قصيده في الأمير محمد بن عبد المحسن الفرم

يامير ياملجا يسير الزماني=ملجا يسيره باليال المعاسير
يامير يامدرك طلب كل عاني=نطاح قالاتن تعسر المثابير
محمد بن محسن عريب المجاني=الفرم زيزوم الرجال المشاهير
من ماكراً بالنايفات البياني=أبوه قدامه طويل الأشابير
محسن ذعار مكاضمات العناني=حرن على خصمه تضيق المعابير
شريدت الفرسان عطب اليماني=اللي بدس الطير فك المعاشير
محسن عليه الله يضف الحساني=حرم عليه النار ويضا زمهرير
شيخ الشيوخ السيف سيفن أسناني=سيفن سناني من سيوفن بواتير
من الأوايل في زمانه والأني=وهذا الصحيح ولا يبي شرح تفسير
ولو كان أبذكر فايتات الأواني=محصيه لو أتعب وراه المداوير
ون صار من بين الجموع أمتحاني=جون من الهيجا عجاج ومعاصير
مزنن تقصفبه بروقه مثاني=برقه سمر غر المزون المزابير
ليا ضاعن الحيلات عند الذهاني=غبت سماء جو أرض يغرق بها الطير
زعيمها باليوم هذا الحصاني=حرار تاقع نايفات الشناضير
حرار من تاريخ خلق الكياني=وانتم حمول الخيل يابن المساطير
وساعاتها ويامها والثواني=تشهد لكم ياناطحين الصوابير
ويامير يومنك رفيع المكاني=ومقدم سلفها والضعن والمضاهير
نبيك تاصل باذلين الحساني=الشجرة اللي سمية شجرة الخير
آل السعود مطورين الاماني=مني وعني أن أسمهم شجرة الخير
اللي لهم راس المعاند لياني=تخضع لهم روس العصاه الجبابير
إصلنا متعب عريب المجاني=تراه حرن مايجي منه تقصير
ويامير طلبنا من الجزال السماني=ومجتازها يامير في كل تقدير
أن قمت به يامير مدرك ضماني=وانتم هل المعروف معروف يامير