ديوان الشاعر ( أحمد العامودي )

أبغى اسبق الكل واهني=الكل باقبال شهر الصوم
ويارب لك عبد متمني = بالخير يقبل علينا دوم

عندي نظر واحسد الأعمى=مايشوف والشوف عناني
ظميان محدن سقاني ما=واشاهد العد باعياني

أشوف بالعين واتجول=بين البساتين والأشجار
بعدي دخل شخص يتسول= وخرج بباقة من الأزهار

ما عاد لي شف في الشاهي=وعيني على كاسة الشربيت
وجدي على لونها الزاهي=أللي كما المسرجة فالبيت

لي قلب يتجاهل التنكيد=دايم عن الحزن يبعدني
لكن عجز في نهار العيد=يمنع دموعي تعايدني

خاطرة جديدة

ليتك بجنبي وانا جارك=واشاهدك يوم اجي واروح
الطرف شاهدك واختارك =ياللي بنظرة ملكت الروح

محاورة بين العمودي وبخيتان البشري
في 25|10|1430ه

بخيتان البشري=
سلام من صادق إحساسي=يرقى معك للمعالي فوق
ياللي لكم قيس وقياسي=ومطوقين المعاني طوق
أحمد العمودي=
ترحيب وانته علي راسي=ياللي لكم في ضميري شوق
اناسوات الجبل راسي=منك انتظر جيد المنطوق
بخيتان البشري=
شرواك له قدر نوماسي=عسى البقا يارفيع وذوق
أنا كما الصاعقة باسي=اشكي عليكم أسى وحروق
أحمد العمودي=
أسمك مسجل في كراسي=والبيع والمشتري فالسوق
مادام ملبوسك اللاسي=وش هو سبب قلبك المحروق
بخيتان البشري=
اسمي علم كان متناسي=عاتق شرى بيعته معتوق
مشغول فكري وهوجاسي=القلب عاشق فقد معشوق
أحمد العمودي=
لاتسلم القلب للآسي=اللي تناساك يامخلوق
انساه مادام هوناسي=ترى لقلبك عليك حقوق
بخيتان البشري=
ماكان في يوم لي قاسي=اخذ المسائل معي برفوق
ياستاذ مغصوب من ناسي=يسعون في دربنا بفروق
أحمد العمودي=
بفتيك من واقع مراسي=وماأملكه من خبر موثوق
مادامت الأمر متواسي=والود مابينكم مرموق
لوأصبح الوضع حساسي=مايصبحون العوازل عوق
خليك صبار وسياسي=وكل شي بعد الصبر ملحوق

آه الهوا بحت له سدي=وبنيت له في فؤادي دور
عنوة هدم ما بنت يدي= وردني باخر الطابور

خاطرة للاطلاع

القيل له حق واستحقاق= وله ناس يقفون من دونه
ومن كان قيله دجل ونفاق=لازم عن الدجل ينهونه

قـابــل الـبـشــري =
نبغى مثل فالهـواء الطلـق = وحـوار مابيننـا مفتـوح
ولافيه بيني وبينـك فـرق = مادام نسعى ورا المصلـوح
احـمــد الـعـمــودي =
مادام عندك لسـان وحلـق = يبقى المثل بيننـا مسمـوح
نبني صروحه فغرب وشرق = وندونـه بالقلـم فالـلـوح
قابل البشري=
كلمـا نقـول الحبيـب يـرق = ويعطف على الخافق المجروح
يقسى ويحرف فؤادي حـرق = ويزيد جرحي علـي جـروح
احمدالعمودي=
مارضى ولا قول ماله حـق = لو تشتكي لي سنة وتنـوح
أنصفـك والعـدل يتحـقـق = لو تشرح أللي حصل بوضوح
قابل البشري=
وفاي ثابـت ولاينطـق = ماهو سحابة تجي وتروح
لكن صمم يغني طـرق = ماينقله صوته المبحـوح
احمدالعمودي=
وافي وما قلت غير الصـدق = وصاحبك قدم غـذا للـروح
والصوت من صنع رب الخلق =والجهد من يبذلـه ممـدوح