سئلت واجبي رد الاجابه/ مرزوق بن مبشر الحثل

سئلت واجبي رد الاجابه للشاعر الكبير مرزوق مبشر الحثل
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
أحد المتشدقين سأل مرزوق قائلا حرب من أي قبيله قال مرزوق
عقب كم يوم اعلمك لاني ابانشد اهل المعرفه وبعد ثلاثة ايام
اعطاه صورة من القصيده التاليه:.
ــــــــــــــــــــــــــــــــــــــــــــــــــ ــــ

سئلت وواجبي رد الاجابه = اجاوب سايلي والجو هادي
وحنا ليا نصتنا مانتعذر = أخذنا من الجبل سبعة هوادي
نجاوب بالجواب اللي يبرهن = ولانحسب لها حر وبرادي
يقول اللي سألني في سواله = يقول من أي قوم من البوادي
سال والعلم خلفه علم ثاني = حسب مبدا سواله واعتقادي
يبين بنطق مضمون العباره = عن اللي عامد الغلطه اعمادي
وان من باب فخري واعتزازي = اجاوب سايلي قول وكادي
اجاوب كل كلمه من سواله =ولااحط الجيم والمضمون ضادي
اجاوب سايلي حسب اطلاعي = جواب شامل ماهو انفرادي
جواب مادخل بالزور وايضا = احسّب قبل ما بديه انتقادي
جوابي كلمةٍ منها وفيها = شعاع النور مع قدح الزنادي
اجابه ساسها يرفع بناها = يرويها الشيخ للي بالمهادي
انا من حرب والقوم الحريبه = هل الردات في يوم التنادي
اقوله وانتبه للي بقوله = كلام له براهين وسنادي
خبرنا كان ماتعرف خبرنا = خبرنا بالوفا ماهو بعادي
لنا في سيرة المعصوم سيره = ولنا تاريخ مع سيد العبادي
حضرنا ياعميلي فتح مكه = تحت راية لمن للدين قادي
ودليل القول محصان عددنا = ألفنا وزدنا بالعدادي
الفنا ولاالف سوانا = وشفيع الخلق يدعو للجهادي
وبعض الناس مذكور عددهم = وبعض الناس تاريخه حيادي
دام التاريخ اشاد بمجد ربعي = تسلي يام سالم بالدوادي
تسير القافله بخطا رزينه = ولو صوت المباري فيه زادي
وازيدك علم لو مانته بقده = لكن السيف سل من الغمادي
بلدنا كان ماتعرف بلدنا = عليه النور من منشاه بادي
سكنها واستعان بمن سكنها = بعونة واحد يحي الجمادي
بدا نور البريه من بلدنا = وضفا نوره على كل البلادي
وآمن من كان يومن بالحقيقه =ورفض من جاك علمه يالمرادي
وخضع والنار تسعر في غصونه = ولازالت بعروق الكدادي
سناها من لهبها في هدبها = وتموت النار واتلاها رمادي
وترى قولي له التاريخ شاهد = يبين العلم مع طول التمادي
نقول الصدق والنفس العليله = تداوى بالزبيدي والزبادي
وكلام مايبرهن مانقوله = ونقول لقايله قولك ربادي
وزيد اللي سمع تمجيد قومي= كلام واقعه جسر اعتمادي
اقوله وافتخر به يوم اقوله = وابي له منك يا السايل ملادي
خبرنا بالوفا عزز جبرنا = وركبنا به على وسق الشدادي
جلدنا في خوي القوم سته = وعن التاشير قطعنا الايادي
واخذنا الثار في من كان معنا = خوي القوم في مزود وزادي
وباقه من نقل حتفه لكتفه = وبدا فعل المثاري بالسدادي
جلد سته وقيل انها الملامه = ويمنى خال المثاري فيه زادي
ولنا ميقاف تشهد به اعدانا = من اجل الجار بنحور الاعادي
فدينا الجار بالنفس الزكيه = وقفلنا الباب من دون السوادي
فعول ما فعلها اللي تبجح = يشيد بسيرته في كل نادي
واذا عدنا لمزايا حرب قلنا = مزايا سلمنا ماهي جداي
ورثناها من اللي قد ورثها= على عصر بن منذر وبن عادي
اهل شيمه واهل عطف وتسامح = واهل شده اذا حل العنادي
وتلقا العلم عن سوقة جملنا = على وضح النقا ماهو هجادي
ويجيك العلم عن بيت مبنى = ونشّد وين ابوسبعة عمادي
يجيك العلم عنا ويتثنى = على سمع لخازوقه ينادي
مزايانا بها تحشم الحانا = بذكر الطيب والا بالهنادي
منا من يعط الخيل الاصيله = ومنا من يعط الهجن التلادي
ومنا من يعط العرب الجلايل = ومنا من يعطي صلبات العضادي
ومنا فكاكة البوش المطرف = ومراتع بوشهم وسط الحمادي
ومنا من يكرم الضيف وقصيره = على الميسور كنه في عيادي
اهل خيل لها صوله وجوله = واهل شلف لها روس حدادي
مضاربها ليا منا نوينا = تفج الجسم مع وصط الفوادي
يعرفها من جلب نفسه لاهلها = على ظهور السبايا بالطرادي
مغاوير على قب طلايع = صناديد عن الواجب نفادي
ومراتعنا بنجد اللي تسمى = ديار الخيل وعراض التوادي
لنا فيها السنام من البسيطه = دكاكة عرق والاسيف وادي
ولنا فيها مواريد رويه = ولنا فيها مقاطين ومنادي
واقول لحرب يا حسامي ودرعي = وذراي وظل راسي واستنادي
اعذروني بمجد ماذكرته = قصر عن بعض مغزاي اجتهادي
ذكرت اللي مضى منا وعنا = وصدى التاريخ فيما قلت اشادي
قبيله شأنها شان القبايل = ويسب الناس من خافيه رادي
وكل فيه حقه من رجاله = تسير الناس بسلوم ومبادي
لعل الله يعز اللي خشرها = والف بين النداوي والحنادي
الّفهم بالشريعه والعداله = وساوى بينهم والامن سادي
وحول دارهم عقب المجاعه = الى دار الرخا والاقتصادي
لاشك اللي يضايق كل عاقل = عدم مسك البعض خط الحيادي
وانا ماهمني قول السفاسف = لكن عليان يقزيه القرادي
تحملنا الخطايا بالمجامل = وتبين مثل ماقال المهادي
يشب النار من يوقد حطبها = ويطف النار من رايه سدادي
ويجيب السالفه من لايعرفها = ويضيع المهتدي مع درب غادي
جذور المر ابو ليلى زرعها = ولها من خلف ابو ليلى امتدادي
وكان العقال تضحك خلف جاهل = على روس الثمر حل الجرادي
ونقلها من حملها ولااحتملها = وجهز منشار عنتر للحصادي
وتعود مثل ماكانت ويعرف = من له بالقسا عزم وجلادي
ويندم من بدا بالشر ناره = مباد ركبها منها استفادي
يقولون العرب من كان يزعم = بكيد الناس لابده يكادي
وختم الفاف في قول الكريزي = برده يوم يرسل لابن هادي
كفى والحر تكفيه الاشاره = وتطوف اسماع مدن بالرقادي

