ديوان الشاعر غازي بن مغيران الزغيبي

كانا قنوص وحصل بين الاخوين الشاعر مفلح الرقابي الوسيدي وهو صاحب تايوتا شاص والشاعر لهاب الوسيدي وموتره نيسان سفاري صالون هذه الاختلافات حيث كل واحد يمدح موتره ويفضله
على الثاني ووضعوني حكم بينهم واليكم ثلاث القصايد وهذه الاولى

من هجوسٍ تجبر المعنى اجباري=ودي اخذلي مع الطاروق سيره
ياهل المقناص طاريلي طواري=واتحدث حول رحلتنا الاخيره
وانشد العملاق زيزوم المساري=ريس الحمله ولازم نستشيره
يوم سافرنا مع الارض الصحاري=مع نفودٍ بين لينه والزبيره
وش عطيت الشاص والجيب السفاري=يوم نحداهن على الطرق العسيره
والطعوس اللي مثل وصف الكباري=من طلع راس الطويل ومن يديره
منهو اللي يدحمه تقل انتحاري=ومنهو اللي يعترض ويصر قيره
يازغيبي لاتميل ولاتداري=الحكم يعدل ولايظلم ضميره
والله اني ماتنازل للسفاري=وصورة (الباشق) على برقع اسبيره
وان نطحته شفت في وجهه مواري= تقل وجه داشراً مافيه غيره
ولآعترض زوله تقل عامل مجاري =شايل العده وناصيله حفيره
ماينافس بالهطف شهب الضواري= عارفينه لاسلاح ولا ذخيره
مستواه من الدوام الى الحواري= مثل ماقال(ام زيدي بم ديره)color="navy"][size="3"]الشاعر /مفلح الرقابي الوسيدي[""]
من هجوسٍ كنها البنك التجاري=لاطرى محرافها ما تستعيره
لو هدفها منطقٍ ماهو حضاري=مايخلني ليا شاء الله بحيره
يالهاب الوضع مهو بختياري=الرقابي زلهته عندي كبيره
ريف من جابنهم قطم السماري=كل واحد محفيٍٍ عقبه بعيره
لنشاما والعشاء عنده محاري=ماهو اللي دوم في ربعة قصيره
دون لنقص بالنظير وبالمباري=عن حسبهم ازبن الله واستجيره
ويوم صار العلم له كاتب وقاري=تحت نور الشمس في عز الظهيره
الحقيقه جاك يامفلح قراري=بعد ساعه تسمعونه بالجزيره
يعتبر تعميد تعميمٍ وزاري=وغير ربي ماعبدت ايلاه غيره
فرق ممشانا مثل مرمى السواري=لاغطى راس الهدف نصف الشعيره
خص في عرقين وعرات ومذاري=حولهن مايهد راع الطير طيره
شفت شئ واقعه بين جهاري=السفاري كشخت الناس الفقيره
بالنفود تسحبه خجم اللواري=ان عرفله مصنعه حطه صغيره
ان زعل راعيه من حقه يجاري=وان تركنا لاملام ولامعيره
ان وقف من فوقه التيار عاري= وان جلس وفلحبها ماهي كثيره
الفخر للي على الجوده يماري=وارد مشهور يفخر به خبيره
وارد الفكس آر مامون البراري=مركب اللي جايب بشته وزيره
ماشيٍ بمهمةٍ فيها اضطراري=كنه اللي هد من ماكر وعيره
وامتناني لنشاما واعتذاري=للامور مداعبه والها سريره [/poem]
الشاعر/غازي بن مغيران الزغيبي
[poem=font=",6,coral,bold,italic" bkcolor="darkblue" bkimage="" border="double,5,darkred" type=2 line=0 align=center use=ex num="0,black""]
من هجوسٍ مثل قوات الطـواري=تقتحم معنى راع الشاص و شويـره
يالزغيبي بـان للميلـه مـواري=والعلوم اللي سمعناهـا خطيـره
وانت ماحطك محكم واستشـاري=غير رجالٍ يعرف انـك خشيـره
مير تحكيمك من الانصاف عـاري=والحقيقه غلطتك ماهـي صغيـره
تمدح الفكسار في صوتٍ جهاري=مادريت ان السفاري هو نظيـره
انشد اللي بايعٍ فيهـن وشـاري=وعارف عشاقهن في كـل ديـره
ماشريته مقصدي قل المصـاري=ابك انا في خير وفلوسي كثيـره
مير هذا هو مزاجـي وختيـاري=عاشقه عشق الهواوي للعشيـره
والقنوص مدورة برق الحبـاري=حطو النسيـان قائـد للمسيـره
يوم راع الشاص قصاص الاثاري=للسلق والعفـش ماكلـف بغيـره
واحمد الله بانت الحجـه جبـاري=الزغيبي ماذكر للشـاص سيـره
مير انا ساكت وحاذفهـا يسـاري=مابغيت اطور الموقـف واثيـره
لين شفت غليص يشهد مع مكاري=ويجر الذمه عليـه بربـع ليـره
ويوم سبو موتري يابا الثـواري=الطـم الشاوي و لاتلطـم بعيـره
جاك ياالعملاق مـردود اعتبـاري=واعذروني صار عندي نوع غيره الشاعر الهاب ابن عوض الوسيدي

