بعد الغياب .. { يادكتوووور }

	المشاركة الأصلية كتبت بواسطة سعد المحمدي

	الشاعر فهد السليمي من طول الغيبات جاب الغنايم وانت يابن العم جبت قصيده تغفر لك جميع غيابك الماضي عن الملتقى الله يبيض وجهك على القصيده الراااااااااائعه بروعة شاعرها تحياتي وتقديري

الشاعر القدير:سعد المحمدي

مرورك شرف وتعليقك وسام شرف على صدري

اشكرك على المرور المشرف

لاعدمتك ياولد العم

	المشاركة الأصلية كتبت بواسطة فهد سعد السليمي

	بسم الله الرحمن الرحيم الأعزاء في ملتقى حرب ...!! تتكابل علي الظروف وتجبرني على الغيآآب عن ملتقانا الغالي. . . لذلك هذا هو العذر وعليكم الصفح عن سنة أو اكثر من الغياب / / / {أتيت } بمشاركة للتواصل مع قلوبكم النقية [[ تقبلوها كما هي ]] الصدر يادكتور ضايق وأنا ضقت=والعلم والله مايسرك سماعه لكن مدام أني لهمي تطرقت=أبا اكشف المستور وأنزع قناعه أنا عشقت الدره اللي لها أنسقت=سوق السحاب اللي سريع أندفاعه أهديتها روحي وفيها تعلقت=وحفظتها بالقلب حفظ الوداعه عشق (ن) على وضح النقاء ماتدرقت=على الشرف والعيب لاوي ذراعه سعيت لكن بالسعد ماتوفقت=وهلكت لو ما أملك ثبات وقناعه ياحلمي اللي بالفرح ماتحققت=وياصبحي اللي ماتبين شعاعه تقولي في عمق قلبك تعمقت=واقول لن القلب مابه مناعه لي عام من غيبوبـة الضيق مافقت=صدر الشمالي ضاق رغم اتساعه شرحت يادكتور وضعي وغلقت=وجيتك بقلب(ن) لايع الشوق لاعه عطني علاج الضيقة اللي لها وقت=طالت وأنا مالي عليها أستطاعه أحسها بالصدر لاضقت وأشتقت=على مدار أربع وعشرين ساعه أكشف على قلبي تراني تضايقت=وحدد مكان المشكلة بالأشاعه وليا لقيت الجرح فيه وتحققت=حاول بقدر المستطاع أنتزاعه وإن شفتها صعبه وفيها توهقت=العشق مالك في مجاله براعه خيط الجروح اللي عليها توايقت=واحذر من لسان اللهب واندلاعه 20/7/1431 هـ

ياهلا ومرحبا يافهد

يالله أنك تحييه نور المنتدى بقدومك

وهالقصيده تشفع لك عن الغياب

قصيده جزله من شاعر جزل ومعهود بالجزاله

وأعجابي فيما تطرح قديم وجيت هنا لكي أجدد هذا الأعجاب بعد الغياب الطويل

دمت بخير

	المشاركة الأصلية كتبت بواسطة السهم الحربي

	ياهلا ومرحبا يافهد يالله أنك تحييه نور المنتدى بقدومك وهالقصيده تشفع لك عن الغياب قصيده جزله من شاعر جزل ومعهود بالجزاله وأعجابي فيما تطرح قديم وجيت هنا لكي أجدد هذا الأعجاب بعد الغياب الطويل دمت بخير

الغالي:السهم الحربي

الله يبارك فيك واشكرك جزيل الشكر على هذا الاطراء الغير مستغرب منك

قصيدتي لاتكون ذات جمال يذكر سوى بمرورك ومرور من هم بقامتك

صح بدنك

اكرر شكري لك

لاعدمتك

صح لسانك يافهد وبيض الله وجهك

	المشاركة الأصلية كتبت بواسطة اسماعيل

	صح لسانك يافهد وبيض الله وجهك

أسماعيل


صح بدنك يالغالي ووجهك ابيض

اشكرك على مرورك المشرف

لاعدمتك

الاخ فهـــــــــد

اولا بيض الله وجهك على القصيده الجزله

وعودا حميده وعسى الضروف الا زوال

لاهنت تقبل مروري

انا عشقت الدره اللي لها انسقت
صح لسانك وسلمت وحياك الله في محلك ومحل ربعك

الغالي

خالد بن مبيريك


صح بدنك واشكرك على المرور المشرف

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك ودام ابداعك

والله يـعـطـيـكم الـعـافيـــــــــــة

بيض الله وجيهكم