أجتمــاعيـــة / ( طراة الشي في حلــــه )

	المشاركة الأصلية كتبت بواسطة السهم الحربي

	أخواني الأعزاء لكم جديدي ممثل في هذه القصيده المتواضعه والتي أرجو أن يكون لها قبول الناس قالو طراة الشي في حلـــــــــه = والي يجي دون حله مايجــــي غـــالــــي الأدمي مايعيف الشي ويملـــــــــــــــه = الا ليا حصله من دون غربـــــــالــــــــي أصبر شويه وياصل علمنا كلـــــــــه = وتنبيك عنه الشوارد وسط الأمثــالـــــي يامغطغطين الحقايق بانت العـــــلــــه = وجه الحقيقه سليم وجسمهـا بــــالــــــي ! ومن دونها ياقف الرجلي على ضلــه = ومن خلفها تختفي موجات الأرســالــي ! اليا متى نكتم الموضوع بسجلــــه؟ = ونقصر حدود النظر عن وضعنا الحالي! تضحك علينا وجيهً مالها ملــــــــــه = والجيل الأول يـــــدمر جيلـــه التــــــالي و(الأب) كنه يفجــــــر بالولـــد غلـــــه = و(الأبن) يبغى حياته تمشية حـــــــــــالي ! من صغر سنه طليق ويتبع الشلـــــــه = والموت من شلةٍ ماعندها والــــــــــي تدل درب الهدى وتقول مـــــاتدلـــــه = يلعب عليها اللعين بكل الأحــــــــوالـــي وإن قلت هذا غلط تنطحك لا باللــــه = لا بالله إلا صحيح بعين الأنـــــذالــــي أول : رسوم الخطا بين العرب قلـــــه = واليوم شفنا الخطا بالوان وأشكــــــالي العولمــه سيطرت / والعولمــه ذلـــــه = والتربيه حولها تشكيك وإجـــــدالــــي الشاشه الي تربي داخـــل الفلــــــــه = والشارع يساند الشاشه بالأخــلالــي ! والبيت يطلب وكـــف العــود يرســله = وعن الفوايد تدنت روس الأموالــــي ! على الولد يرخي المصروف ويهلــه = ويلقى الجزا من رداة الحظ طــوالي أما يمره على المركوع ويزلــــــه = وإلا يدفه بدارٍ سورها عــــــالـــــي ينسى رضى شايبه لامن لقى خلــه = ويستكثر يواصله لو هو بجــــــــــوالي ! وأحقوق الأثنين لايمكن يعـــادلــــه = أياة حق ٍ على الدنيا تنــــامـــــــــــالي مير إن بعض المبادي جابها خلــــه = والبعض الأخر بدين وبطنها خــــالــي ! ومن شاف عودٍ يصيح ونجله يتلـــه = بيقول وش تذخر أحفادي عن عيالي ؟ ! وإن كان دق الكلام موازين جلــــــه = بكره يجيك الخبر من دون مرســـالي! وسلامتكم ملآحظه : كان لحلقة أباء يموتون قهراٍ والذي بثت من خلال برنامج نوافذ على قناة الأخباريه دور كبير في كتابة هذا النص ,,,..

الشاعر الكبير
فهد مطلق السليمي

صح لساااااااااااااانك وبيض الله وجهك
على كل حرف كتبت هنا

اخوي الغالي فهد السليمي
لايفي التعبير عن مدى أعجابي بهذه القصيده وبكل ماتكتب
ماشاء الله عليك تجبر كل من يحب الشعر على متابعتك

ادام الله عليك نعمة الابداع ودمت بخير وصحه وعااااافيه



تقديري لك