الشاعر/ عضيب بن هليل يوجه قصيدة للشيخ/ محمد الفرم

قال الذي علـى الكريـم اعتمـاده=منشي المزون اللي ثقيـلِ رعدهـا
الخالـق الـرازق عظـيـم الاراده=اللي رفع عرش السما بلا عمدهـا
واختار للمسلـم طريـق العبـاده=ربِ رفـع سبـع وسبـع مهدهـا
وبديت في معنى القصيد وقصـاده=وكل يجيب احساسه اللي قصدهـا
شكراَ لبن نفجان والـف وزيـاده=اللي معالمنـا القديمـه رصدهـا
والكـذب ماهـو للاجاويـد عـاده=جاب الفعـول الطيبـه ماجحدهـا
يشرح عن الفـرم بقديـم القيـاده=والحاضره يظهـر دلايـل سندهـا
يـومٍ كـل قدحتـه مـن زنــاده=والناس بظهور الاصايـل سعدهـا
شريدت الفرسـان حقـق مـراده=وطا علـى كبـد العنيـد ولهدهـا
ولاخير فـي هـرج بليـا وكـاده=يوم الضعيف يروح من عند يدهـا
كم شيخ قوم صار فيـه ارتعـاده=اليا قابله بعض الطروش ونشدهـا
يخشى صبـاح الفـرم ولاهجـاده=عنده خبر من ناس طقق عمدهـا
وان جاء النهار اللي طويل طـراده=والخيل بالفرسان طـرف جهدهـا
وعج الرمك مثل المخيلـه حـداده=ويلمع سنا برقه ويذهـل رعدهـا
وصار الفشق بين الجموع اجتلاده=سحابـة تمهـل نـوادر بـردهـا
هـذاك يـوم مـن ليالـي عيـاده=فـرع وذرع والمـذلـه فقـدهـا
زادت صعاطيـره وطـول عنـاده=وضيع دليل الخيل واخلف عددهـا
فوق الاصيل الي يشـرف مقـاده=الياما على جمع المعـادي لكدهـا
في عزوته يعرف وتعرف جـواده=يسقي صناديد العـدا مـن نكدهـا
خيـال وضحـاَ قلدوهـا القـلاده=الياضيعت سحج العشايـر ولدهـا
واليوم ابو فيصل ركب في شـداده=وجميع شارات الرجولـه وجدهـا
شيخ السعد منه السعد والسعـاده=كـلٍ مساعيـك الحميـده حمدهـا
اميـر والله يستـحـق الاشــاده=غصبن على خبث النفوس وحسدها
بالسيف والمنسف خذيتم شهـاده=قبل السنين اللـي بهيـن رغدهـا
لاساس بخل ولامجـاذب شـراده=احرار يعـرف بالمواسـم هددهـا
وترا طرات الهرج صدق وركـاده=واهل البخوت تكفي اللـي نشدهـا
وهـرج بلامعنـى قليـل الفيـاده=يصبح مثل موج البحـور وزبدهـا
احذر نواديـس القشـر والقـراده=نـاس تجهـز للمشاكـل عقدهـا
من طاع همـزات اللعيـن ابـراده=يمكن يحوش صبي عينـه بيدهـا
والعين لو حاشت قذا مـن رمـاده=يجوز تفقد شوفهـا مـن رمدهـا
الجرح ينظربـه طبيـب العيـاده=النفس ماترضى المرض في جسدها
بشت الشرف ماودنـا فـي بيـاده=وبعض العلوم اخير يقطع مددهـا
عند الزعل تحتاج صبـر وجـلاده=نبينـا وصـى بهـا واعتمادهـا
اعفيت من ضيع مساعـي رشـاده=ابعـد نظـرك ولاتتـردد بعـدهـا
بيضاك مابيها تحـوش السـواده=والطيبـه مـاودي انـك لـددهـا
مثلك عن الهزله يجـوز ابتعـاده=شيخ القبيله ضد مـن يضطهدهـا
اسمع سلمت وكـل شـئ تفـاده=والسنبله يقنع بها مـن حصدهـا
كمل كلام اللـي عطـاك اجتهـاده=واقبـل تحياتـي وقـدر جهدهـا
بجاه الحضور وجاه محيي بـلاده=وجاه من صلى الفروض وسجدهـا
عفوك عن المذنب وطويت قيـاده=قل تـم ياشيـخ القبيلـه سندهـا
وان عاد حذاف المشاهيـب عـاده=من كـرر الغلطـه تحمـل نكدهـا
ابدى لـك الشاعرغرايـز فـواده=وروس الحبال يحلها مـن عقدهـا
وان صار عند الحاضرين انتقـاده=في ذمتي مسامـح اللـي نقدهـا
مانـي بحـال محرفيـن الافـاده=سود القلوب اللـي خفـي حقدهـا
وسلام احلى مـن روايـح زبـاده=على الامير وكل شخـصٍ شهدهـا