تمشي وتفتل في شنبها

مليون هلا وغلا يابو عبدالعزيز ويامطول الغيبات جبت الغتايم وسرنا واسعدنا هذا التواجد لشخصك العزيز وحياك الله وابقاك ومليار مرحبا بشخصك الغالي والحمد لله على السلامه
صح الله لسانك على هالطاروق الراقي وصح الله لسان زميلك حفيد الحجيري وجزاله وابداع من الطرفين بيض الله وجيهكم واصلو ومنكم الابداع والجزاله ومنا المتابعه لاهنتم

	المشاركة الأصلية كتبت بواسطة مضحي بن جمران

	مليون هلا وغلا يابو عبدالعزيز ويامطول الغيبات جبت الغتايم وسرنا واسعدنا هذا التواجد لشخصك العزيز وحياك الله وابقاك ومليار مرحبا بشخصك الغالي والحمد لله على السلامه صح الله لسانك على هالطاروق الراقي وصح الله لسان زميلك حفيد الحجيري وجزاله وابداع من الطرفين بيض الله وجيهكم واصلو ومنكم الابداع والجزاله ومنا المتابعه لاهنتم

مستشارنا ابن جمران
الله يبقيك ويحيك مدد بلا عدد
والمهلي ما يولي يالغالي
صح بدنك وبيض الله وجهك والجزاله انت راعيها
والله انك تتعب من يكتب بعدك من طيب كلامك وتراحيبك
وهذا والله من طيب اصلك وحسن اخلاقك
ولاتهون ولا يهونون الطيبين

الشاعر/ ورقان

سلام تسليمة وفا مني لها لحيه وشـارب=وسط صف الملعبة تمشي وتفتل في شنبها
من بنات الفكر صافي جوها عن كل ذارب =بين طيات الكتب علم البلاغه من كتبها

الشاعر/ حفيد الحجيري

مرحبا ترحيبةً ما كِنّها الا سـد مـارب=وسط صف الملعبه لا من بدت محدن غلبها
مثل موج البحر في مده يغربل كل قارب=والرجال أهل العقول الله من الحكمه وهبها

الشاعر/ ورقان

البقا بأهل اللوازم من بعيدين واقـارب=يوم راع الطيبة دايم يحضر في طلبهـا
والمعادن والعقول تصيغها كثر التجارب=ماعرفنا نحاسها لولا التجارب من ذهبها

الشاعر/ حفيد الحجيري

فاللوازم ما قصرنا جهد ونضدّ المحارب=يوم راع الطيب شب النار ما نطفي لهبها
المعادن كُثر والعربان مستعرب وعارب=والرجال بفعلها لو كان مغنيها نسبهـا

الشاعر/ ورقان

سلام تسليمة وفا مني لها لحيه وشـارب=وسط صف الملعبة تمشي وتفتل في شنبها
من بنات الفكر صافي جوها عن كل ذارب =بين طيات الكتب علم البلاغه من كُتبها

الشاعر/ حفيد الحجيري

مرحبا ترحيبةً ما كِنّها الا سـد مـارب=وسط صف الملعبه لا من بدت محدن غلبها
مثل موج البحر في مده يغربل كل قارب=والرجال أهل العقول الله من الحكمه وهبها

الشاعر/ ورقان

البقا بأهل اللوازم من بعيدين واقـارب=يوم راع الطيبة دايم يحضر في طلبهـا
والمعادن والعقول تصيغها كثر التجارب=ماعرفنا نحاسها لولا التجارب من ذهبها

الشاعر/ حفيد الحجيري

فاللوازم ما قصرنا جهد ونضدّ المحارب=يوم راع الطيب شب النار ما نطفي لهبها
المعادن كُثر والعربان مستعرب وعارب=والرجال بفعلها لو كان مغنيها نسبهـا

الشاعر/ورقان

مانته مقصر ياحفيد اللي بعيدين المآرب=مير نارك من زنادك شبها واوقد حطبهـا
وش نبا في شبل شيخ يدللونه فالمضارب=كان ما ياصل مواصيل القديمين وشببها

	المشاركة الأصلية كتبت بواسطة ورقان

	الشاعر/ ورقان سلام تسليمة وفا مني لها لحيه وشـارب=وسط صف الملعبة تمشي وتفتل في شنبها من بنات الفكر صافي جوها عن كل ذارب =بين طيات الكتب علم البلاغه من كُتبها الشاعر/ حفيد الحجيري مرحبا ترحيبةً ما كِنّها الا سـد مـارب=وسط صف الملعبه لا من بدت محدن غلبها مثل موج البحر في مده يغربل كل قارب=والرجال أهل العقول الله من الحكمه وهبها الشاعر/ ورقان البقا بأهل اللوازم من بعيدين واقـارب=يوم راع الطيبة دايم يحضر في طلبهـا والمعادن والعقول تصيغها كثر التجارب=ماعرفنا نحاسها لولا التجارب من ذهبها الشاعر/ حفيد الحجيري فاللوازم ما قصرنا جهد ونضدّ المحارب=يوم راع الطيب شب النار ما نطفي لهبها المعادن كُثر والعربان مستعرب وعارب=والرجال بفعلها لو كان مغنيها نسبهـا الشاعر/ورقان مانته مقصر ياحفيد اللي بعيدين المآرب=مير نارك من زنادك شبها واوقد حطبهـا وش نبا في شبل شيخ يدللونه فالمضارب=كان ما ياصل مواصيل القديمين وشببها

فعلنا ما يعلمونه غير عكفان الشوارب = نارنا يشهب سناها ويل للي يقتربها
من مرار الوقت من يشرب من الحلوات شارب = فالنوايف يوم بعض الناس ساكن في شعبها

صحت السنتكم شاعرين جزلين لايختلف عليكم اثنين

	المشاركة الأصلية كتبت بواسطة بدر بن شطيط الحربي

	صحت السنتكم شاعرين جزلين لايختلف عليكم اثنين

صح بدنك يابدر ولا عليك زود
شاكر مرورك ومشاركتك

مانته مقصر ياحفيد اللي بعيدين المآرب= مير نارك من زنادك شبها واوقد حطبها
وش نبا في شبل شيخ يدللونه فالمضارب= كان ما ياصل مواصيل القديمين وشببها

فعلكم من يجحدونه يا عطيبين الظوارب= مار المواقف مالها ياصاحبي الا عربها
اللي معاي ولا يقربلي اهواه ولا يضارب = اليا جلس بين الجلوس المشكلة يبعث سببها

	المشاركة الأصلية كتبت بواسطة ورقان

	فعلكم من يجحدونه يا عطيبين الظوارب= مار المواقف مالها ياصاحبي الا عربها اللي معاي ولا يقربلي اهواه ولا يضارب = اليا جلس بين الجلوس المشكلة يبعث سببها

فالختام ونعم فيكم يا عذيين المشارب = والمواقف لأهلها و أهل العنب حامض عنبها
من دخل في سوق الأسهم كان ما يعرف يضارب = من خساره في خساره واشقا اللي ما حسبها

كل الشكر يا ورقان ،، شاعر جميل جدا ولك مني كل الاحترام
بيض الله وجهك
يعلم الله اني تشرفت باللعب معك يابن العم ،، الله يعطيك العافيه