عالم اليوم

بسم الكريم المعتلي خـــالق الكون = الواحد اللي عمّ فضــــله ومنّه
ابدى كلام له دلاله ومضــــــمون = والمســتمع عليه تقدير فنـــــه
في منطق موزون والشعرمــوزون = خواطــر في ضــامري مستكنه
ابا اشرح اللي داخل الفكرمكنــون = دن القلم يابدر والبوك دنـــــه
فكرت بالدنيا وماكان ويكـــــــون = ومتابع التفكير بالكون ســــنـه
وفي عالم مابين صاحـي ومجــنون = وظواهر سيرالبشــر غــيرنـه
ولقيت كل انسان شـــاقي ومفتـون = يسعى لامور بالخفى يذبحــنــه
همه مع الدولار لوصار قــــارون = ودراهمه يمــوت ماريحــــــنه
ياعابد الدينار والقــرش بالــهون = دنـياك مفتاح لنــار وجـــــــنه
لاتجمع الدنيا على غـــير قــانون = كم واحد دراهـــمه يلـــعنـــنه
ولاتفتكر عمرك من الموت مامون = لحظــات عــمر الفرد مايسعفنه
اطلب حلال من الشـبهات مصيون = تبقى سعيد وراجح العقــل هنـه
والضالين اللي هدفهم يضـــلــون = افكارهم حتى الذكـــي يبحلــنـه
عبّادة الدولار حتــى يــموتــــون = اللي بلدهم كـــل مـخزي مغــنه
نوب هدفهم يحــرقون ويبيــــدون = ونوب هدفهم يـزرعـون الاجـنه
في كل موقع يــاصلونه يعــيثـون = مــراكب حتى القمــر يــاصـلنه
عاثوا فســاد وشرهم هدد الكــون = اقمارهم تنصيرهم ينشـــــــرنه
عبر الفضا للكـفروالشرك يدعون = افكار من يضعف لها يغيــــرنه
ذولا دعاة ابليس وبليس مــلعــون = اوفوا بعهد ابليس كــذبه وظنـه
مار المصيبه مسلمين يــــــرابون = تعامــل في بيعـــهم فيه لــــنـه
يامدين المليون في ربع مـــلــيون = تذكّــر اللي عــالم مـــاتــــكنـه
احسب احسابك قبل ماتموت مديون = والمال لغيرك وانت مسئول عنه
تقاسموامــالك بعد مــا يصفّــون = وجســدك ديدان الثرى يــاكــلنه
والثاني اللي يـدعي الدين ويخون = ليا لاحت الفرصــه لعب بالاعنه
في كل فرصه له تصرف وله لون = وتصرفاته للملا يكشـــــــفنـــه
ولقيت ناس للمشــــاكـــل يغنون = واقدامهم ساس المشـاكـــل وطنه
وقررت اسـمي عالم اليوم مجنون = واطماعه لكـــــل البلاء وصـلنه

صح لساااانك وبيض الله وجهك


والله يكفينا شر عبادة الرهم والدينار



أحسنت وأجدت


لك خالص التقدير

بيض الله وجهككككـ يابن راااشد

ولاهي غريبه عليك الجزاله والحبك

صح لسانكـ,, صح لسانكـ,, صح لسانكـ

تقبل مروري واجمل التحااايااا

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك مليون على القصيده
والله يـعـطـيـك الـعـافيـــــــــــة

قصيده مليه بلحكم


وصح الساك شاعر متمكن

	صح الله لسانك ولاهنت وسلم فكرك وبنانك دمت برعاية الله وحفظة

اشكركم جميعا ايها الاخوة الافاضل لكم كل التقدير والموده

ابو خالد الفريدي

صح لسانك وبيض الله وجهك

قصيدة رائعه

لا عدمنا وجودك

صح لسانك أخي الشاعر/ أبو خالد الفريدي

تسلم ويسلم بنانك ويعلو شأنك

قصيدة قيمة من شاعر قيم

دمت بخير وعافية . ،،،،،،،،

صح لسانك وسلم بنانك



قصيدة رائعه بروعة حضورك



لك تقديري