الشاعر الكبير / مرزوق بن مبشر الحثل المزيني الحربي

الله يـعـطـيـك الـعـافيـــــــــــة على الاخـــتيار المــوفــق
وسلم قايلها وناقلها
بيض الله وجهك

[table1="width:80%;background-image:url('http://www.alhroob.com/vb/mwaextraedit2/backgrounds/197.gif');background-color:orange;border:6px double green;"]

سلمت يمينك يا ابو خالد على النقل

و صح لسان الشاعر الكبير/ مرزوق بن مبشر الحثل الحربي و بيض الله وجهه

و الله انه اعطاه إجابة وافية كافية

الحب الباقي
مضحي بن جمران
حميدان العوفي
لكم جميعا جزيل الشكر والامتنان ومرزوق قصايده وثقله في حرب شي معروف

ابو خالد الفريدي
تسلم يمينك واشكرك على التعديل فالعنوان نعم والمحدار قصيدة اخرى ليست هذة وهي موجودة في كثير من منتديات حرب ومنها دواوين حرب فالمحدار مبدها
(((خصيمنا مانعم في سبه بشر )))
وكم اسلفت هي موجودة وموجود اكثر قصائد مرزوق الحثل التي قيلت في الفخر منها -سئلت وواجبي رد الاجابة -وكذلك حربي وتملك كل حرب اهتمامي
التي مطلعها -يانور بن نفاع بلغ سلامي
وكل تلك القصائد وقصيدة المحدار - سئلت وواجبي رد الاجابه -ويانور بن نفاع نشرت عن طريق الجبل الرسي ربما باكثر من اسم ومن ثم انتشرت عبر النت وهي قصائد جزله مليئه بالفخر والمواقف المشرفة لحرب

ابوخالد الفريدي


بيض الله وجهك على نقل القصيده

وصح اللسان الشاعر مرزوق الحثل



وتقبل تحياتي

الجبل الراسي
اشكرك ولكل فهمه الخاص وعلى فكره القصيده التي سميتها المحدارمطلعها:.
ياهل الونيت اللي حمل رمز الشفر
وبحكم قربي من مرزوق كجار وصديق فقد فهمت ان المحدار هي التي ذكرت انا
ربما اني فهمت خطا لاادري ومرزوق قريب نسأله ام انت فمشكور
لكن اضيفوا هذه القصيده الى ديوانه واذا اردتم زياده فعندي حوالي 50 قصيده لمرزوق
وعساكم على القوه
ـــــــــــــــــــــــــــــــــــ
الشاعر عبدالله بن عتيق اشكر لك حضورك الله لايهينك

	المشاركة الأصلية كتبت بواسطة ابوخالد الفريدي

	الجبل الراسي اشكرك ولكل فهمه الخاص وعلى فكره القصيده التي سميتها المحدارمطلعها:. ياهل الونيت اللي حمل رمز الشفر وبحكم قربي من مرزوق كجار وصديق فقد فهمت ان المحدار هي التي ذكرت انا ربما اني فهمت خطا لاادري ومرزوق قريب نسأله ام انت فمشكور لكن اضيفوا هذه القصيده الى ديوانه واذا اردتم زياده فعندي حوالي 50 قصيده لمرزوق وعساكم على القوه ـــــــــــــــــــــــــــــــــــ الشاعر عبدالله بن عتيق اشكر لك حضورك الله لايهينك

ابو خالد الفريدي كلامك صحيح (((ياهل الونيت اللي حمل رمز الشفر))) هذا مبدا قصيدة المحدار
والجبل الراسي كلامه صحيح لاان المنشور من القصيده بعضها واظن اول ثلاثه وثلاثين بيت لم تنشر والمنشور منها بدا من البيت الرابع والثلاثين اللي يقول((( خصيمنا مانعم في سبه بشر))) والله يحفظ الجميع

الجبل الراسي
والله الحق معك المحدار مثل ماتقول وهذي اسمها الاجابه لوراهنتني
اكلت خروفي