاب راعيـــــها
بن شريف السلمي : انا مقبـل المرضـــع يجي ولدها رضاع
ليا شافله فسوق قشراء رضع فيــها
وانا اشوفلي كورة عرب تدرج فلقـــاع
وليا ضاقت ام الخير يزعل بناخيـــها

محاوره ( 2 )
بن شريف السلمي : الا مرحبا ترحيب وافي والفلك دوار
علي وضح النقي وعلوم سد علوم مقفيه
وانا الليله تراني مهدي السرعه علي السيار
احييكم واقول الله عساكم فبرك النيــــــــه
حضاض المعبدي : لعلك للبقى لكن مايرضيني المعــــذار
علشان اللي عدلها يامحمد مانصح ليــــه
وانا جيت بعزيمه وانته عارف واجب الشعار
لكن انتم سليم اللي عن الساير نحاويـــــه
بن شريف السلمي : تغني بالمثايل والعرب ماتعرف الاســـرار
بعد راحت وزاحت خليها فوق العمانيـــــه
عسى ربي يحييكم ياحرب اللي كبار وصغـار
لكن اللي يسوى طيبـه ماتنقلب ســــــــيه
حضاض المعبدي : ليا شبيت نار الناس من قبلك تشب النــــار
ولن ذليت ماذليت في واجب عوانيـــــــــه
وانا ماني مدور في الحصيـــل اللي مع الطيار
عساكم ياوسيعين السدد عربان نكريــــــه
بن شريف السلمي: ولا ياليت ولنك قلتلي وتشـــوف بالمحضـــار
لكنك روحت وشبك علامك تلتفت فيــــــــه
ليامنك بغيت الحق عندي ساير الشـــــــعار
بحيث الشعر ماله فالشرع صكوك شرعيه
حضاض المعبدي : وانا خابرك قبل اليوم تاكلها ثلاث مرار
لوني رفعت الصوت غشوك الحضوريـــــه
وانا ماجيتكم لجل الشروط فداكم المشوار
لكن الضيف ماهو قدره اللي فالتبيسيـــــــه


منقول من منتدياات معبد

اطال الله بالشاعر العلم / حضاض بن مبارك المعبدي
شلاعر كبير وان تجاهلت وساائل الاعلام

والله وسبعه انعاام فيكم ياربعنااا المعابده

كاسبينهااا اول وتالي

ولاهنت ياهوجااس
وبارك الله فيك
وحياك الله يالمعبدي
ومرحبااا بك ملايين

شررفت ملتقانا
وننتظر جديد مشاركتك

	المشاركة الأصلية كتبت بواسطة ناهس الشعيفاني

	اطال الله بالشاعر العلم / حضاض بن مبارك المعبدي شلاعر كبير وان تجاهلت وساائل الاعلام والله وسبعه انعاام فيكم ياربعنااا المعابده كاسبينهااا اول وتالي ولاهنت ياهوجااس وبارك الله فيك وحياك الله يالمعبدي ومرحبااا بك ملايين شررفت ملتقانا وننتظر جديد مشاركتك

الله يحيك يا خووي وبيض الله ووجهك على الرد الاكثر من رااائع
وشرفني تعليقك اخووي ناااااهس