أبو ناب + فيصل الرياحي

الشبابي يوم صلى الركعتين الاولات و سلم=و أن ابن منصور جالس طاوي العمه و لايتكلم
قلت وشبك ياولد منصور يالعيه ماعاد تعلم=و العصى لمن عصا و أسلم ياراس العاصي
يافيصل شوف سيناء دون بحر النيل=و أبو مشعاب يضربها بمشعابه
بعد بكره ترى كل الدموع تسيل=يجي علم يبيض وجه من جابه
ماعليك من العرب خل السوالف حره=قالها اللي جرب الحلوة و جرب مره
يالشبابي شد حيلك في زمان الذره=و العصى لمن عصا و اسلم ياراس العاصي
غريبه كان طبيت البحر بالخيل=تغدابه يا أبو ناب و تعشاء به
بعد بكره على الديره يطيح السيل=و ينبت عشب متنوع و متشابه
ليتها ياليتها ياليت ماجت ضيقه=كل أبوها هينه لكن من بعض النفوس مفيقه
خيلت ثم أمطرت و الموس عند الروس للتحليقه=و العصى لمن عصا و أسلم ياراس العاصي
أبو زيد الهلالي مايحب الميل=لكن الباب الاقصى ما أنقفل بابه
أنا أشوف النعايم و الجدي و سهيل=تجي لسهيل عزوة ماهم أقرابه
ياحليل الشايب اللي كل ماغنى بزين لحونه=كل ماشاف النجوم العالية ظلى يهز متونه
معه جنيه طويل لسانها لكنها ملعونه=و العصا لمن عصا و أسلم ياراس العاصي
أثر حرب الحجاز يزودون الهيل=يزود و العرب ماعاد ترضابه
تلوى الذيب الاسحم في ذراع الفيل=و جانا العلم و أنت تقول من جابه
الرياحي له ثلاث سنين يضرب بالقلم و السبحه=كل ماروح و جانا قلت ذا الحينه تجينا الذبحه
رد صبحه فالجراب و لا أحد ينزل في منازل الصبحه=و العصا لمن عصى و اسلم ياراس العاصي
أنا شفت الخلافه جات تال الليل= و كلاً جاب له علم يتمشابه
لكنك شد حيلك ياقوي الحيل=و كب مسيلمه تراه كذابه
اعرف الدنيا و اعرف الدين و أمشي زين وأعرف دربي=وأنت فالساحل تمشى كل ماذعذع براد الغربي
مادرست الفيزياء و التكنولوجيا و الفلك يالحربي=و العصا لمن عصا و أسلم ياراس العاصي
يابعدك مانشوفك غير بالدربيل=معك مدفع تشيله فوق دبابه
عيال آدم و حواء جيل يتبع جيل=ضربنا مسيلمه و أنهارت اعصابه

صح لسان الشاعرين الكبيرين

مبروك ابوناب وفيصل الرياحي

الله يبيض وجهك على النقل الرائع

الله يـعـطـيـك الـعـافيـــــــــــة

بيض الله وجهك

ألف شكر على المحاوره

الله يـعـطـيـك الـعـافيـــــــــــة

الله يـعـطـيـك الـعـافيـــــــــــة

بيض الله وجهك

مشكووووووووور الله يعطيك العافيه