قابل البشري ( الجمل ) و مضحي بن جمران

قابل البشري=
سلام الله عليكم ياجماعه=عدد ماهل من وابل مطرها
نبا شاعر على سلم وبضاعه=يجيب العلم مايخطي خبرها
مضحي بن جمران=
سلام اسلام يسرع انمزاعه= ورود الود في دربه نثرها
وياصل واحد(ن) بنا شراعه=ينادي للسمينه يابشرها
قابل البشري=
بارحب عنك ترحيبة شجاعه=بعد هاجسك يالوافي قصرها
شراعك جهزه واتقن صناعه=بعد طبيت في غبة بحرها
مضحي بن جمران=
وداعه معك يالغالي وداعه=علومك هاتها لي واختصرها
علوم الصدق خير من الاشاعه=ياقابل لاتحول في حفرها
قابل البشري=
علومي نورها يسطع شعاعه=يخبر علمها منهوحضرها
قريش تون من ضربة خزاعه=ثنتها عامها وافق شهرها
مضحي بن جمران=
الا محلاك ياهرج الوقاعه=تشابه للثمينه من ادررها
ياحربي حرب مافيهم طماعه=فعولك ور عدوانك سطرها
قابل البشري=
توقّى خل عنك الاندفاعه=تراك تروح في لفة كفرها
تعشمنا وحصلنا مجاعه=وابن جمران متفيّي شيرها
مضحي بن جمران=
مناعه بأيت الكرسي مناعه=وبقعاء يستر الله من قشرها
ياقابل ويش رايك فالرفاعه=تسوج العين فالعالي نظرها
قابل البشري=
تقنع ماش أخيرمن القناعة=ومن يبغى السباع يقص أثرها
لكن الحق من سبب ضياعه=وناقة صاحبي منهوعقرها
مضحي بن جمران =
تجيب الشطر في عشرين ساعه=هجوسك ليش تبطي في سفرها
ماضاع الحق ياوافـي ذراعـه=وابشرك العصا ماحد(ن) شقرها

والله صحت السنتكم مليون

وماقصرتو

ملعبة معاني

صحت السنتكم

اخوي الغالي الشاعر الفذ ابو فياض النويمي لاهنت على هذا النقل الجزل سلمت يمينك وطال عمرك وتقبل مني جزيل شكري وصادق ودي وتقديري