لوا خسارت جيبكم ياهل الجيب

السلام عليكم ورحمة الله وبركاته

مناسبة القصيدة / أني وجت جيب شاص يدور من إشاره إلى إشاره في كل يوم ويجد عليه شباب محلقين روسهم تشويه

وقلت هذي القصيده 0

لوا خسارت جيبكم ياهل الجيب=بضاعتن جلبت على غير سوقي
يدور بالشارع بليا مواجيب=أشهب جديدن حوض شوفه يشوقي
كنه عسف موميات العياسيب=ظامر عسيف مسلسلات العموقي
وليا شلع مع نابيات الجراهيب=صاروخ عصرن بعد الأمزان فوقي
قدام عجه نافذات المشاهيب=بينه وبينه بعد فز المروقي
وبرضه نزول مصخرات المهاريب=ولا معذوف الملح سار الفشوقي
يصنع هوى لو يركدن الهباهيب=وليا طوى للبعد عرضه يضوقي
جمر الهوى في نابيات المراقيب=يوصف على أصطبه سريع اللحوقي
يجوز للصحرى بعيد المطاليب=ليا عارضنه شامخات العروقي
أليا سنم الحمرور ذار اللواهيب=وردف عليه من السوافي أشنوقي
في خد صحرى مابها الحي ومريب=مافيه غير مكونات الطروقي
مايطلعنه ناشبات الأداعيب=اللي مع الشارع تجوز وتلوقي
ذا واجبن لمقرب البعد تقريب=أليا ضحا سرحه بعيده أشلوقي
جيبن بعيده مثل حبل المجاذيب=وليا طلع مثل أنحداره سبوقي
يطلع أقطوعن مع طريقن أليا هيب=عسرن يبي ساعات ماله دنوقي
وليا سرى مع نايمات الأشاعيب=برضن عليها من قمرها البهوقي
متقبلن ساد الخيال المكاهيب=أليا نطح لمشبرقات البروقي
في ديرتن يسرح بها عصره الذيب=ورجع ضحى بكره وسيع الشدوقي
من قل مايلقا قريب المعازيب=خليان مافيها يدوج مخلوقي
مودي اللي حيرنه نواشيب=عليه من حرن يتل السبوقي
يبي الفضا اللي فيه سوى تجاريب=واليوم عوق الساق فيه مخنوقي
المولع النشبان مثل المقاضيب=كنه قضيب الطير عند الريوقي
لا صار تحكمبه أضروفن مغاليب=وقلبه على شوفت محبه شفوقي
أليا سقنه مبعداته مشاريب=من بعد وضروفن ترد وتعوقي
من ست صيفه مامشنبه مغاريب=ولا وجهنبه يم شبل الرموقي
ذيب الغداري ليل عج ولحاطيب=الساري اللي مايسمى سروقي
يبي السفر لاشك عنده ولا ريب=يطرد هوى نفسن وقلبن يتوقي
يبي ديارن عصرها عنده أتغيب=من بعدها بقلبه تلاقا الفتوقي
مقرب بعيده عند موف المواجيب=يجلى عن المحروق ضر الحروقي
لاكن نهار اليوم كورة لواعيب=يدور الشوارع بيد كل مخفوقي
اللي على راسه نقل صورة العيب=من نص راسه للعلاب محلوقي
بلوى على مودي غريبه عواقيب=لو فيه نفسن مات موتن زهوقي
ويجوز قدم ألحي حرش العراقيب=في مهمهن من خاليات الفتوقي
هذي حلات الجيب من صح ومصيب=ماهو عليه مشوهين الخلوقي
لاهم رجال ولا بناتن رعابيب=ياسود تعشيهم ويرمال ذوقي

أخي إبن ردمان /قصيده جميله وفكره أصيله

صح لسانك وعمر جنانك..

هنا ملاحظه بسيطه أرجو أن يتسع صدرك لها..

تقول:
وليا سرى مع نايمـات الأشاعيـب ،،،،،،برضن عليها من قمرهـا البهوقـي

هنا ضعف بالتصوير ...لأنه إذا كان نور القمر بهذه الأرض كالبهاق فهو

ليس نورا ضافياً فالبهاق بالجسد يأتي كالقطع او على مساحات دون أخرى,,,

وعند قولك:
لاكن نهار اليـوم كـورة لواعيـب ،،،،،،يدور الشوارع بيـد كـل مخفوقـي

في الشطر الثاني (العجز) الياء بكلمة يدور زائده أخلت بالوزن وإن كانت أدت الى المعنى...

وفي هذا البيت :
لاهم رجـال ولا بناتـن رعابيـب،،،،،،ياسـود تعشيهـم ويرمـال ذوقـي

كسر واضح بالعجز ..

كل ذلك لايمنع تميز النص وشاعريتك



دم بعز وتقبل إجلالي

صح السانك قصيده جزله

صح السانك ابن ردمان قصيده جيده وموضعها سامي بيض الله وجهك

يجوز للصحـرى بعيـد المطاليـب=ليا عارضنـه شامخـات العروقـي

بن ردمان

قصيدة جميله

وذات معنى

سااااااااامي

صح لساااانك

اخوي الغااالي

ابن ردمان صح لسانك وبيض الله وجهك

ابدعت في هذه القصيده

ذكرتني مقناص الرمله !!

وفعلا الجيب الشاص ما يصلح إلا للبر

تحيتي وتقديري لك

صح لسانك يابن ردمان على هالقصيده الجميله0
وبانتظارجديدك00
لاتطول00

صح لسانك يابن ردمان على هالقصيده الجميله0

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

عبدالطيف العوفي ، نواف الجحدلي ، جريح الفرقاء ، عيسى العوفي ،


علي هليل الحربي ، نداء الغيداني ، رشيد راشد الغيداني ، الحب الباقي 0





صح بدن الجميع مشكورين على المرور المشرف واكلام الطيب بيض الله وجيهكم لاعدمناكم 0


أما الأخ العزيز عبدالطيف العوفي


أقول مع أحترامي لك حنا بياطير الشعر 0