و الله لأمـدح عوف و أثـنـي على عــوف

هاذي القصيدة قلتها مدح وثناء على قبيلة عوف لمواقفهم في عتق رقبة الاخ/ عوض الحويفي
ولماشاهدته من كثرة ملتقياتهم لجمع المبلغ المطلوب و كذلك إهداءاتهم له من الاراضي
و السيارات فلله در قبيلة عوف . و هذه القصيدة و الله انها قليلة في حق قبيلة عملت مارأيناه
ولايهونون باقي قبائل حرب . فطيب عوف طيبٌ لقبيلة حرب قاطبة. و إليكم القصيدة:

والله لأمدح عوف و اثني على عوف=و أشيد و امدح كل من قال عوفي
و اهوم و ارقى و اعتلي رأس شفشوف=في مدح عوف معدلين الجنوفي
اللي عن دروب السنع تقل مصدوف= و يهز رأسه للعرب مثل كوفي
ماني عن الواقع مقـيـّد و مكتوف=انا صريح و للمجامل عيوفي
و إليا مدحت امدح قواطيع و سيوف=ما أمدح مساكين الملأ و الضعوفي
ماني على المسكين مجبر ومكلوف= المدح للي فالمهمات يوفي
و اللي بعوف و شايفه ياملا شوف= ان ماذكرته يقصر الله بشوفي
ولو ما اذكر إلا بس نبذه من الجوف=يكفي عن اللي يجتول وسط جوفي
قبيلةٍ رجالهم يقل الخوف=كـنـه يقول الخوف من عوف خوفي
و رجالهم كنه على الموت مشعوف= ماشال هم حساب كثر الصفوفي
لاقام يفني له جماعات وصفوف= صميدعٍ وقت اللقاء مايروفي
و إليا زهمته باللقاء تقل شاحوف=كنه يقول الموت غاية اشفوفي
يرسون بالميقاف لاهب عاصوف=و إليا هبا عن موقفه كل صوفي
و المال ماهم ذاخرينه لــجل نــوف=للموقف اللي في مقامه كلوفي
سبعة عشر مليون بالبنك مضيوف= لــجل الحويفي بالحساب محذوفي
هذا الصحيح اللي من الجوف مقطوف= ماني عن القول الصريح امعسوفي
قلته و انا ممنون ماحافني حوف=مادام عوف طيور شلوى اسيوفي
لاجيتهم قاموا على شاني وقوف= وشلون لو اشكي عليهم ظروفي
و الله لو حملي ملايين و أولوف=لاجيتهم شالوه فوق الكتوفي
عاد انت يابن عريعر الشيخ معروف=لاقيل عبدالله تكامل حروفي
و المدح في شرواك واجب و مخلوف=شيخٍ عليك النايبه ماتطوفي
لك وقفةٍ سعد بها كل مكسوف=ولك مدةٍ فيها تضيع الوصوفي
ماهي بتسكيته و لاهي بمصروف= مدة يمين اللي كريم و عطوف
كم ذاق من مداتك يدين و كفوف=تجود كفك عند شح الكفوفي
يسعد بك اللي يشتكي هم و ظروف=إليا انتخابك يازبون الضيوفي
فيك الوفاء و الجود واضح و مكشوف=وشمس الحقيقة ماكساها خسوفي
ولك سيرةٍ ماطالها كل ملقوف= يدرك مداها كل رجلٍ عروفي
تسعى الوصول إلى قمة المجد وتطوف=إليا قصر عنها جليس الهنوفي
كسبت لك صيت و مكانه ومعروف= فخرٍ لحرب و مفخرة كل عوفي
يابن رشيد و ياذرى كل ملهوف= مثلك يشرفني أمامه وقــوفي

وقد عقب على قصيدتي الشاعر/ داله العوفي بهذه القصيدة

ربعي حمايل عوف رؤوس الزحازيح= لاجاء الله الله يالطريسي نقومي
مدحت يانايف بعوف المفاليح=صحيح عوف محطمين الرقومي
مدحت يانايف و وضحت توضيح=طبق الاصل منك السجل مختومي
النور ماهوب النجوم المدابيح=نور الحقيقة فوق نور النجومي
مداتنا ماهي صحون ومفاطيح=يشهد لنا اللي بالقصاص محكومي
حنا مع اللي يشكي الضيم ويصيح =لو قيل بالمليار حضِّر بيومي
إليا حذفنا عقلنا و المشاليح= نقول حدوامانجيهم نسومي
عوفان من مسروح ماهم شواحيح=مسروح تلبس بالبياض الهدومي
لا كبرت القالة ووصلت مساريح=لاتعدها .. وصلت قضاة اللزومي
في قدرة اللي ينشي المزن و الريح=تكبر وتصغر في يدين القرومي
و ادخل على الله بالقبيلة نواطيح=نعم بحرب معربين السلومي
اهل الكرم و اهل البيوت المداويح= المعجزات اللي عليها العلومي
ياما بحرب من الرجال الطحاطيح=خويهم معهم يعيش امحشومي
ودخيلهم مايعترض له سواميح=دونه تقصّ يدين مع روس قومي
قومة قبيلة حرب تشف المجاريح=سرعة تواجدهم تزيل الهمومي
و انا احمد الله حرب دايم مرابيح=ماضي و حاضر من قديم القدومي
لكن تميزنا و لمحت تلميح=الله عطانا بالمواقف اعزومي
مشكور يانايف بعيد المشاويح=لعل عمرك يالطريسي يدومي
جزل النوادر له دلايل وتصحيح= هذا لقب قسمه جزيل القسومي
نيابةٍ عن عوف مدلي بتصريح=انك وفيت و يشكرونك عمومي