بلشت بالي بالبلد لابس لنا عشرين ثوب = ثوبٍ نعرفه فيه وناديه باسمه بالبلد
واليا لبس غيره يجينا ياعرب من كل صوب = لا قلت يفلان الفلاني قال مخطي ياسعد
اليا صدق بالثوب الاول لالبس غيره كذوب = مايدري ان عارفين الضبع ونعرف الفهد
الشمس تطلع والجليد اللي على القمه يذوب = ترى الحقايق لوحجبها عيد مايرضى حمد
ياناس يابدو وحضر لاترجع الدعوى سحوب = ياشين من بعد البني يافاهم القصد الهدد
ماتنجحد حاجه عليها اشهود من بيض القلوب = كل العرب فيها مثل عينين في راس وجسد
والي يبي ينصب بها سميته الرجل النصوب = عطيت كرت انذار واللي يزرع الزرع ايحصد
ماني ضعيف اعزوم لاهبت على راسي هبوب = ارد على عد الروى يوم المراوي ماورد
يامصلح البراك لاصارت لدعوانا جنوب = تعال نبغى نذر بعض عيون نايشها رمد
اما كذا والا كذا والله يغفر لذنوب = البيت يابو زيد مايبنا بلا طنب وعمد
عطيتك العلم الصحيح اللي على الشارب يذوب = السبت بعده ياوسيع العرف ياتيك الاحد
انا ادري انك لاوقفة اماقفي عني تنوب = راعي مواقف ياولد براك يانعم الولد
تم الكلام وسر دعوانا عن البعض محجوب = سر المطيه بين امان وخوف ياشبل الاسد
05-04-10, 03:38 PM
قصيده موجهه لشاعر مصلح براك المحمدي
العرض الشجري