ديوان الشاعر عبدالعزيز الزويهري

يا ليتنـي أملـك السلطـه=و أحكم على الناس و أنفيها
حرام ندفـع ثمـن غلطـه=انـت و أنـا مالنـا فيهـا

سـلام نبـدابـه القـالـه=ينصى هل العرف و القانون
قّـدام لا نشـرح الحـالـه=سـلام للـي لنـا يوفـون
ترحيـب يرويـك همـالـه=و الكيل وافي و لك موزون
اكتب و حرر لنـا رسالـه=فيها الهدف كامل المضمون
عسى البقا يا هـل الطالـه=و ياليتكـم عننـا تـدرون
القلب لـو نشكـي اهوالـه=يظلم في عيني جمال الكون
الغيب لـو نـدري احوالـه=ما كان يا صاحبي تشكـون
هيا ابتـدي قـول موالـه=لعـل قلبـك عليـه ديـون
لي قلب صابر على اشكاله=مجروح و الدمع شاب النون
يا آه ما جيـت فـي بالـه=فوق الاسى بالهجر يقسون
يا صاح لا تقبـل اهمالـه=لابد توصل لهـم عربـون
و العيـد لا تسبـق هلالـه=كمل صيامك كما المسنـون
سنيـن و آنـا اتهيـالـه=يرفق على خافقي المحزون
وش عاد من روح تصفاله=تهون عنـده 100 مليـون
المال ما يوصـل وصالـه=يا ليت من روحكم تعطـون
وان كان ودك على اقبالـه=لابد فـي طبعهـم تقـرون
غريب الاطوار فـي افعالـه=جميع الالوان عنـده لـون
اللي شكـى هـم غربالـه=يا كيف في معالجه تسعون
البحـر لا مـاج بنكـالـه=اخفض شراعك لحين يهون
ولابـد جـوك بيصفـالـه=لاكنت كاتـب لمـا يملـون

لا شفت نوره يزين الكون=و يزين للعيـن نظرتهـا
و أشوف ذاك القمر مركون=خجلان من نور حضرتهـا

وحيد و الناس مجتمعه=و الكل لاهي عن أحزاني
في موقفي طاحت الدمعه=أبكي على قلب بكانـي

سلام فيه الوفا ممدود = يا اسم بين العرب مشهور
ما نحتري في نباك شهود = انت لنا بالوفا مخبور
و أرسل لك الحرف بالمقصود = من فكري اللي عناه الجور
بي جرح في داخلي مولود = أزرى على معالجه الدكتور
داه المفارق و حوله جنود = يسعون حتى طفولي النور
يا كيف أبسعى لأمل مفقود = و أحرر الخافق المأسور
يامرحبـا فـاول المـردود=ترحيب عطره عبير زهـور
باعداد من يعبـد المعبـود=واعداد خط القلم في سطور
بعدّ الرهى الوافر المعهـود=اللي مابين العـرب مذكـور
مادمت يائس من المـودود=وضاع الامل في غزير بحور
اقنع.جهتهم لاعـاد تـرود=ولاتكون في دائره محصور
شوف الذي لابذلت ايجـود=تقضي حياتك معه في سرور