الواسطه أولا . . .

بعض العرب يا صل المسؤول دون ارتباط= والبعظ الآخر معه موعد و أزرى يجيه
يا لله عسى حظنا احسن يوم عبر الصراط= يوم العمل هو وساطتنا لما نرتجيه
دام المساكين ما يلقون حتى البطاط= و اللي معه مال حتى دورهم يشتريه
تبي تصير الامور مدحدره لانحطاط= و ينعم بها الكوثله و اللي يعبد الوجيه
لا قالوا الناس : مابه واسطه قل: خراط= الرجل يبغى وساطه لو على والديه
صارت مع الناس جزء من الفخر و الهياط= كلٍّ يعرفه، و كلٍّ ياصله لويبيه
لا جيت بالواسطه كلٍّ فرش لك بساط= و ان جيت بالحق الابلج قيل هذا سفيه
يا للأسف راح وقت الصدق و الانضباط= وجا وقت ابو بزوطه، و ابشر، و بشت النبيه
و لا جا المداهن و دهن السير مع السماط= يالشيخ تاخذ معاها كل ما تشتهيه
و انا اشهد ان الحلال احسن بخمسين غاط= يرتاح معه الضمير و آكله ما عليه

صح لسانك يالصييفي

شاعر جزل

والقصيده جزله

وعادتك ماتمد الا الجزله بارك الله فيك

الشاعر الصييفي صح لسانك وبيض الله وجهك اكيد عسكري يوم جبت البزوطه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة خالداللهيبي

	صح لسانك يالصييفي شاعر جزل والقصيده جزله وعادتك ماتمد الا الجزله بارك الله فيك

صح بدنك يا خالد اللهيبي
الجزل حضورك
دمت ودام هذا الحضور
لا هنت

	المشاركة الأصلية كتبت بواسطة سعد المحمدي

	الشاعر الصييفي صح لسانك وبيض الله وجهك اكيد عسكري يوم جبت البزوطه

صح بدنك يا سعد المحمدي
و البزوطه اليوم في كل مكان هههههه
شكرا لحضورك

صــــح الــــسانــك

مــــلــيون

صـــح الــسانــك

	المشاركة الأصلية كتبت بواسطة الصييفي

	بعض العرب يا صل المسؤول دون ارتباط= والبعظ الآخر معه موعد و أزرى يجيه يا لله عسى حظنا احسن يوم عبر الصراط= يوم العمل هو وساطتنا لما نرتجيه دام المساكين ما يلقون حتى البطاط= و اللي معه مال حتى دورهم يشتريه تبي تصير الامور مدحدره لانحطاط= و ينعم بها الكوثله و اللي يعبد الوجيه لا قالوا الناس : مابه واسطه قل: خراط= الرجل يبغى وساطه لو على والديه صارت مع الناس جزء من الفخر و الهياط= كلٍّ يعرفه، و كلٍّ ياصله لويبيه لا جيت بالواسطه كلٍّ فرش لك بساط= و ان جيت بالحق الابلج قيل هذا سفيه يا للأسف راح وقت الصدق و الانضباط= وجا وقت ابو بزوطه، و ابشر، و بشت النبيه و لا جا المداهن و دهن السير مع السماط= يالشيخ تاخذ معاها كل ما تشتهيه و انا اشهد ان الحلال احسن بخمسين غاط= يرتاح معه الضمير و آكله ما عليه

الله الله الله

جبتها كما هيا

ابدااااع شاعر يحكي واقع

الله المستعان

لكن يبقى الحق ابلج

لله درك وبيض الله وجهك وصح السانك

تقبل اجمل التحايا

ودمت ودام ابداعك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

يا هلا بالحب الباقي

صح بدنك و عافاك ربي

شكرا لتشريفك

الله الله يالصييفي

صح لساااانك و الواسطة هي اللي اخذت حقوق الناس

و عسى ربك يعين