( اللي طلاسمهم على خالد اثقال )

/
/
/
/
/
/
/
/
/
/
/
/
/
/
/
/
/
/

سبّحت لك واشكرك يافرد متعال=واثني عليك الخير يالليعطاني
وابقى مقصّر ماوفيتك بالاعمال=لونه بعز النوم سبّح لساني
ياحي ياقيوم حلاّل الاشكال=انت الصمد وانت الاحد دون ثاني
عدل القضا منته بضالم وميّال=راضي بحكمك لو حرمت الاماني
ياللي قسمت الرزق من طعم واموال=حامدك لوني في زماني معاني
كم من تحدّى قدرتك جاه زلزال=وانت الذي تبقى وهالكون فاني
ياواحد ٍ لاراد من حكمته قال=حرفين تعني كنّ لشّي كاني
انا دخيلك من بلا كل محتال=واللي دخل بحماك ماهو مهاني
الطف بحالي يوم ضاقت بي الحال=واصرف شرور المغربي والعماني
اللي طلاسمهم على خالد اثقال=لو ملتجا بحماك راح بثواني
اصبر على عظم المكايد والاهوال= وادفع بلا سياتهم بالحساني
ولاني بهايبهم رديين الافعال=انا لمن يطلب صراعي لقاني
لكنهم بالوجه ماجوني اقبال=ترسم خططهم بالقفا وتخفاني
ومنك الفرج ياربنا مهدي الضال=طالبك من شر النفوس اتحماني
شكوى لغيرك جالبه نقص واذلال=واختم واصلي عد ماالصبح باني
على الذي يرتاح لام اذّن بلال = وامّبشر العشره بذيك الجناني

الشاعر / خالد بن عبيد بن معتوق ألأحمدي

خالد الأحمدي صح لسانكـ وبيض الله وجهكـ على القصيدة الجزلة ..

تحياتي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

الاحمدي خالد
صح لسان
قصيده رائعه
دااام تميزك وتالقك
احترااامي

صح الله لسانك
ولاهنت
وسلم فكرك وبنانك
دمت برعاية الله

صح السانك مليوووون وبيض الله وجهك على هذا الابداع الرائع بروعة حضورك الغالي

صح السانك وعلا شانك ياصقر المراقيب



ولاهنت يالقرم


تحيتي وتقديرري

انا دخيلك مـن بـلا كـل محتـال .. واللي دخل بحماك ماهـو مهانـي
ابداع وجزاله غير مستغربه
صح الله لسانك
ولاهنت
وسلم فكرك وبنانك
دمت برعاية الله وحفظة

الله عليك يابو عبيد مبدع كعادتك
اقف احتراما لك ولطرحك الراقي
وتقبل مروري المتواضع