ديوان/// الشاعر مسند بن عامرالحويفي

ياوجد حالي وجد من دونه اقــفــال=وجيبه مصفر والــعــرب مـايـبـونـه
مقطوع من شجره ولا عنده عـيــال=ولا اقبل عليه الليل زادة غبونه
مما يشوف من الغثاء وضيقة البال=حـتـى السـهـر عـيــا يـفــارق عـيـونـه
خطرن يصاب من البهاذيل بهبال=كنه سجين القفل خـلـفــه ودونــــه
وايس من الافراج في كل الاحوال = ولا له من الاجواد من يرحمونه
او وجد من ينزف من الجرح بذلال=عقب المعزه كل الملا يشاهدونه
تاسف لحاله ولا حال حمال=من عقب ماهو رئيس (ن) يقمعونه
هذا وان وجدي على محير البال=وقتن مضى اللي عاصره يفهمونه
قلوبن نقيه صافيه كنه الال=حشمه وحق الجار ماينقصونه
بالمليون تطلع واحد وكله رجال=ومن اخلف لعادة العرب ينبذونه
ولجيت لفزعه ماتخلوا ولاقال=ماتقهقرو بعذارهم يتركونه
والسيل لجاهم من الجال لجال=ولجاء عليهم من دهر يذكرونه
من صدق نياتن بهم قول وافعال=رغم الفقر هم للولي يشكرونه
واليوم عكس امسن من الوضع تهتال=كنه خيال قصصهم يسمعونه

لو حدني وقتي وحدن ومحتاج=ما اخضع وانا محتاج للنذل واحيج
اصبر على قاسيه لو بالحشاء لاج=مااصعب ترى لا احتجت للخلق وتحيج
خلك مثل ما قيل لاقيل هداج=والكذب ماينفع ولا فاد حجيج
والصمت حكمه عن كثيرن وهراج=واخر زمان امور تاتي وتهريج
يشيب من عاشه ويبحل ليا داج=وتمرغ العاقل على القبر ويصيج
يالله ياعالم وللهم فراج=انت الله وقادر على كل تفريج
تودع جميع الطرق لا جيت تنباج=تنباج ماتسكر بنار وصهاريج
وادخل بفردوسك ولاامر مسهاج=ولا اسهج لضى في قعرها النار وتهيج

الله يبلغنا رمضان ونصومه =ويغفر لنا ذنبن جنيناه واثام
نتروح وحنا للتهجد نقومه=ونلازم خياره ومع صفوة انام
شهرن وصلنا ياهلا في قدومه=شهر الحساني يغفر الله لمن صام
ونفسن عصت ربه تراه محرومه=ما وفقت بالخير في دين الاسلام
ونفسي عساه ياكريم معصومه =وتمشي مع اهل الخير والمشي قدام
نصيحتي كلن يقوي عزومه=ولايطاوع الشيطان في كثر الاوهام
من طاوع الشيطان خربت علومه=صارت حياته كلها امراض واسقام
ولاينفع الندمان كثرت ندومه=بادر مع اهل الخير حازم و جزام
تبشر بخيرن والليلي محسومه=والعمر تصرمه الليالي والاعوام
اما لقيت الخير والا ثلومه =ولاتننفعك كثر الاماني والاحلام

ياما حلاء كفن تصافحت وياه=أرق من الديباج والين زياده
صغير سن( ن) ماتلوع بدنياه=سبحان من حط الجمال بعباده
ضبي الفلاء حتى ملابسه تزهاه=لشفتها لازم تزور العياده
وشلون من شاف النحر وش حكاياه=برقن تكاشف علقتبه قلاده
اكيد كلن هو تمنى ملاماه=في سنة الله من خذاها بسعاده
يليتني متاخرن عن ملاقاه=ولاشفت حسنن كاملن بالرياده
اللي خذ قلبي وقفى وخلااه=متى على الله جيتن من بلاده
اثر الهوى والحب كله معاناه=قلبن خضر ماسك مسار الاباده
الحب قاده واهلكه وسط مضماه=قاده ونار الشوق جود قياده
محلاء السعاده واقشر الوقت لدياه=ما فات مات ولايفيد استعاده

