محمد عبيد الربيقي و ملفي المورقي..

هذه المحاوره جرت بين الشاعرين محمد عبيد الربيقي الحربي
والشاعر ملفي المورقي

=محمد عبيد الربيقي:
أقول الله يجمل حالكم ياأهل الوفاء والصيت..=..عسى الله يسعد الحفلة ويرفع حظ صاحبها
سمعت المورقي في ظلم وده يشتري له بيت..=..و هذي ماتصير الإ تبوك تشد يم أبها
=ملفي المورقي:
عسى ربي يعز اللي يشب النار بالكبريت..=..مسك كل السلوم الطيبات و لا تجنبها
تبى توحي و أنا موحي ولا أدري عنك ويش اوحيت..=..تبى تحيي الجنازة عقب ما ركزت نصايبها
=محمد عبيد الربيقي:
يا ملفي لحّن الطاروق في صوتك ليا غنيت..=..ترى وسم المطيه فوق الآخر ما يعذربها
تقول إنك مسوي شئ مدري عنك وش سويت..=..مادامك ماتهاب من الأفاعي روح جربها
=ملفي المورقي:
لو إن الماء لحاله يا محمد ما اختلط بالزيت..=..ولكن اختلط وسط المكينه لين خربها
ترى الهرجه لها مضمون والساعه لها توقيت..=..تبى تدري عن الناتج ليا دارت عقاربها..
=محمد عبيد الربيقي:
تقوله يالعتيبي و أنت بالمشروع رحت و جيت..=..تشب النار والكبريت الأصلي من سبايبها..
ما دام إن الحقايق بالصدور مثبته تثبيت..=..ليا جاء وقتها سود الليالي ما تغيبها..
=ملفي المورقي:
تدور للحلا وأنته ما أكلت الصبر والحلتيت..=..ولا تحصل حلاوة والمرارة ما تجربها
لكن أبغاك تدعي للعتيبي كل ما صليت..=..ترى لولا العتيبي ما تسير في مناكبها
=محمد عبيد الربيقي:
تمنّى والأمور مطولة لا أقبلت ولاّ أقفيت..=..ياكثر اللي تمنى لين طعم المر شيبها
أبا أدعي للعتيبي بالصلاح ولا عليه أخطيت..=..عتيبة كل ما جيت المشاعر قلت ما أطيبها
=ملفي المورقي:
عسى ربي يبيحك يا محمد حي ولا ميت..=..ترى بعض اللحى ما قدرت لولا شواربها
أبا أجاوبك ياللي قلت من تنفع ومن ضريت..=..نعز رجال وننزل رجالن عن مناصبها
=محمد عبيد الربيقي:
أنا ماني بحاجة دعوتك سولف على ما شيت..=..لحانا طيبه و أنتم شواربكم نطيبها

وتحياتي للجميع..

أبا أدعي للعتيبـي بالصـلاح ولا عليـه أخطيـت=عتيبة كل ما جيت المشاعـر قلـت مـا أطيبهـا

الله اكبر على هالبيت
بيض الله وجهك ياولد راشد ... وفثت و كفيت
وصح لسان الشاعرين

اخي فهد لاهنت
الله الله كبير كبير كبير يامحمد الله لايهينك وصح الله لسانك ملايين
شاعر كبير وابياته فيها نقبض وفتل رائع
وصح الله السنتهم جميعا

نعم كلام له روح
والبيت ضد البيت هذا الشعر بعيد عن المهاترات
وعن الكلام الهابط ولوكان الشعر نصيب من المشجعين لكان محمد نصيب من الشهره

يعطيك العافية

تحياتي

يعطيك العافية

تحياتي

محاوره قويه ورائعه

الله يعطيك الف عافيه يالغالي

الاخوة الاعزاء...
فارس عوف
البلادي الحربي
فارس الفرسان
فهد البدراني
بن فرهود


أنا شاكر وممنون لكم على هذا المرور
الجميل و ردودكم الاجمل..

يعطــيك العافية ياأخ فهد محاورة جزله وشاعرنا ذو معنى قوي ولايهون ملفي ..

	المشاركة الأصلية كتبت بواسطة العطري

	يعطــيك العافية ياأخ فهد محاورة جزله وشاعرنا ذو معنى قوي ولايهون ملفي ..

الله يعطيك العافيه يالعطري
تحية من القلب لك..