( ياالامير الفيصلي كل مايل تعدله=التفت للوضع وانتا على ذلك شهيد)

/
/
/
/
/
/
/
/
/
/
/
/
/
/
/
/
/

المشاريع الجدد فالمدينه مشكله=ابعدت عنّا الحرم والحرم ماهو بعيد
وان شكينا نرتجي حلّ ذيك المعضله=جالنا عذرٍ دسم نقتنع لو مانريد
ياالامير الفيصلي كل مايل تعدله=التفت للوضع وانتا على ذلك شهيد
انت حاكم موتمنّ لك مقام ومنزله=تتصفّ بالحلم ياصرم بالرّاي السّديد
المهمّه مبطيه والبشر مستعجله=فطرت الله فالبشر والتّمنّي مايفيد
كل مسؤل انحرف وآجباته مهمله=ورّنا فعلك معه ضربه بيدٍّ حديد
كثر في بعض الطّرق وضع مانتقبّله=الحواجز والحفر والزّحام ابها شديد
زايد بذلك عنا زادنا فالبهذله=فالاشارات السّرا طوّق الماشي بقيد
وضاق ضرعاً بالبشر جوّ ماتستحمله=والاشاره خضرها عن دقيقه مايزيد
والطّريق الدّايري صار مانستسهله=بعد ماقلنا صلح يحفرونه من جديد
في بكور اهل المدارس بواقع يشمله=زحمةٍ تشبه زحام البشر في صبح عيد
حيث ساعة يخرجو مثل نحل بمنحله=والبواري صوتها سبّب ازعاج وصريد
ورجل له فيها طلب ينذرونه بعمله=سبّة التاخير تحصل زراوه بالوعيد
هذا واقع ينقله شاعرٍ ويحلّله=واوجز التّعبير بالوصف بحروف القصيد
ياالامير الفيصلي جيب حلّ المسأله=فيك مايخيب الرّجا وانت في حفظ الحميد

الشّاعر / خالد بن عبيد بن معتوق ألأحمدي

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح السانك ياصقر المراقيب ابدعت وامتعت قصيده جزله
لحن ومعنى ياليت تنزّلها شيله دمت بخير وسعاده

صح السانك ياصقر المراقيب ابدعت وامتعت قصيده جزله

المشاريع ياخالد ماتنتهي اليوم يزفلت الشارع وبعد شهر لتجده متحفر وكله مطبات
صح لسانك

صح الله لسانك
ولاهنت
وسلم فكرك وبنانك
دمت برعاية الله وحفظة

الحب الباقي
صح بدنك
ومشكور على مرورك المشرّف

الحب الباقي
صح بدنك
ومشكور على مرورك المشرّف