مدام للشعار والشعر ساحه=عندالوازم ماتغيب القريحه
لا لاوح الهنداب قست المساحه=واخترت جزلات البيوت الفصيحه
كلن على شفة يجوز اقتراحه =ما باليديم يبينة لك نضيحه
من طب با الميدان جرد اسلاحه =اللة ولا مد اليدين الشحيحه
العيهل الماثوق يصفي قراحه=لوكان غربه ما يهود سريحه
لو قصرت الرجلين لنفس راحه=بيعت وشريت يوم بيع النصيحه
ما كل غلطه للعوارف مباحه =حتى يقال فلان ربه يبيحه
ماقولها متفلسفٍ (ن) في بجاحه= ولا مها جملي على الشوف ضيحه
لا كن فيها لي شبه أستراحه= اشر بسيفٍ(ن) ماظهر من ضريحه
عن واقع الماضي نعد الصراحه= للقيل سا مع والمصادر صحيحه
دور(ن)على اهل الشعر فيه اجتياحه= غزو الحدا ثه طامع انه يزيحه
مايدري انة واقع(ن) بالوقاحه= ماروثنا الشعبي عديل الفصيحه
كم شاعر خلد من الشعر واحه= في معجم التاريخ خلد مد يحه
في حال ولاحال خطر (ن)اسلاحه= اللة يجنبنا مهاوي قبيحه
جرحه تعذر عنه طب الجراحه= من ناقش الجاهل يطيح بمطيحه
شعر الحداثة كل رجل وكفاحه=خلوه بين الخلق مقطوع صيحه
وجهة نضر ونقول فرصة متاحه= والعا قل الي سرها ما يبيحه
لاصارعرقه ضامنين نجاحه= غصنة لياهب الهوا صاك ريحه [/poem]
ولكم تحياتي غازي الزغيبي

أنتهى صدام وانها بـن عزيـز وعـزه=واصبح الارهاب وامساء نزوتٍ للنـازي
لاتغـارب ثـورة التيـار بيـت حـزه=اعتبـر بالاقويـاء ومجامـل المعتـازي
القـوي لـه حجـةٍ بشهودهـا معتـزه=والفقير بعض الاشياء مايجـي قنبـازي
لو يشوف اللي يشوف ولو تجيه العـزه=يحسب حساب الاخير وقدرة الاحـرازي
ينجبر يدعـم قـرارات القـوي ويعـزه=في لسانه لو ضميره فيه جـرحٍ حـازي
لو يقول اللي من البصره اليا اقصى غزه=منهم الـي مئيديـنٍ خطتـي وانجـازي
تيتخاشـم الامـور ولـو نـار الجـزه=في ضمير اللي يقيس ابعادها متـوازي
كل واحد له لعيـبٍ عـن هـذاك يحـزه=حايـزه بالمصلحـه وكمـال مايعتـازي
مايصدر يمهـم غيـر التنـك والمـزه=والطحين اللي يناسب معمـل الخبـازي
واعتبرنا الغرب كلـه مابنـا الا الـرزه=مالنا تالي عقيلـه لـو عطانـا القـازي
معركتنـا يعتبرهـا نـزهـة المتـنـزه=ينطحونه بالورود افـراد والا اجـوازي
مادرنا نكسر العضـم القـوي ونحـزه=لاوقفنـا وقفـت الاخـلاص مايعتـازي
مايحسبـون المصانـع تاخـذ البزنـزه=والعماله سوقها يفـرض بـه البيـازي
مانقلنـا الاجديـدٍ بالجـهـاز نــوزه=محدثٍ في عصرنا واخر نزول طـرازي
من بغا سبل الشهـاده فالشهيـد منـزه=بالصحيح موثقه وافتاء بها بـن بـازي
للرسـول ولأوليـاه وللتبـعـاه الـنـزه=نصره ربـي بهـا لصابريـن ايجـازي [/poem]
مع تحيات غازي الزغيبي

