العماني، لك منادي و العلم خير

	المشاركة الأصلية كتبت بواسطة ابن الغيداني

	صح لسانك يالصييفي ويالعماني

مرحبا بك يا ابن الغيداني،
صح بدنك
و دام حضورك.

الله يـعـطـيـكم الـعـافيـــــــــــة وصحت السنتكم



بيض الله وجهكم

	المشاركة الأصلية كتبت بواسطة عزيز الحربي

	الله يـعـطـيـكم الـعـافيـــــــــــة وصحت السنتكم بيض الله وجهكم

عافاك الله يا عزيز الحربي،
شرفتنا بحضورك،
لا هنت

الصييفي لا أدري كم مرة يجب علي أن أعتذر عن التأخير الخارج عن إرادتي
على العموم استلم لا هنت

عسى فيك البقاء ياللي علومك كلبوها فوق = علومك طيبه من طيبها ما عاد ننساها
تدوم المعرفه والمعرفة بين الرجال اتشوق = وهذي ، ما عليكم زود بأولها وبأتلاها

	المشاركة الأصلية كتبت بواسطة نادر العماني

	الصييفي لا أدري كم مرة يجب علي أن أعتذر عن التأخير الخارج عن إرادتي على العموم استلم لا هنت عسى فيك البقاء ياللي علومك كلبوها فوق = علومك طيبه من طيبها ما عاد ننساها تدوم المعرفه والمعرفة بين الرجال اتشوق = وهذي ، ما عليكم زود بأولها وبأتلاها

الله يحييك يا نادر و لا حصل الا كل علم غانم،
استلم لا عدمتك:

أنا بنشدك يا نادر لعلّك سالم من العوق= "عماني" من بلد "قابوس" و الا "حرب" منشاها
أو انك من "بني زيد" العريقة أو سلالة "روق"= ابي منك الخبر يا كاسب التقدير و الجاها

الله الله

وصحت السنتكم

ودام ابداعكم

بيض الله وجيهكم

الله الله

صحت السنتكم

وبيض الله وجيهكم

وحنا متابعين معكم

محاوره رائعه

	المشاركة الأصلية كتبت بواسطة ابوروان النويمي

	الله الله صحت السنتكم وبيض الله وجيهكم وحنا متابعين معكم محاوره رائعه

هلا و مرحبا ببوروان النويمي،
متابعتكم لها دورها بتطور و ارتقاء هذا الصرح،
دمت و دام حضورك

الأحبة / كل من تابع وشجع
لكم ألف تحية
والله ودي كل واحد أرد عليه لحاله بس الظروف ما ساعدت بسبب قلة الدخول على النت
والشاعر الدكتور / الصييفي قام بالواجب فله مني الشكر على حسن تفاعله

الصييفي استلم لا هنت /

أنا من ( حرب ) وفروع القبيلة وأصلها موثوق = غيادين ٍ تجيك أذكارها لا جبت طرياها
تقوله يالصييفي وأنت ما بين السعه والضوق = تلـفـّـت باسمك ، ولا تلتفت بالناس وأسماها

	المشاركة الأصلية كتبت بواسطة نادر العماني

	الأحبة / كل من تابع وشجع لكم ألف تحية والله ودي كل واحد أرد عليه لحاله بس الظروف ما ساعدت بسبب قلة الدخول على النت والشاعر الدكتور / الصييفي قام بالواجب فله مني الشكر على حسن تفاعله الصييفي استلم لا هنت / أنا من ( حرب ) وفروع القبيلة وأصلها موثوق = غيادين ٍ تجيك أذكارها لا جبت طرياها تقوله يالصييفي وأنت ما بين السعه والضوق = تلـفـّـت باسمك ، ولا تلتفت بالناس وأسماها

مرحبا بك يا نادر العماني،
و مشكور على سعة صدرك،
و نشدتي مهيب حب خبر، لكن لها سبب.
استلم لا هنت:

و نعم بك، و القبيلة مابها شك، و وساع بنوق= رجال(ن) بالمواقف تاخذ اسمنها و اغلاها
سبب نشدي، لي اصحاب(ن) كما اسمك و الوساع تضوق= بهذيك القبايل، قلت ربعي ودي القاها