ديوان الشاعر فهد اليوبي (ساهر الليل)

1

يارب وحدك عليم السر= حكم القدر فيه ارضينا
راح العمر والسنين تمر= واقدار زادت بلاوينا
ذقت المأسي وذقت المر= يالله طالبك تعطينا
نبغى الفرج والنفوس تسر = قدام تمحى خطاوينا

2

برق(ن) لمع في سماء ذهبان= شعشع بنوره على حده
قلت الحبيب سكن عسفان = ياكيف ضوه وصل جده

3

ما انت الغرام الذي اهواه = ولا انت الذي كنت في بالي
حكم القدر والقدر ماقواه= مكتوب من ربي العالي

4

قلبك تكبر عليه ليه = ياللي سلبت العقل مني
ان كان تبغى صفى لبيه= وان كان مغرور فارقني

5

عشرين وانا تجرع صبر = لاوين وانا على حالي
صبرت حتى عشقت المر = واليوم عندي كما الحالي

6

الواو والنون مايبالي =ميتين جمل غلاق اسمة
مايغيب دائم على بالي= اللي كلامة مثل رسمة

السلام عليكم ورحمة الله وبركاته
اخواني كلنا نؤمن بالحظ على انه ليس في الحقيقه في شي وانما كل شي مكتوب من الله والابد من ان نؤمن به وعلى مايولف على الحظ من اوهام ماانزل الله بها من سلطان
واحببت هنا توضيح هذه المسئله ارجو ان تنال اعجابكم

اعوام مرت وانا اشكي = من حظي اللي معي ماقام
لقيته اليوم ومتكي = قلي تكثر قسم لانام

1

كنت اتمنى لقأك وكنت =تبدي عدم رغبتك فيه
واليوم تشكي اسئ لاهنت = لكن انا فيك ماليه

2

بالشمع الاحمر شطبت اسمك= حتى خطاويك بمحيها
الشعر مانكتبه لجلك = هذي أحاسيس نبديها

3

حلت في قلبي بلا استذان = وبليز حتى مقالت لي
عامين صابر على ماكان =من ينصف القلب من خلي

4

انأظر عيونها واقرى = واترجم الحب في مبداه
والدمع يقطر على الوجنى = وسم على خدها مجراه

5

ضاعت حروفي مابين شفاي = وانا ادور كلام يليق
باللي حكمني وشل عضاي = اخاف يزعل وانا ماطيق

6

تدري ويش احلى من الحالي = حبك حبيبي ومضمونه
مايدري انه هواء حالي = واني انا اموت في عيونه

[/poem]

1

ان كان جرحك على الشريان = أصحى تحاول تطبب فيه
اخاف لينفرج بركان = في داخلك والحشى يكويه
اطلب دواء من حبيبك كان = يسمح بجرعة عسل من فيه

2

كلا يرى الناس بطباعه = الله خلق فالعرب فرقى
لي خل احترت في قناعه = من حيث ماجيه مايرضى

3

أسمه دلع والدلع فسمه = يجذبك لو كان ماتهوى
سبحان ربا خلق جسمه = قلبي عشقها ولايقوى
يصبراليابانت البسمه = اللي على ثغرها تسوى

4

أرسل عليه رسالة حب = عطني امل كان تهواني
بأرسم عليها بدايت درب = في حبك اللي تبلواني

5

اضحك مع الناس واجامل = والهم في داخلي مخفيه
يارب من دبرتك مامل = اللي كتبته انا راضيه

6

أعمل معاريف وارميها = واصحى تدور وراها فيد
الرب عنده يربيها = وتلقى عليها الاجور تزيد

هذه محاوره بيني وبين ابن العم فواز اليوبي بيض الله وجهه

ساااااهر

شصعب من الحب ياخواني = اللي تحطم من اجله قلب
كل مابتعد جابني ثاني = وان كان اقرب عليه غلب

فواز

الحب لوحه من الواني = عذاب فيها وفيها عذب
واللي بنا دون سيساني= فيما بنا مالقي مكسب

ساهر

مافدتني ليه ياذاني = وانا ادور معاكم طب
الحب انا تبلواني = عجل عليه حشاي شب

فواز

ادمح خطاء سببه جاني = ولا تسمع لعاذلن خرب
وافرش له الارض ريحاني = عساه يلطف بكم يارب

ساااهر

غنيتله اعذب الحاني = حتى اقصر عليه الدرب
مافاد هذا مع الجاني= اللي عليه نوى بالحرب

فواز

من ينزل الكار وحداني =من دون مايسئل مجرب
ماله دواء كود رباني = والالقي فا الصبر مطلب

ساهر

طاوعت قلبي واداني =في درب زود عليه الكرب
تعبت من كثر ماعاني = عهدا عليه معاد اطب

1

ماني حلو ليه تعشقني = روح ورى داعج الاعيان
الرب قادر يعوضني = وانته تذوق العذاب الوان

2

مايوم عضيت ابهامك =من حر مابك وماتونس
الله يلوم الذي لأمك = هاذي احاسيس ماتندس

3

اشكي لكم هم بيحني = واثقل فوادي بعد ماشبت
من لي بحزني يريحني= يوم اقرب الناس فيه ارتبت

4

ليت الذي كان فالماضي = يرجع لنا لو دقائق عد
ويسير من بيننا قاضي = ونشوف منه بدى بصد

5

ان كان تبغى وجع للقلب = روح ورى البنت واعشقها
تعطيك اعذب كلام الحب = ان كان جيبك يناسبها
أسمع كلامي ولاتتعب = وتضيع اموال تجمعها
عطها طنش جعلها للغلب = اللي بتعرض مفاتنها

موال ياتي ورى موال = والروح عافت طريق الذل
لاعاد ترسل على الجوال =حتى بالايميل لاترسل