ديوان كسرات الشاعر ( وليف الشوق )

دايم اشوف التغلي فيك=حلوه تجيني من الغالي
مهما تكبرعلي افديـك=باالروح والحال والمالي

غالي على العين اهديله=قلبي بكامل جميع اعضاه
وكـل امنياتـي ألبيلـه=واحقق اللي تبيه امنـاه

تسعدعيوني نظرهافيك=ولاغبت تحسب ثوانيكم
لوكان تدري كثرمغليك=ماتعذب اللي موافيكـم

شوفوالنا طب روحانـي=يريح مشاعردخلهاالياس
ويعيد كشفه لنـا ثانـي=حتى نتمكن من الاحساس

وليف الشوق=
ارسل سلامي لكم تذكار=لاعل سلامي يفكركـم
باللي لكم عندهم مقدار=وقلوب دايم تناظركـم
عبدالعزيزالزويهري=
ترحيب فيه الوفـا مسعـار=مخصوص منـا لحضرتكـم
و لا تشيل و تحط في الافكار=البال دايـم فـي سيرتكـم
بيان الصمت=
ترحيب يا صاحب الإخطار=وحسباتي ما اظن تسعفكم
بمعادلة ما عليها غبـار=والقلب يرفض يحاسبكـم
قابل البشري=
ترحيب زايد عن المليار=ياللي من الطيب مصدركم
فالبال يالصاحب البيطار=وفي كل الاوقات نذكركم
وليف الشوق=
والله لكم عالي المقدار=وفي داخل القلب معزتكم
لاعاد تسأل ولامسيـار=ماهي بعـاده بقطعتكـم

وليف الشوق=
انته تراك الوحيداللي=مقدراقلـك بكلمـة لا
الروح تفداك ياخلـي=وللقلب مثل الهواوالما
الشاكرابوسامي=
مادام وانك وليف الشوق=ماتـقـدر تـقـول كـلـمـة لا
كلـك وناسـه وكلـك ذوق=وارق مـن كلمتـي واحـلا

وليف الشوق=
ازريت لا ارضي مساعيهم=وكلا يبينا نراعي ارضـاه
البعض وافـي واوافيهـم=والبعض ناقص ولا نبغااه
والوقت صفَّـا صوافيـهم=وكلا عناله علـى مبـداه
وان كان جاني احدفيهـم=وافي هلا بـه ويامغـلاه
بيان الصمت=
لايمكن الناس ترضيهم=لو كان مدك بمال وجاه
لكن لجل عين وافيهـم=يحلا الصبر والثمر تلقاه

وليف الشوق=
معدن ذهب مختلط بنحاس=ياهل ترى من يصفيهـا
حتى يبين لنا المقيـاس=يابيـع ياقـول شاريهـا
فوازالزويهري=
من صايغ الطيب لك نبراس=وحـلــول بـالـقــن نـوفـيـهـا
أوقد على المختلـط مقبـاس=نـــار الـتـجـاريـب تنـقـيـهـا
وليف الشوق=
قالوا بأن المعادن نـاس=كيف اعرف ايات صافيها
هل ياترى نكتفي بالساس=لو كان فيهـا ومافيهـا
فوازالزويهري=
جاك الخبر حرك الأحـداس=فاللـي رفعنـا مبانيـهـا
السوس يدبي فسليم اغراس=والناس نجهـل خوافيهـا
وليف الشوق=
آنا اعرف إن الرجال تقاس=وافعالهـا اللـي تقديهـا
واللي وضعناه فوق الراس=غيـر وحـرف مواريهـا
فوازالزويهري=
الآن نجلس معك مجلاس=من أجل قصتك ترويهـا
لعل فالمسألـه لبَـاس=وأصبح لك العين معميها
وليف الشوق=
مابغيك اناتروح فاالهوجاس=ياللـي بفنـك مجاريـهـا
والأن بنقفـل الاقــواس=اوفيت لحـروف قاريهـا
فوازالزويهري=
ياهيه يامشتكي من بـاس=ياكم جـروح (ن) ندويهـا
ولاني على اجراحكم عساس=لاكنـت عـنَـا تغطيـهـا

لوكان قلبـي يطاوعنـي=ماحط امري فوسط ايديـه
شاريـه لوكـان بايعنـي=مدري وش اللي بلاني فيه

ياقلب يااللي تحب الناس=صعب البشر يوم ترضيهم
خلك على العز والنوماس=حتى على الطيب ماشيهم