قالوا علامك ما بنيت الخياما=العيد قرب يابو عامر ولاتهون
قلت اسمحولي ياالرجال الكراما=عيدين لجل اللي عزيزن ومدفون
وانا على العاده وفي كل عاما =الا السنه تقدير لشخصن تحبون
في مجلسي عيدي لربعن حشاما =وبعد السنه نحط خيامن تشوفون
الا السنه هاذي بقلبي هياما =فرق عزيزن كلكم له تحبون
هذاك ابو فواز ريف النشاما =كله مزايا طيب ياللي تعدون
مال للفرح بالعيد عندي مراما=شلعت خيامي لو بعضكم يعذلون
ما اقدر وانا عيني بدمعه تهاما=عيني تخايل يوم ياتي ويمشون
الله على الدنيا وسود الضلاما =ليته خذت منهم رديين وعفون
وخلت رجال الطيب واهل الزعا ما=وادعو عساه بجنة الخلد ممنون
دنيا ترى اطرافه بسرعه تراما=تخفي ترى اسراره علينا ومكنون
ومبروك عيد الفطر وارسل سلاما=لربعي ومنهم رفاقه يمرون
دايم دلالي والماتن ولا اما =ماهو تصنع وهبتن لو تودون
والجو لغبر وجاه العتاما=يبين منهو سيد القوم ياعيون
ويبين من يمنح للتاج الوساما =ويبين راع الاوله لا احتم الكون
وصلوا على محمد صلاتن تماما=شفيعنا يوم الخلايق يهيمون

	المشاركة الأصلية كتبت بواسطة برق الحيا

	وين انت ياحزامي بوقت الشدايد=احس من بعدك ترى اليوم تعبان وين انت ياعامر على الناس نايد=شفني اصارع كل شين على شان ارضيك ياعمري وتسوى البدايد=صقرن تهددني فروخن وعقبان فرصه عقب ما حط بيدك حدايد=وإلا ياحضرتو ينخرس كل شيطان ولا أحدن تجرى في حضورك و كايد=يصعب ليا شافوك وانته بليهان متى على خيرن نشوفك وعايد= شوفك يعز القلب في كل ميدان عقبك نعاني من كثير الشدايد=ولاترقد عيوني من الهم سهران تعال وحبك داخل القلب سايد=تعال داو الجرح واسقن وضميان وكمد جروحن هي بقلبي جدايد=دايم معي بالصبح وفي هجعت اعيان والذل ماينفع ولابه فوايد=اما حصل عزن مثل فعل راكان والعمر لصرم ترى العمر بايد=ورجل بلا عزن ترى ماهو انسان والعمر ما ينعاد ولابه عدايد=اما تعيش بعز والاترى احيان موتك ترى احلاء من هروج النقايد=لعامر ابرسل معاني وقيفان من بدع ابوك اللي يشوف اللاهايد=وانته تعرف القول وللقصد فهمان وتم الكلام وقلة جزل النشايد=من شاعرن ينقض ويفتل للقيفان ويصخر القيفان وجاب الفرايد=يهدف ليا هدف رمى كل نيشان يبرق ويرزم مثل صوت الرعايد=برقن تلالاء والرعد فيه وامزان تشهد له الشعار إبدع القصايد=ما قيل قافه دون معنى وميزان وأطرب لنوح الورق بخضر الجرايد=وافز لراع الطيب من وين ما كان وأكره عفون الناس وابعد واحايد= ما انصاه لو حدن زماني وبلشان وصلوا عدد حرفن بصحف الجرايد=على نبين منصح لكل غلطان واطلب ولي الكون جزل الفوايد=يرحم ويغفر كل زله ونسيان

