ديوان الشاعر سعد بن رجاء الحصني الحربي

من دار دخنه انهني قايد المسلمين = في يوم له عندنا قيمه وغز وقدر
نفخر ابيوم الوطن بقيادت الغامنين = ال السعود اهل الوفقات سر وجهر
حّكامنا ياعساكم دايمن سالمين = ياللي حكمتم ابدينن جابه افضل بشر
حكم به اللي عساه ابزمرت الصالحين = عبدالعزيز الامام ولسعودي فخر
وحد انا دولة التوحيد يالعارفين = ونهى زمان الفتن ونهى زمان القشر
وخلى القبايل كما الاخوان متوالفين = معاد يوجد تعصب بين بدو وحضر
ومشو اعياله على ممشاه مذهب ودين = ياطيبها شجرتن منها جنينا الثمر
واليوم في حكم عبدالله كريم اليمين = يتاج راس السعودي ياولي الامر
في عهد ابو متعب الضرغام مابه مدين = ولابه امواطب بلا راتب ولابه فقر
حتى العجايز لهن رصيد يالسامعين = من فضل هاذا الملك يمال طول العمر
وسلطان درع الوطن وكعام للمعتدين = ولي عهد الملك ويشّد فيه الظهر
ابو الليتاما وكاسب فرحت المعسرين = كم من يتيمن اومعسرنال فيه الاجر
ونايف مساعيه تعّرف ونتم الشاهدين = افعال نايف ابليا شك ماتنحصر
مافيه مثل امننا لو درت بالعالمين = بجهود نايف بعد ربي ونال الشكر
من شان شعبه مايعرف لذة النايمين = يسهر على شان شعبه ماشكا من سهر
وختامها ياعساه ابزمرة الصالحين = عبد العزيز الامام ولسعودي فخر

ياخشير القلب لاتطر الفراق = لاتقوله ونت منته منتويه
والله ان الجفن من قولك مذاق = الرّقاد اللي عيونك تهتنيه
ساهرن لليلي على قدم وساق = وطلب الله يحفظه من حاسديه
خايفن عليه من راع النفاق = المنافق ماملك قلبن نزيه
منوته يازين تفكيك الوثاق = بينا لاكن قل بدري عليه
انت لي تشتاق ونا بشتياق = ودي ابشوفك وقربك مشتهيه
ياعسى عمري قبل عمرك يساق = لجل ماتبكي عيوني من تبيه
وياخشير القلب لاتطر الفراق = عارفك من جد منته منتويه

تدرون ويش افظل خبر مر بالكون = عودة ملكنا للوطن بالسلامه
اقولها والشعب معيه يقولون = يامرحبابك يازعيم الزعامه
يامرحبا بليون يضرب ابليون = يقايدن ياجب علينا احترامه
من حبهم لك خلف موكبك يمشون = امن المطار الى قصور اليمامه
مشين على الاقدام ونتم تشوفون = وتبادل الشعب الوفي ببتسامه
ومن حقهم قدمك بالاحدب يعرضون = ولاحدن ابملحقهم ابحبك ملامه
فرحه ابعافيتك ولله يثنون = والشكر للمعبود منش غمامه
لنّك لهم ياسيدي درع مضمون = درع يعرفونه رفيعن مقامه
ويالله يامنجي من الحوت ذالنون = يعالمن متى تقوم القيامه
يامن اليا منّه ومر كاين ايكون = انك اتشافي سيدي من سقامه
امين ودري عامة الناس يدعون = لك بالسلامه يازعيم الزعامه

ياللي اتعاتبني ابقلّت قصيدي = اعتابك اعتبره وسام اتمناه
من شان اوضح وستمع ياعضيدي = شعرن بلا معنى يسمى املالاه
ويكثر مانقرا قصيدن جديدي = الوزن جيد والمعاني لاوالله
ولاني بعمم فيه ناسن تجيدي = اتجيد فن الشعر وتجيد معناه
ساروا على منهج ارجالن تفيدي = مثل سبيل اللي عسى الخلد ملفاه
وبو هلال وزيد ويضا الفريدي = مع خالد الموسى ولافي فلا آنساه
والاكلبي والخس و يضا الحميدي = وشقير وبن عون وعضيب حياه
وضيدان وبن افطيس وعيد الرشيدي = وجزا وبن شبيب شعره حفضناه
وغازي وبن دومان و يضا العبيدي = وبن زويبن والحويفي عرفناه
ومن لاذكرت اسمه ابموجز نشيدي = ارجوه يعذرني وبالعين ماواه
محصي عددهم والكلام الاكيدي = انتم فخر للشعر وانتم من احياه
وانتم لكم بالشعر راين سديدي = وانتم سنامنله اوراسه وعيناه
وحنا على منهاجكم مانحيدي = بذن الذي مخاب منهو ترجاه
ومن لاجعلكم قدوتنله بليدي = بليد مايعرف وش الشعر يعناه
ومن لاذكرت اسمه ابموجز نشيدي = ارجوه يعذرني وبالعين ماواه