ياهن ود رسالتي يم هايف=فيها السلام وفيه عدة قضايا
سلامٍ(ن) احلى من حقوق القنايف=وازكى من اللي ماوطتها الرعايا
من ظامرٍ (ن) عدابها راس نايف=عدابها ظلعٍ(ن) طويل الحجايا
اقولها خايف ولاني بخايف=يازبن من سيقت عليه الحمايا
يابو رهف بالوضع ويش انت شايف=استردف الرماي عقب المعايا
ويلحقك من بعض اتفاوض حسايف=ولا النقا مردود بين البرايا
قل للشجيع يشيل هم الاكلايف=لاجاء وجاه الحزم يبا الحكايا
بعض الهقاوي نعتبرها طرايف=كد مثلو فيها الشوام بمرايا
لا يحسبن ذلي لذلك ولايف=واخذ جزاها لاوقفنا عرايا
عندي مصانع محكمات القذايف=لاكن عليه من كبار الخطايا
من حط رجله فوق حيٍدٍ مهايف=لابد ماتكثر عليه الزرايا
ماكل مامرت تعدي خفايف=لاكشرت عقب الضحوك الثنايا
بالناس ناسٍ ما سكين الوظايف=ولاترا باالمعرفه ماتنايا
تخمهم طمعان وتعود عايف=الله ولا طبٍٍ(ن) يجي بالكوايا
بظهور عوصن يقبلن اسفايف=ومسلحينً(ن) في ظهور المطايا
بظهورهن ماغير غزو ونكايف=ومجوخً تمشي وراه السرايا
لاطاب نوم معطرين القطايف=اللي مراجلهم تجيهم هدايا
نقصٍٍ وجوده ماتلفه لفايف=كرمة بخيلٍٍ في عياد الضحايا
اقفي واعاشر بين سبع طوايف=الله ولاعشرة خبيث النوايا [/poem]
العملاق

السلام عليكم ورحمه الله وبركاته
قلت هذي القصيدة بعدما رأيت بعض الأشخاص التي ينتقد بعض الأدباء التي مكانتهم عالية على ذاته
ولامعه ألا num="0,"]
ياقلب لا تحزن ولا تدمع العين= ساير زمان اليوم واتبع نظامه
واصبر على ماجاك من عوج الآدنين=لو الخطأ راعيه صعب احترامه
إن ما تجاوزت الخطأ للموالين =الأجنبي مــامنه غير السلامه
يا اللي تبا المقدار بين المسمين= من لا إلتزم بالصبر عض الندامه
الصبر خصلة من خصال الميامين=والعقل ميزان الرجل وانتظامه
ياهل العقول مرجحات الموازين=للوجه سيمـا والمواقف علامه
والوقت يعطي والليالي ميادين=ومن عــز نفسه ماينقّـص مقامه
من واقع الدنيا منـول وهالحين=والرجل دايم هيبته من حزامه
يكفيك علماَ قيل بين الدواوين=من قول ابن ريفه صدق في كلامه
هذا وأنـا لي مقصدٍ بين قوسين=ماكـل من يتعب يحقق مرامه
ألآ عمل من يبذل الجهد بادين=ماضيع الله طاعتـه والتزامه
وألا الأوادم نوب لاشافوا اللين=بعض الأوادم يعتبرها رخامه
خطو الهـدوس الناقصـين المساكين=لازد ت واحدهـم ظهر لك زيامه
يظهر لك اللي مايغيض المعادين= وألا على الأصحاب مشطر احسامه
يصبح عليك من الدهر والمعاوين=غريزةٍ فيه إبتدت من فطامه
وإلا الرجال أهل الوفاء والقوانين= عن غيبة المقفيــن فيهم شهامه
ماهم على القط السقايط حريصين=من وجهة للغير صارت نمامه
[/poem]
غازي الزغيبي

