صوت : عبدالرحمن السامود / صدى : حمدي العوفي

لحب التواصل معكم
أضع بين أيديكم هذه القصيده وردي عليها والتي وجهها
ألي الشاعر الرائع / عبدالرحمن السامود المخلفي
أتمنى أن تنال على رضاااكم وتحضى بأعجابكم

من هجوسً ما تجيب إلا الجزيل=يا سلام الله على راع الشداد
الزميل اللي ولا مثله زميل=صامل الميقاف لا حان العناد
شاعراً موهوب له باعً طويل=من سمع قافه ترى بسمه أشاد
ما يقارن غير بالوزن الثقيل=من شواعير العرب علمً وكاد
هاجسه ماله ترى يم الهزيل =ما يجيب ألا الجزيلات الجداد
هي حصيل اللي يدور له حصيل =تحمل الحكمه وتسعى لرشاد
من سلالة عوف لا شب الفتيل=كل فارس قام في ظهر الجواد
تردع العدوان في حد الصقيل=في نهاراً كان وإلا بالهجاد
قاصداً حمدي ترى راع الجميل=الوفا والطيب دايم له مراد
الكلام الذرب له دايم عميل=وهبةً من عند خلاق العباد
ما مدحته مقصدي قالً وقيل=مادحه فعله ولا فيه انتقاد

وكان هذا ردي المتواضع

من هجوس"ن" عادته رد الجميل= مرحبا باللي مواقيفه سداد
مرحبا والمدح في حقه قليل=يكسب الطالات من عاده وعاد
صاحبي لو قلت فيه المستحيل=زايدن بالفعل والتقدير زاد
قلتها والصدق ملقى له بديل=ميزته بالطيب والدرب السناد
وميزته بالقاف لاجاله صهيل =مايرد السيف في وسط الغماد
شاعرن بالشعر وقفاته تهيل=تاجده في سلم والا في جهاد
شرد القيفان لو راحت جفيل=لزهمها جات يمه بنقياد
عادة السامود مايمكن يميل=والعلوم الصدق ماعنها حياد
ربعه مخلف هل المجد الاصيل=وهل الوقفات في يوم الطراد
عزوتن بالكون مافيهم ذليل=لثنو من دون مقرعة التواد
والنهايه كل ماقلته قليل=في حقوق اللي ملقبني استاد

تقديري لكم ،،،