سمو الشوق+ ابن خيرالله الردادي

18-04-07, 12:43 AM

يامن يحاورني والقاف ماجـاب=بعطيه قيفاني بالعـدل موزونـه
لو زود السرعات يقفاه مشعاب=وياويل لو يمشي مني على هونه
يامرحبا واهلين مع زايد اعجاب=ترحيب لك وللي مثلك ويقرونه
حذرتنا وحذر ان جاك مخـلاب=خلك على ماقفك لاتنعثر دونـه
موترك لو يمشـي عشريـن ماثـاب=مايحمل الركـاب والنـاس ينفونـه
خفض جناح الذل واحسب لي حساب=لاتمشي الخطوات من غير مضمونه
لايهمك الواشـي ولاتكـون مرتـاب=واصبر يجيك الثمر من فوق عرجونه
وانا اعرفك مضبوط والظن ماخـاب=والكل عـن حالـه يدافـع بشونـه
كثر المراوغ درب من ضيع الباب=ياليت صيفك يشّبعَـك فـي متونـه
ياصاحبي ما اجملك لابس وثـلاب=لاشفت ضرب النار هونت من دونه
ام المعارك بيـن غالـب وغـلاب=والنصر لهل النصر حاجات مسنونه
وانته كما الطرقي في وسط ملعـاب=ويامصعب الطرقي للـي ينوشونـه
يوم الاحامد سيف في ضرب الاغراب=وايضاً شجاعة صبح وايوب دندونـه
واللي رقى ورقان حافـوه الاشنـاب=عطنى الردادا وين في كتاب مدفونـه
السيف مايمسك ترى غير بنصاب=والضلع دونـه نـاس يحمونـه
وماهمنا تصريح يكتب بالخطـاب=وماهمنا اللـي عـارض اقرونـه
السيف مايشهر من غير الاسباب=والعود حرق النار عجعج بدخونه
هَمّ الرجال افعال تشفي للالبـاب=ياكبر همك يوم بينـت مكنونـه
يارب يارحمن تغفـر لمـن تـاب=وتعفي عن اللي دوم غلطان بظنونه
بعض البشر لاشك للحق ماصـاب=غلطان وصل الحق متشوفه اعيونه
دامك مقر الذنب والدمع سكـاب=المعترف بالذنب لا لا تلومونـه
لاتجحد المكتوب لاتصير نصاب=يلعب على هامان غلطان فرعونه
انا مقر الحـق مانـي بكـذاب=والكذب طبع اللي يغويه مجنونه
وماني بجاحد شي واضح للنساب=والحق لازم له ناس(ن) يعدونه
اترك مزوح الهرج واكتب بمرقاب=( دار الردادا عز للـي يجونـه )
ياصاحبي ممنون ياخير الانسـاب=طِيب الردادا غيث تهمـل مزونـه
مشكور هذا الظن في كـل القـراب=الطيـب كـل الربـع مايتركـونـه
هذا العشم مافيه حصر(ن) ولاحساب=والكـل لـه مقـدار ويقـدرونـه