num="0,"]
ياهاجسي ساعد على وزنت القاف=قافن يشوق اهل القلوب النضيفه
خل المثل يركب على عدة أهداف=للقاف سامع والمقاصد شريفه
الوقت حصال فيه ميلات وجحاف=وكلن يشوف من الزمن مايخيفه
شفنا الخطاء بالعين من عرض من شاف=هجماتها من كل يمه عنيفه
ون قلت ماشوفه ولا حاصل اخلاف= كاذ ب على النفس النزوق الضعيفه
ون قلت أشوفه لو على راسي الفاف= قالو تيقض من منامك وعيفه
قالوا تقول ان العرب مابها انصاف= قلت استحي والتابعي له خليفه
مهما نشاهد بالمشاهد والاسراف =شاهد وهن اهل العيون الكفيفه
واللي تشوفه باالنظر خافي اظعاف= لاتنخدع لمراسلين الصحيفه
لاعودت حنا تحت حكم الاشراف= حكامنا يوم المساعي كليفه
ال السعود مزبنة كل من خاف = لا من كلن قام ينصب بسيفه
دام الملك ماجود واخوانه اطواف = جعل السعد في كل ساعه حليفه [/poem]
تحيات غازي مغيران

يسقي زمانً قصير البيت تختاره = والى حصل ماحصل كلٍ شلـع طنبـه
كلٍ إلى ضاق ماضاقـت بـه الديـاره = ركايبه مع فيافي نجـد يمشـن بـه
لا شفت منه الجفا والكـره والبـاره = ماهو خويٍ ليا خاواك تلـزم بـه
قرب بعيرٍ يسوط الزمـل بهجـاره = مع طلعة النور طّو اللبيت وأجهم به
لا شفت دونه يشن الذيب كم غـاره = يهرف ويقنب على المرقاب كم قنبـه
دور لمنزلك اليمين الدعب ويسـاره = في حاجرٍ شابـك الحـوذان بالجنبـه
بعدك عن اللي ماغير اهواش ومشاره = راحة ضميرك نهار تشد من جنبه
ماكل جار يحـوش النعـم بجـواره = ولاكل جار ثلاث الخصال يلقـن بـه
باالدين ديـن وفيـه أكـرام خطـاره = وان جات في مدت اليمنى تحيزم بـه
من طلعته ماشقث عينه ورى الجاره = دينه وسلـم القبايـل ماتهـاون بـه
ماهو قصير ليـا برقـت بأسـراره = ماضنتي من يحسب زين يامـن بـه
وان قيل قول الحقيقه قلـت بعبـاره = خلف الا صحايب ضراها على الخنبـه
هـذا وعنـدي كـلام زان معبـاره = فوق المسامع تراني ودي اعلـن بـه
الوقـت فيـه اليال السـود دواره = ماروحن اليالـي فيـه ماجـن بـه
الامن ضافي ورمز العـدل بشعـاره = في حال وبحال دورك ماتحكـم بـه
كل ترى نوخ الركبـي علـى زاره = الدور كل يبـرق بـه ويفطـن بـه
من يهمل اللي يبـي توجيـه واداره = لايحسب انه سليم الصبح مـن ذنبـه
ابنه لياصـار مايـدري بمظهـاره = يدخل ويطلع ولابه شخصٍ يعاين بـه
يبي يواصل على هاالحـال مشـواره = واخر مساعيه تهزم به وتطعن بـه
من يوم يرمي بكتبه موذي الحـاره = ولامقهى معسـل تقـل ساكـن بـه
من قلة اللي يقيـس الوقـت بعيـاره = قدام الافات من صغر يتمـادن بـه
لا يرخي الحبل ولا يضيّق حصـاره = والمصلح اللي جميع الغيب عالم بـه
ياجب علينا نعايـش واقـع افكـاره = قلبه على فطره الاسلام تحـزم بـه
ودك تفكر بمـن زاور ومـن زاره = ترى مجلس عيال السوء توهـم بـه
بالنـاس سكـارةٍ سفلـى ونـكـاره = برق وفرق بشيـن الطبـع واجتنبـه
ثلثين طيب وثلث اعصـاب منهـاره = شواريٍ يشفي الله كل من هـن بـه
ذا قول من ذوب الصفره علـى الشـاره = مع لمستٍ تنقل البصمه بلا الستنبه
واخر كلامي سمين العلـم وخيـاره = كلٍ ترى عقله اللي معـه راضن بـه
والا رصيد الدراهـم لوبـه التجـاره = كنه فقيـرٍ وقحـط القـل صاطنبـه
واعداد من يرمي الشيطـان بجمـاره = صلوا على الهادي المامون واختم به [/poem]
غازي الزغيبي

