ديوان الشاعر مشعل سالم النويمي

كل عام يللي تهنينا =تحيا ويجعل لكم مطياب
سنين تهنا بها تزينا =اغلا التهاني لكم بكتاب

يللي فطريق الظلام مقيم = اّكل ظلمت اللذي حولك
بكرة امامك سين وجيم =ونت الثقل زاد فحمولك

ياحالي يللي بهم شاقي = بُعد المسافات متعبنا
ياهل من بعدها انلاقي = طلة من القرب تشبعنا

يالله ياواحد ياموجود = تنصر وطنا على الارهاب
ظالين وعقلهم مفقود =ونهجهم من مشا به خاب
ذا ظن في نحرهم مردود = من كان مع الله ماينصاب
حكامنا بيت اّل سعود = بالحق ماردوا قد طلاب
من تاب يبغى لوطنه يعود=ويترك الفكر ذا الخراب
الأمن بالوطن موجود = ويبقى وطنا بلد ترحاب
وختام صلوا على المقصود = خير من وطت رجله تراب

كفاية يازمن تجريح = مقتول ذا قلبنا ودامي
حاولت قد ايش استريح = سهام جدت من الرامي

جدة فموعد مع الآخطار =كل ممطرت جدت مصيبة
يالله ترحم ضحايا امطار =والحل ياربنا تجيبه

عهد الوفا راحت ايامه =ايام أهل الوفا موجود
ياكم فقدنا من اعلامه = وللي بقي فوقتنا محدود

ذي قصتي مثلها نادر =الحبر دمي كتبته حروف
المر من يمهم صادر = وانا اللذي قدم المعروف
ياكم جرحنى واناصابر = حتى صبح دمنا منزوف
يالله قدرتك ياقادر =الطف بحالن غدى متلوف

هيا استمع حالة المغبون = من حر مايشوف ويناظر
البعض فالمركبه يجرون = افضيق الشوارع ويخاطر
ماهمهم بالطرق يمشون =عجوز وشايب مع القاصر
طاير وبسرعته مفتون = فحساب انه ولد شاطر
ياليت بالآخرة يدرون = ان اللذي يعمله خاسر

دربي وفا ومكسبي أحباب = ارجال بالقدر معروفه .
مهما اتباعد بنا الاسباب = معذور وكُلا لُه ظرُوفه