معتــق الحـربي مع الشـاعر زيــد العضيــله

هــذه محــاورة شــاعرنا المبــدع معتــق الحـربي مع الشـاعر زيــد العضيــله يــوم الخميس الموافق 20/10/1428 بالقاعة الدولية بالرياض

معتق العياضي الحربي=
اليـل يانيـاف جمـع شبـابـة=تراي واحد والخنـاذف عصابـة
واخص ربعي حرب وايضا عتابة=قال المثل من عز نفسة وجدهـا
يانياف جمعلي شبابـة يانيـاف=ابسري على خنذف وافرق شعبها
تراني من الشعار ماني بخـواف=ونفسي ليا غنيت ما قـل ادبهـا
زيد العضيله=
صاح الولد يا عزوتة وفزعولـة=هذا القعود اللي يشيل الحمولـة
يمكن تجية اسهوم عرضة وطوله=قال المثل من عز نفسة وجدهـا
يانياف لو صفوفة اتعود ارداف=ليا شب نارة نطرحة في لهبها
معتق العياضي الحربي=
ماعاد فيها غير طش العمايـم=والحمدلله حضنـا دوم قايـم
وبتالي المشوار معي الغنايـم=قال المثل من عز نفسة وجدها
انا امشي ومن حولي ثلاثين حذاف=لكن البنية وصل رجـل خطبهـا
تراني خليفه شاعر الشعر صياف=تجينا بطيبة نفـس مـا نغتصبهـا
زيد العضيلة=
قواكم الله ونت حاضر وغايـب=طش العمايم من وراها مصايب
لكن خذلك شور من راس شا يب=قال المثل من عز نفسة وجدهـا
يامعتق علومك صا رت اشكال ووصاف=تـرا مـن يضيـع سكتـه يحتلبـهـا
معتق العياضي الحربي=
اللي يشوفك قال وش ذا الوليدة=طش العمايم ما ينوش العقيـدة
قد طشها القرقاح شاعر عبيدة=قال المثل من عز نفسة وجدها
ترى اللي يقف بين الرياجيل ينشاف=ليا كبرت الهرجـة فهـذا سببهـا
انا دون حرب بكل فزعة وميقـاف=ولكـن انتبـة يازيـد لا تستحبهـا
زيد العضيله=
اصبر شـوي الله يخليـك ليـة=ون صار فية صياح مع عنصرية
والله ماتسري لين تاخـذ هديـة=قال المثل من عز نفسة وجدهـا
تغلب على سوق الذهب سوق الاعلاف=ولـكــن مـــن عـنــدة بـضـايـع جلـبـهـا
اناأخـاف تـال الوقـت يخظفـك خطـاف=مـا تعـرف لـراس المرجلـة مـن ذنبهـا
معتق العياضي الحربي=
ان جبت كلمة يالمطيري جزيلة=الله يخليلـي جمـوع القبيلـة
وهديتك عطها يديـن الحليلـة=قال المثل من عز نفسة وجدها
ترى وادي السلمان ما وصل الاشراف=علـى الله يازمـل تجـرح ركبـهـا