القصيده مهداه
اعزئى
اهديلكم هذي المشاركه ورجو منا الله انهى تحوز على بضعا من استحسانكم الراقي
.مع التحيه الي الاخ العزيز الفاضل/ماضي بن رباح المشيعلي الحربي ,حيث
قابلته عند ابله ولضيق وقتي اعتذرت منه بهذه الابيات

جعل الحيا يسقي شمال الهديه =من مبكر الوسمي تجيه النصوبي
تقهر مقاديمه هبوب السقيه =لين يتراكم مثل خشم الهضوبي
واليا ار تد م نوه بدبرت وليه=يسكر من الشرقي نسيم الهبوبي
ياذ ن مكاييله عليها عشيه=لين يتعاطن من مطرها الخبوبي
مرباع وظحن فوقهن محنيه=معرباتٍ باصلهن والنسوبي
هاذيك من ذيه واذي بنت ذيه=سلايلٍ منهن وفيهن ضروبي
طوال الرقاب اللي لهن قابليه=وضحن خزايز يشلعن القلوبي
اليا شافهن اللي فاقدله رعيه=ينسى غرام اللي وراها يهوبي
لاد رت وحدتهن ولا فيصليه=في اطول قامتها وعرض الجنوبي
والراس ضافي والطبايع هديه=ماحذفوها محذ فين الذهوبي
يوده لهن ماضي بعيد النحيه=عوق الخصيم اليا نفخ باالذ روبي
ايً والله افخر فيه وفخر بزيه=وافرح بمن مثله بوسط الحروبي
دين وسخا والهام نفسٍ رضيه=سمح المحياء في لسان عجوبي
يبو جزاء لاهنت حقك عليه=جيتك بمسياٍر قضى لي نوبي
لو كان في خاطرك لي مثنويه=من طيب خيمك يا نزيه العيوبي
واقول خله دين والشي نيه=دينن عليه بالحياه محسوبي
ياابن الرجال اللي بوقت اليديه=عرين اسد ولايزال مهيوبي
نطاحة الطابور في كل هيه=يروون حد مشلشلات الكعوبي
مااقولها بعيال مشعل زريه=والعالم اللي مطلع بالغيوبي
يشهد لهم تاريخ نجد العذيه=واهل البخت من طايفات الشعوبي
قصه نويشي قصةٍ عالميه=عساه عن حام اللهيب محجوبي
في جاه من شرف مساعي نبيه=أمين ياغافر جميع الذنوبي

مع تحيات / غازي مغيران الزغيبي..

