قصيده من الاعماق

	المشاركة الأصلية كتبت بواسطة ابوخالد الفريدي

	الله مـــن قــلب به الهــم يزداد = وفي كل يوم يشيــــل هم زياده مشاكل تظهرلها جذور وابعـــاد = عن حملها يعـجز قـوي الاراده هم يغـــيب وهــم للقـــلب ورّاد = متقافيه لين اصبحت شبه عاده عالجتها في كل مقنع وطـــــّراد = واخذت من ماض الليالي شهاده واخذت من راي اهل العرف مافاد= وراي العوارف فيه لي استفاده فكرت بالدنيا وهـّزات الانكـــاد = ولقيت كل فيه هم ونـــكــــاده كم غربلت قبلي كريمين الاجـواد = وياما شكا منها عزيز السيـاده ومن ساد باد وكل تأثيرهابـــــاد = والحي يمشي في طريق الاباده وين الرجال اللي بنوا ساس الامجاد=وين الملوك الناعمين بســـعـاده وين السموّل ويـن شـدّاد بن عــاد = وين الرجال اهل الصلف والجلاده عالم فنت متعدده مالها اعــــداد = وهذا نظام المعتلـي فـي عبــاده اجداد لجداد فنت قبلها اجــــداد = والكل يفنى مــاتحقق مـــــراده ومن عاش في دنيا تنادي بعـواد = يموت ونفسه راغبه بالزيــــاده وكل حياته كلها هم واجهـــــاد = ويفنى قبل ماينتهي من جهــــاده كل يريد ويفعـل اللــه مـــاراد = القايد الاول حكيــــم القــــيـاده ياجامعين المال من كـل مــــدّاد = من مدخل غطى بيــاضه ســواده الممر كلّـه فيه الايام شـــــّراد = والمال كثره مــايغطي نكـــــاده والحر تكــفيه الغنيمه ليا صاد = والبوم ما حصل على الارض صاده ومن جاد ساد وصاحب الخير ينعاد=ومن ذاق طعم المـــــّر ماعادعاده الله يجود ومدة الله لمـن جــاد = يلقى بها المـحتاج حسـن الوفـــاده والاالبخيل يزيد مــاله ولازاد = وان مات يرمى مثل رمي الرمــاده والارض مليـانه نمايم وحسّـاد = والبعض فيهم مع حسدهـم قـــراده واهل الحسد واهل النميمه والاحقاد=حرب على أهل الطيب ما به هواده من صابته غيره مع الخبث ينـــقاد = وباالسّّر والخفيـه تعلـى جـــــواده والخبث يظهر له معينين واولاد = وجذور وخيوط وخفي عنــــــاده والشرله عدة مــكامـن وروّاد = ويمشي مع الجهّال واهـــل الـبلاده ولياتمكن جاله اولاد واحفــاد = ولابد من لـجــمه وشـــدّة قــــياده والزود لوانه من اطايب الزاد = ليا دخــل جــسم بـه الشـــّر زاده والخير له ناقل وللعلـم نشّــاد = والصبر لحظــات المكــاره عباده وابن البلد مايرتضي غيره بلاد = يصبر على حرّه ويرضى بـــراده وللشّر حصّـاد وللخير حصّاد = وكل يبي يجني حصيلة حصــــاده وان جاء نهار فيه عاصي وشدّاد=يضيع بالهيجا خطــات البيـــــاده والكذب ضعف وراعي الكذب ماساد= نقص على الراوي ونقص اسـناده حبل قصير ومن تزين به اعماد = يضيع في ليل طويل هـجـــــــاده ياهل العقول المجد ينسب للامجاد= وكم فارس طيب عثر به جــواده والجود ما يحسب بدلــه وبـرّاد = الجـود له مقياس والطيب عـــاده ولاللعزيز بديرة الــذل مقعــاد = والرجل يقضي حاجته من ازنـاده والخبث يبغى صدّ وبعادوخمـاد = قدام يســري ويتكــاثــرفســــاده عليان يشعر بالمغثّه من اقـــراد = والنّمل سرّا عنتره من بــــــلاده والنّامس اضعف جند قاتل وجلاّد = وليا ابتلى الانسان سبب هجـــاده ولاللمشاكل والمسرات ميعـــاد = ولايامن الاحـزان بيت السعـــاده هذه الـدنيا مســاداة وعنـــــاد = ونظامها للخلق حتى نفــــــــــاده وهذ ماعندي والمعاني لها ابعاد = والعذر عن قـول الخطــاوالاعـاده وصلوا على من قاد الامه للارشاد=اعداد ما خط القلم في مـــــــداده

اخي القديرالشاعرابوخالدالفريدي

صح السانك واعتلا شانك وبيض الله وجهك

تسلم ياالذيب على هذي الجزله والرائعه بروعة حضورك

عساك سالم وغانم ياالغالي والله يعطيك الصحه والعافيه

تقبل تحياتي وتقديري

ياوليف الشوق
لك تحياتي وتقديري حضورك مميز وتاييدك شرف اشكرك شكرا جزيلا يالطيب

	المشاركة الأصلية كتبت بواسطة وليف الشوق

	اخي القديرالشاعرابوخالدالفريدي صح السانك واعتلا شانك وبيض الله وجهك تسلم ياالذيب على هذي الجزله والرائعه بروعة حضورك عساك سالم وغانم ياالغالي والله يعطيك الصحه والعافيه تقبل تحياتي وتقديري

ــــــــــــــــــــــــــــــــــــــــــــــــــ ـــــــــــــــــــــــــــــ
شكرا خاص لوليف الشوق
لمواقفه المميزه

صح لسانك يابو خالد على هذه الؤلؤه الجميله التي لن تنسى ابدا ستضل ياعلي علم من اعلام الشعر

شكرا على مرورك وتشريفك يابوهليل الله لايهينك

من جميل ما قرأت


لله درك يا بو خالد



قصيده وافيه جزله من رجل جزل




تقبل مروري ودمت بخير

صح لسانك يابو خالد...قصيدة فيها حكمة وتحمل صور رائعة فعلا قصيدة من قلب..

وافي وافي

صح لسانك يا ابو خالد و بيض الله وجهك على هالقصيدة الوافية

اشكر الجميع على الاطراء والتاييد الذي هو شرف لي ووسام على صدري

صح لسانك يابوخالد وبيض الله وجهك