قالت غريبة؟.؟.......................................... ...قالت غريبة قلت ماني غريبه

السلام عليكم ورحمة الله وبركاته

كثير ما نسمع هذا او ذيك غريبة ومسكين او مسكينة
لاهنهم مو عايشين بين ناسهم والله حق البعض بين ناسه ولاله قابلية
ونلاقي منهو غريب على قولتهم او جنبي له كل احترام وتقدير
بل يلاقي من التقدير عند الاجناب ما لايلقيه من اهله وناسه ونرجع كل هالقابلية
والتقدير الحسن خلقة ونضوج فكره وحسن تعامله مع الاخرين
من هذا الوحي جت هذه الابيات

[قالت غريبة قلت ماني غريبه=مايغرب الأنسان ياغير الاخلاق
احدٍ اخلاقه ترفعه ماتعيبه=واحدٍ اخلاقه تنزله تحت الاعماق
كم حي غايب عن هله مادريبه=وكم حي عايش بينهم و اله الاشواق
وانا هناك وعندهم لي هيبه=مقام نفسي ارفعه فوق الافاق
ومن يحترم للناس يكسيه طيبه=واللي يعذربهم يبشر بالاعواق
واللي يدور للكلام وذهيبه=يشيلها لوكان ما حملها طاق
ومن لايدل الدرب ظهرٍ اغديبه=يظلم عليه الليل والفكر مافاق
والذيب ينذر في عواه ونحيبه=مايخذ الغرة مثل كل بواق
ولو يبعد الشاوي منازل عزيبه=في ليلة الغدرا على نزلهم واق
بالمختصر ماظن بالامر ريبه=الناس يرفع سهمهاحسن الاخلاق