مشاركتي الأولى

الله الله ياسلام

خوي العز والله انك شاعر

ولايهون سمو الشوق


صحت السنتكم جمييع

سرى ياشعار سرى ياسلام ياسلام

استلم يا سمو الشوق

أنا أقول انشدوا يا صاحبي برقا وحتى روق = تجيك علوم عنا مشرفة واذهن تخفّيها
أنا مع حضرتك ما ودي أكشف خافي الصندوق = لجل عين الرفيق اللي تغطّى غير أغطّيها

ما تقدر تعمله وانته على راسك رعد وبروق = حليل الرامي اللي بندقه يعرف مراميها
أظنك تحسبن الملعبة كورة برجل صفوق = تراها نار حمرا وانتبه لا تنرمي فيها

أنا من حمد ربي ما فتشت بجيبك المشقوق = أنا جيبي نظيف وتارك الناس ومخابيها
ألا يا صقر خلك صقر لا تلفلف كما الغرنوق = فعل يمناي مكفيني عن الناس وبلاويها

سرا وصحت السنتكم


تحياتي

خوي العز

وسمو الشوق

صحت السنتكم يالمبدعين

وبيض الله وجيهكم

هلا وبك وحياك خوي العز

وستلم لاهنت

كثيــر العــز يدعــونـه ولا نالوا أثــر مرمــوق = علومك من جبال الثلج هجير الشمس يعرّيها
ياشين الذيب لامنه شطح عن مسلك المنطوق = ترى ســد الرجــال بحــور حـذاري لاتهــقويها

هات واستلم ياخوي العز

أنا ماودي اعمل حفل وابين سدك المدروق = ترى جرح الرفيق اهون ولو تدمي يداويها
اظنك لو لقيت السر تغني به طرب وطـروق = ولكن النجـوم اقرب ترى ( ناسا ) توديــها

.

اشـوفـــك لابغيت ترد تفتش جــيـبك الملبــوق = واقول فلان وش عنده يدينه وين يدليها
أثرك تفتش الأوراق وتقرا شعري المسروق = هذاك كتاب ضيعته ثلاث سنين محصيها