.!.!.!.!. فــــرحـــــة العيــــــــــــــد .!.!.!.!.

بسم الله الرحمن الرحيم
.
.
بعد التحيـّه والسلام
انثر لكم جديدي المتواضع .. وكلي امل في ارتقائه الى شموخ اقلامكم وارواحكم الطاهره
ونيله ولو بعض الاستحسان والرضاء
اليكم هو كما هو في منتداي الاول برغم ان النشر لهذه القصيده هو اليوم في كلا المنتديين
لكم الحريـّه في التحليل كما شئتم وكلي رحابه بالنقد قبل الاعجاب والثناء ..!!
.
.

جتني تهادى كالمخيله مطمات ..!! = خضت جبل من جورها والتناهيد ..!!
قلت استمع لي قبل طوي المسافات ..!! = الليل موحش والطفل يعشق العيد ..!!
ثوب الفرح لو طرزته الريالات ..!! = ما كان وجهك يالثرى به تجاعيد ..!!
اشقيتني من دون سبه وغايات ..!! = وافرحتني واثر الفرح للمقاريد ..!!
واليوم ما هان اللقى بالروايات ..!! = خلني كذا مع طيشك اعيش وآعيد ..!!
حب الشرف ماله مكان ٍ واوقات ..!! = باقي وغيره لو رقى لازم ايبيد ..!!
تعال خذني بين اياديك رايات ..!! = وانا بجي لك وارسمك للحزن قيد ..!!
يا اطهر اجروح الزمن داخل الذات ..!! = خالقك ربي فوق الاسياد لي سيد ..!!
تامر وتنهى وآمر الليل لا بات ..!! = يزْعِلك وازعَل وازعِل الكل بالسيد ..!!
انا الامير اللي رعى له شويهات ..!! = وانا الفقير اللي ملك دون تحديد ..!!
وانا الاسير اللي حكم له مجرات ..!! = وانا الدرع في وجه طلق البواريد ..!!
مطنوخ ترضخ لي ملوك اولايات ..!! = اشيد واهدم بالارض وارجع اشيد ..!!
واجلس اتمتم وارهق الجن بسكات ..!! = تمت تمايم طفل بالعيد ما عيد ..!!
مالي على شلفى الزمن حيل لا جات ..!! = شقر الذوايب ارهقت صنع با لبيد ..!!
بين المدينه وبين رابغ حكايات ..!! = ساحت وهدت نجد يا شيخة الغيد ..!!
شدو ركايبهم بصوب الشرارات ..!! = وشفت الشرق يشكي من الغرب تغريد ..!!
وانا من اول افتخر بالبطولات ..!! = ولا حسبت احساب شكواة مدريد ..!!
قم يا قريني واسترق بالسماوات ..!! = الارض ضاقت عقب قطف العناقيد ..!!
وارسل سلام الود لاهل القريات ..!! = وتلذذ السكر بوسط البراريد ..!!
لو هي على ما قيل طلبه وفزعات ..!! = ما والله اصبر وآتحراك وآحيد ..!!
الفين جني داخلي للصعيبات ..!! = والفين اخرى حاميه ابيض الجيد ..!!
لكن طريقك امتلى بالعلامات ..!! = واصبحت هايم بين كسره وتشديد ..!!
يا مطوع ابريده تسمَّع لما آت ..!! = عربيدة ٍ تعشق لها اليوم عربيد ..!!
بنشدك كانك منسجم بالصلاوات ..!! = ابليس ما زارك قبيل التشاهيد ..؟!
وش فيه صوتك يرتفع بالتحيات ..؟! = وعينك على سجدات ربع ٍ اجاويد ..؟!
تبي الحقيقه .؟! كم زهمت الاجابات ..!! = مير اصبحت كالاسئله دايم اتزيد ..!!
بالمختصر ..!! خذها وبرقى الطويلات ..!! = فكره قديمه زارها طيف تجديد ..!!
احد ٍ من اغيابه لفتك المسرات ..!! = واحد ٍ من اغيابه قتل فرحة العيد ..!!

.
.
والسلامه والسعاده لكل نظره وقلب
اخوكم الصغير
خالد بن سنيد الجابري
ذيب القوم

قصيدة رائعه بروعة حضورك



لك تقديري

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

اررررررررررررحب ياحبني لك ولقصيدك يالذيب

واااااااااافي وجززززل

ولاهنت


صح الله لسااااااانك

ودعتك الله

صح لسانك وصح قلبك

باذخه وجميله


لاعدمناك ولا عدمنا هذا الحضور

قصيدة كلها عذوبه وجزاله ..

ومساحة للجزالة هنااا

صح لسانك يالذيب وسلم فكرك

دمت

صح لسانك قصيده جزله

صح لسانك على هالرائعه
لاهنت
وتقبل تحياتي

صح فكرك
تقبل اجل تحيه

صح لسانك وعلا شانك

والله يعطيك العافيه على القصيده الجزله

بيض الله وجهك

تحياتي