الزير سالم وابوفياض النويمي

الزسر سالم=
يا سلامي سلام بنكهة الزنجبيل=ردتن تبهج العربان من طيبها
ما نبا غير شاعر بالمعاني جزيل=وإن ورد ما يغثرب في مشاريبها
ابوفياض النويمي=
مرحبا ياهلابك عد برق(ن) وسيل=في حلال(ن) عاليات(ن) مراقيبها
ياجمل هات علمك وانتبه للفتيل=وان تعديت حدك ياكلك ذيبها
الزير سالم=
البقا يا اشهب الذرعان مثلك قليل=تطرد سباع ما تخشى مخاليبها
مدري انته زبنت سليم والا هذيل=يوم لابتك حرب يصدك اشعيبها
ابوفياض النويمي=
انزل السوق وابشر بالسعد يالعميل=مانهاب السباع ارماحنا اتصيبها
مازبنت العرب يامسحبين الشليل=بندقك ياولد زمت مضاريبها
الزير سالم=
صرت في تالي الايام (طوني ميشيل)=ريًس الحزب والثوره واصاحيبها
باني عماره ابلا ساس وسط المسيل=ساسها هش لا تتعب في تشطيبها
ابوفياض النويمي=
بيتنا عامرينه بالوفا ياحليل=وانته اسلوبك امطابق لاساليبها
منته غازي ديار ولانت جايب حصيل=ديرتك يالمهلهل عاوي(ن) ذيبها
الزير سالم=
هيه لا تحسب التقليد مثل الأصيل=دسم الشارب لا مدت عراقيبها
لا نويت الغزو ما جيت دار الهزيل= كان هذي دلالك بس ماليبها
ابوفياض النويمي=
عارفين العريب وعارفين الدخيل=وانت تنظق علوم(ن) منت داريبها
جيت في ديرت اللي ينقلون الصقيل=شبت النار وونس من مشاهيبها
الزير سالم=
مزهبك يا ولد ما غير تمر وصميل=والحقيقة تغص الحلق وأدريبها
للخفيف الخفيف وللثقيل الثقيل=كل قوم (ن) ترى نعرف مواجيبها
ابوفياض النويمي=
جاتكم مسفره امحمله من شعيل=روح الزم رحاها قبل تطريبها
انت وشبك تجي للضلع ثم(ن) تميل=انتبه للذيابه حرب تسريبها