[poem=font=",5,#a0522d,bold,normal" bkcolor="" bkimage="http://www.alhroob.com/harb.jpg" border="groove,4,#a0522d" type=2 line=0 align=center use=ex num="0,"]
يابن العرب موجود وضع(ن) جهلته=حول المدار اللي به الصول والجول
حاولت اهدي خاطري عن عجلته=وزاد الغموض غموض يوم ادبح الحول
الشك وارد والكثير احتملته=لاقول مايعقل ولاقول معقول
ومنك الكلام اليا سمعته نقلته=تفهم مغاز العلم مبرم ومفتول
بالعقل والتجريب كلش وصلته=يوم الاوا دم فرقها ميز وعقول
الخصم مهما هيبته ماختلته=وافي وتوفي راعي الحق مدبول
وشعيل لاكبرت لاهاته عقلته=الزمل لاصاجت لها عقل وحمول
لانت بزهوف(ن) تعترض كل حلته=ولاقول لك جاني على درب ماسول
واللي يحز بخاطري لين قلته=ودي تطق الباب والغد مجهول
راع الحصان اللي تقطب انثلته=وده على ثار(ن) غدا لبن مقبول
لو غلطته بين النوادي فشلته=ماحط بالعاير مزامير وطبول
الاوله والثانيه ماعدلته=والثالثه سلم العرب دونها يحول
لاكن تشجع وانتعر من جهلته=مايدري ان الرجل يندان بالقول
لافي مجال ولارجال(ن) سئلته=ورد علوم(ن) مالها طرق وصول
واحترت واللي متهم ماكفلته=واللي لقا الجره يبي يلحق الزول
ياللي تبي قتله حشا ماقتلته=جنازت(ن) ذباحها باوسط الظول
لو شاور العقيل عنها عذلته=لو ان شور النصح راعيه مقلول
من واحهج اللي قدمها قد اشملته=غر(ن)يضيق بدرها أبطون وفحول
الشر صعب(ن) مطلعـه لادخلته=من خلقة آدم والمشاكل لها حلول
ان كان جهدك (البناخي) بذلته=وارويت من دم العداء حد مصقول
راع النقا المشهور بارت هللته=غير النبي ماحد(ن) عن العيب مكفول
لو به حصانه كل حكمه رحلته=الطيب مادونه مزاليج وقفول
وجدودنا درب المراجل اعبلته=عبالة(ن) تشهر طحاطيح وزحول
الخال تدا ناقته من خصلته=من لاذ فيهم يـآ(المهند) مشى طول
على القدا والا الخطا ماقبلته=والعرف تصلح فيه وتسدد خلول
مع تحيات العملاق

[poem=font=",5,#a0522d,bold,normal" bkcolor="" bkimage="http://www.alhroob.com/harb.jpg" border="groove,4,#a0522d" type=2 line=0 align=center use=ex num="0,"]

واللي يامكبرها تعدايت امثيب=كبرت عليه يامثيب القثامي
ماقولها خوف من الشك والريب=والن ابو مفلح جهل بالتزامي
ثنتين للرجال مخطيهن مصيب=منهن وفيهن يحشمون الحشامي
مع عكسهن ثنتين خصرانهن عيب=ويثاب فاعلهن وبالترك أثامي
وحده من الثنتين بين المناديب=والثانيه من تيهات المرامي
والثالثه مضمون ذكري الياجيب=لابد مايطري عليك السلامي
والرابعه لاقال راع التجاريب=في ظل دوحتها فرضت احترامي
والقاف له معنى ومغزا والتعقيب=وبحارتن منها يحل الحرامي
وش قيمة الدره يالولا الشواذيب=ياظنتي لولا الخطر ماتسامي
البيت له بيبان والثوب له جيب=للخيل قرح والرياجيل سامي
ياراعي الشهره ترا حملها منيب=لاكن جعلها الله برا د وسلامي
لا لحيتن نيشت ولا شاربٍ هيب=تمسي وتصبح في امان وتنامي
وضيفانك البارح تجيلك معازيب=وفرق المعادن لوتساما الاسامي
ماكل هدارٍ نسميه بهديب=سر المثل في نجد وهديب شامي
تقدر تقول فلان راعي مواجيب=ماغير دوب مغطيات الملامي
لاهو سنانن له شباه ومظاريب=وبالقاله الصلفه يجي با زمامي
ماخلفه الا تكرمون العراقيب=سهاجت الواجب عفون الأنامي
غازي الزغيبي
عندما احصل على ردود الشاعر الكبير مثيب القثامي