===========

العب مـادام انتـه بصحـة فتـوك=من قبل ما سـود الليالـي تـولاك
وارم الهمـوم اللـي تكـدر علـوك=ويالله عسى المولاء يعزك و يرعاك
ولاتطفي الانوار واشعـل لضـوك=عاشر وسامح من نوى اليوم يجفاك
ثـق انـك الناجـح تقـدم وتـوك=ولا غنـة الورقـى وتباهه محيـاك
لغنة الورقـى ومرتاح جـوك=عانق نسيم الصبـح حيـه وحيـاك
ترى الربع حبـو محاسـن هـدوك=كلك على بعضك ترى اليوم ما حلاك
والا التواضع سمتن من سموك=ترفع ترى شانك والاحباب تنصاك

ياللي مدحت النفس بالكذب وش فاد= ماينفعك زيفن سبح وسط الاوهام
لاتفيدني عن طيب ربعك والاجداد =إلانت وش سويت بعمرك والايام
ولايمدح الرجال بفعول من باد= ما يمدح إلا بفعل يمناه لقام
كم هيس وعياله به الطيب يزداد=افعالهم بانت كم الشمس وحشام
وكم واحدن طيب على رؤس الاشهاد=عقب عيالن ما بهم خير ونظام
هاذي تجارب من هل العرف واحفاد=والهون ماينفع ولا علق وسام
والقاف ماعمره عصاني وينقاد=ارسمه بالريشه واخطه و رسام
متواضعن واكره هل الكبر و عناد=اخلص ترى النيه مطيه لقدام
دنياك مادامت ولافيه من ساد=والعمر تقفاه الليالي والاعوام
و صلوا على المختار من خيرة عباد=على الذي حطم طواغيس الاصنام

أداعب المحبوب بسلوب هادي=أخاف أنا من كلمتن تجرح شعور
له منزلن مرفوع ماهو بعادي=لو زل بلسانه خطاء قلة مشكور
حبه غمرني مثل سيل (ن) بوادي =سيل( ن) تباشربه هل الذود وقصور
اللي ملكني صار شربي وزادي=ما أطيع عذال الهوى فيه والشور
ولاأسمع لصوت غير صوته ينادي=أفز من دون إستطاعه ومجبور
ولا أقدر ليا نادى بهمسه أمادي=أسير حب في هوى الترف معذور
أم العيون اللي نظرها يشادي =حرن مع الحاكم فريدن ومخبور
واليوم شأن الوضع ولبس الحدادي=والكل صار يحاول اليوم مقهور
عيا عليها شايبن به عنادي=غره من التجار تأجر ومشهور
اللي معه بالفوج وأيضا الجهادي=يعني نوى بيعه ولافيه محذور
أرسلة له قلة إنتبه لانفادي =اللي عطاك أعطيك مدبول في فور
والله ستر من رميتن بالثنادي=بواردين فرغ المشط بنحور
وعاد الفرح والخيل فوقه شدادي=وعادة مجارينا به الورد منثور

رجلن يغث الكبد ورجلن حلاوه=
وافي والاخر سحب صيفن ونوه =
ولاترافق إلا عاقل (ن) به هداوه=
يسحب ترى الصاحب بخيره وسوه =
وخلك مع الطيب و طيبك نقاوه=
تفخر ولك شان(ن) رفيعن علوه=
وخلك رفيعن دايمن في نزاوه=
خلك عزيز وخل عندك مروه =
رجلن وعندك للمواقف نخاوه=
واصبر على المقسوم بعزمن وقوه =
ماهي ترى دايم تجيك الحفاوه=
ماقيل هي تصفي لحضرة سموه =
ولاتفتح البيبان بكثر العداوه=
ولا كل ما تسمع تقوله مفوه =
عدو يشوه له بغيض بلغاوه=
والا حسودن يحبس الغيض جوه=
ولاتساوي العالم سوى ما تساوه=
نور القمر ياضح وتسري بضوه =
مواهبن توهب لحضر وبداوه=
والله خلق خلقه من ادم و حوه =
واستغفر الله عن ذنوب وشقاوه=
وتحمي الوطن عن قدر والا عنوه=
واخذل اعدانا من كلاب وجراوه =
وعز الملوك وشعبها و الفتوه=
وسلط على الكافر كثير الغباوه=
واللي رضى بالكفـر ويحـذو حـذوه=