يا اللـه بنـوٍ ينتثـر مـاه ديمـات ، قصيدة

السلام عليكم ورحمة الله وبركاته

يا اللـه بنـوٍ ينتثـر مـاه ديمـات
على ديـار مبطـي الخيـر عنهـا

دارٍ سِنِيـه كـل حـي بهـا مــات*
تِرْجِـع ويرجـع كل ماراح منهـا

ينشيه من ينشئ عظام رميمات
مـرت قـرون باليـه فـي كفنهـا

يسوقه المعبـود رب السماوات
الخالق اللي أرزاق خلقه ضمنها

تقبل تباشيره من الغرب رحمات
ويعم خيره شام الأرض ويمنها

يشـد براقــه بعيــد المسافــات
راعـي بكـار معلفـه في عطنهـا

يرتد صوت رعودها فالطويلات
ليـا أعتـرض براقهـا فـي بدنهــا

همال وبله يقلب الضي عتمـات
والبرق يكشف عتمة الليل عنها

يترك على ورقان سيله علامات
سيـل جرح بأرضه وسيل دفنها

يلبس منه حله من النبت خامات
بــذورها في شعابته محتضنهــا

ديار عوف أهل الكرم والكرامات
مـن حبهــا حبيــت حـي سكنهــا

البيرق

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك
لاهنت
ومن يقول يسلم

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

اللهم امين
صح السانك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	المشاركة الأصلية كتبت بواسطة حسيـن

	اللهم امين صح السانك

صحت أبدانكم وأعتلى شانكم
وبيض الله وجيهكم