( اقدم اعتذاري ... للشاعر القدير/غــازي الزغيبي )

/
/
/
/
/
/
/
/
/
/
/
/
/
/
/
/
/
بسم الله الرحمن الرحيم
اخواني الكرام
كنت قد كتبت قبل ايام قصده
بعنوان ( شباب الامه مامشى نهج حسان=ليتك تشوف الحال يابن الغفاري )
ووجهتها إلى الشاعر العملاق / غازي الزغيبي
والحقيقه والشاهد الله انني لم اقصد منها الإساءه اليه فهذا ليس من من طبعي في الشعر ولا في غيره
ولكن الاخوان ( حميدان العوفي ....... و ..... بعيد الشوح ...... وسعد رجاء الحصني )
فضلوا حذف القصيده خشيه ان يفهم منها ألإساءه لشخص ابو طلال
ويفرح بها اعداؤه وضعاف النفوس.
وها أنا اقدم هذه القصيده على نفس القافيه
واقدم اعتذار امام الجميع للشاعر العملاق / غازي الزغيبي
واقوله انت محشوم وقدرك عالي
واعتذر منكم
ان لم تحز على رضاكم أو إذا وجد تقصير لاني كتبتها في وقت ضيق قبل قليل وعلى عجل
لاهمية الموضوع

عجّل على ضهر الفرس ياحميدان=اللي بعدوتها تفوق السفاري
وقل لزغيبي خالد عبيد غلطان=وليت الزغيبي مايرد اعتذاري
والعذر من شيمة كريمين الايمان=علمه قريته في صحيح البخاري
قصيدتي مااقصد بها فيه حقران=الشاعر اللي له مع الطيب طاري
غالي على حرب الابيه وله شان=من دونها واقف بوقت الطواري
وابشر حذفناها بعد قال ذيبان=بعيد شوح بحكمة العقل ضاري
وانا معه دامه تقدم ببرهان=قصده من اشرور العواقب يداري
كانت مخاوف يحرف العلم لابان=اللي على درب الرديين ساري
وختم القصيده بيت خلّوه عنوان=ولاضن يزعل منه ناقد وقاري
خالد بشعره ماشي ٍ نهج حسان=واللغزو فهمه من دروس الغفاري

الشاعر / خالد بن عبيد بن معتوق ألأحمدي